Epesus 1:17 - Vato Vari Vakameka Voru Ia Batu Ne

¹⁷ Mana qa pene God, de ikoego Batu ita Jesu Kristo, sauna Tamaqita ni lete menomeno sivala go mara teke ne qamu Spirit tabo go mara vatarove qamu. Mana mara vasadaka ne qamu God go tamuna rove go ia.

Epesus 1:17 ပူးပေါင်းရင်းမြစ်များ

Matiu 11:25

Torana ṉalu nae Jesu igo, “Mamae, Batu na rani mana pua, qa seko velaki go, tanego qo vamia qirae ria iriki vatatana bana qira go kaega, pataro pipika qo pika ne qira go vano tarove mana vano iri nanao rove go pata.

Matiu 11:27

Mamae i teke lupo nava era osina ro pata. Kaega ka basoe irove go Tuna, do Tamana so irove go, mana kaega ka basoe i rove go Tamana, do tanuna so Tuna mana basoero i vine bana go Tuna tina vasadaka ne qira go.

Matiu 16:17

Jesu i vataule ne ia, “Saimon tuna Jon, kula sivala de qo koego aro. Kaega ka basoe na vudu pua dena i va rove zigoe aro, tarove ogoto nae, do Mamae i koe rani ne tane i teke vatotoloṉo nigo aro.

Matiu 20:33

Iru vataule, “Batu, qaru soko ono vamimia mataqaru.”

Matiu 6:13

Mana oniki padane qemu remu pata go i mazala va soru qemu, do ono bara ne qemue dekoe pata sakata rone.

Luka 12:12

Tanego Spirit tabo tina va rove qamue go pata tamuna sine go ṉalu nae.”

Luka 2:14

“Vazaka God ikoego zakazaka ne, mana dalo ina koe pua ne, de iri koego ria basoero i kula ne qira go.”

Luka 21:15

Tanego era, tuna teke ne qamu seko go tamuna seko nego mana tarove go, go kaega ka basoe i kana ne qamu tina seko toli qamu, ba seko va qoqore go pataro tamuna sine go.

Tarama Velaka Ia Jesu Kristo I Karo Go Jon 14:17

Basoe nae to Spirit tabo, iato i vasadake go ogoto na God. Basoero na vudu pua dena iriki toqe ne kaega toṉove na Spirit tabo, tanego iriki miasoba kae mana iriki rove kaega go, do ramu qamu rove ia tanego i ko tarue de qamu koego, mana ikoe loboro qamu go.

Tarama Velaka Ia Jesu Kristo I Karo Go Jon 14:26

Spirit tabo, i basoe vari vatatavisi, Mamae tina turine me ia loborona vitoṉoqu era, tina vatatana qamue osina pata, mana tina vananaotaru qamu e osina pata qa sine bana ne qamu go.

Tarama Velaka Ia Jesu Kristo I Karo Go Jon 16:3

Basoero ne tarina zazu ne pataro dena, de qamu koego ramu, tanego iriki rove kaega Mamae mana iriki rove ava kaega era go.

Tarama Velaka Ia Jesu Kristo I Karo Go Jon 17:3

Mana too iki rove go kaega lupo dena ne, italupase basoero ne tarina rove velake, aro to qo God ogoto, mana tarina rove napu ava era Jesu Kristo noqo turi nava mego.

Tarama Velaka Ia Jesu Kristo I Karo Go Jon 20:17

Jesu i sine ne ia, “Oniki siba va, tanego qara kaebo ule za na de ikoego Mamae. Do ono zae de iri koego vakitaka ro era mana sine ne qira, era tuna ule za de koe Mamae iato i Tamaqamu, mana i God era, iato i God ramu go.”

Zazu Ria Apostoloro 6:10

Do Spirit tabo ne iva tarove Sitivini, tanego ṉalu i seko go ia, i makuru qira tarina vataule ne ia.

Zazu Ria Apostoloro 7:2

Sitivini i vataule igo, “Turaquro, mana mamae ro, gata va era! Tarakenaqana go ia kazigarata ita Abra-am iara za koego Aran, damara na tatavata mazala ia God i sadake ia tepa Mesopotamia,

Leta Ia Pol I Karo Ne Qira Basoero Na Rom 1:28

Tanego basoero ro iri kasi qira soti ze na nanao ria sauna rove velake na God. Iago, God i taru qira go mara ria lulua to vatovato sakata ro iri zazu nego, mana iri zazu ne to pata ro iki tora go kaega zazu nena.

Leta Ia Pol I Karo Ne Qira Basoero Na Rom 15:6

go osiqamu muna kameka vazaka God Tamana Batu ita Jesu Kristo.

Kameka Korinti 12:8

Kameka Spirit tabo dena so i teke ne qira basoero seko ro i purake tarove mana i teke napu ne qira kero ne basoero seko ro i purake pata vari va rove go.

Kameka Korinti 14:6

Iago vakitaka ro era, ṉalu tuna lama e de qamu koego ramu mana seko ne seko kakavata ro, avigo tina mazala tavisi ne qamu? Kaega to, do ṉalu tu garetu sine vasadake pataro i va mia ve God qa rove go, ba seko ia God, ba kakiaro vari vatatana ia go, pataro nae to i mazala go tavisi ne qamu ramu.

Kameka Korinti 2:10

Seko dena to i ko pipika go, do loborona zazu ia Spirit ia God i vamia qemue remu, Ove to Spirit i mazala miana pataro i pupuika ego tanuna God.

Kameka Korinti 2:8

Kaega kaki ria vano kenakenaqana kolabana pua dena, iri rove go tarove dena. Ṉalu go tara ria rove go, ria tariki paqipaqi ze kaega koluse Batu na rani ne.

Karua Korinti 12:1

Era tuna vazaka napu so, patavolomo iki sadaka me kaega kaki pata velaka. Mana ninidena era tuna pepeua pataro i vasadake go Batu ne i va rove ve era go.

Epesus 1:3

Mata vazaka God Tamana Batu ita Jesu Kristo! Tanego loborona ko kameka ita de ikoego Kristo ia iva makaolo qita iteke ne madau qita osina sosovolomo na vudu rani ne.

Epesus 3:5

Ṉalu bana ne God iki varove qirae kaega basoe ro ne pata ogoto i ko pipika go dena, do ninidena loborona Spirit tabo ia, i vasadaka ze de iri koego apostoloro tabo ia God mana propetaro ne go.

Epesus 4:13

Loborona to vatovato dena osiqita tatana lama kamekae go vaogoto ita, mana rove na qata salero ia God. Mana ṉalu ita tatana basoe kazigarata, ita tatana lama dokae go tutukununa too totoloṉo sivala ia Kristo.

Pilipae 3:15

Osiqita ita i kazigarata go too na madau qita, mata pada ne pala na kameka nanao. Do ṉalu kakiaro ramu qamu pala go nanao kakavata, God tina va tatavata ne qamu.

Karua Timoti 2:25

Tina rove napua de go tina vatotoloṉo qira go vano iri valegua go vari vatatana ia, ṉalu nae God i mazala napu so tavisi vatotoloṉe na nanao qira basoero nae, go tarina rove go seko ogoto ne.

Taetusi 1:1

Era Pol qa basoe zazu ia God mana qa apostolo ia Jesu Kristo. God i turi nava era go tuna tavisi ne qira basoero ia i vine bana qira go, go tarina vaogoto ia mana go tarina rove velake vari vatatana na vaogoto ita go.

Jemisi 2:1

Ramu turaquro qamu vaogoto bana mego Batu ita Jesu Kristo i batu ne go osina menomeno. Kasi vine vakakavata qira basoero ne, tanego iki vari pada kaega vatovato ria ni sadaka go.

Karua Pita 1:3

Loborona karaputa ia God, Kristo i teke ne qita osina pataro i tora go too ita, go tatana lulua go totoloṉo ia God. Loborona rove ita de i koe Jesu Kristo, ia i koru bana qita go tatana pala tavise go menomeno na karaputa mana totoloṉo iago.

Karua Pita 3:18

Do ramu muna pala va popoka loborona velaka, mana roverove velaka ramu de ikoego Batu ita, mana vari vakavele ita Jesu Kristo. De ikoego ia mata vazaka vitoṉo na nini, mana ṉalu topu ro ne. Amen!

Revaleson 7:12

Iri go, “Iogoto sivala! Vazaka, karaputa mazala, tarove, seko velaka, vabatu, karaputa mana moqere gogo ne, i reqe meso de qo koego aro God remu, qo ko osina ṉalu topu ro ne, Amen!”