Epesus 1:13 - Vato Vari Vakameka Voru Ia Batu Ne

¹³ Mana ramu napu to go qamu basoero ia God, ṉalu qamu qata go tarama ogoto ia ne. Iago Tarama Velaka tonae i pala ne qamu go vari vakavele. Ṉalu nae to ramu qamu vaogote Kristo, mana God i teke ne qamu Spirit tabo i pui ne go i sauna lalana go ia i tonovo qamu go.

Epesus 1:13 ပူးပေါင်းရင်းမြစ်များ

Luka 11:13

Ramu qamuki vano totoloṉo kaega do, ramu qamu rove pata i velaka so tamuna teke ne qira go sale ro ramu. Tamaqamu ikoego rani i lete velaka sivala ne qamu ramu. Tina teke ne qira Spirit tabo ria iri pene go!”

Luka 24:49

Era tanuqu tuna turine me pata i pui bana ne go Mamae, do ramu muna piri eso komala lavata ne, go tina doka so ṉalu karaputa na zakazaka ne tina lama koe de qamu koego.”

Tarama Velaka Ia Jesu Kristo I Karo Go Jon 1:17

God i tekene Tamana ia de ikoego Mosese, do Mana mana seko ogoto i reqe me de ikoego Jesu Kristo.

Tarama Velaka Ia Jesu Kristo I Karo Go Jon 14:26

Spirit tabo, i basoe vari vatatavisi, Mamae tina turine me ia loborona vitoṉoqu era, tina vatatana qamue osina pata, mana tina vananaotaru qamu e osina pata qa sine bana ne qamu go.

Tarama Velaka Ia Jesu Kristo I Karo Go Jon 15:26

Era tuna turi ne me basoe vari va tatavisi tina reqe me de koe Mamae, basoe vari va tatavisi nae ne iato Spirit tabo, ia tina vasadake ogoto na God. Ṉalu ia tina za lama go, ia tina sine ne qamu sauqu era.

Tarama Velaka Ia Jesu Kristo I Karo Go Jon 3:33

Do ka basoe i vaogote go seko ia, basoe nae i vasadake, God i ogoto.

Tarama Velaka Ia Jesu Kristo I Karo Go Jon 6:27

Iago muniki zazu vokara ne patagege i sakata katikili go, do muna zazu vokara ne patagege i mazala go tekene qamu go too iki rove go kaega za lupo. Era Tuna basoe na tekene qamu patagege igogo ne, tanego God Tamaqita i vasadaka bana, i soko ava era.”

Zazu Ria Apostoloro 1:4

mana ṉalu iri kameka teṉo go, ia i teke ne qira tamana dena, “Muniki kasi ne Jerusalema, do muna piri ne sosovolomo ia Mamae i pui bana ne go gerena qa sine bana ne qamu go.

Zazu Ria Apostoloro 13:26

Ramu turaquro vano Izirel qamu reqe mego sinaqe ia Abra-am mana ramu topuro qamuki Jiu go kaega qamu vazaka go God. Ita to tane God i turine me ze go tarama dena go tina vakavele qita.

Zazu Ria Apostoloro 2:33

I za koe karisi matauna God Tamana mana i tonovo ze de ikoe ia Spirit tabo, gerena, i pui bana ne go ia. Iago, pata qamu mia mana gata qamu gogo nini dena ia to sosovolomo ia Jesu, i zeleme ze de qamu koego ramu.

Leta Ia Pol I Karo Ne Qira Basoero Na Rom 1:16

Qa taru lupo zeto ruruqe era loborona Tarama velaka. Tanego iato i karaputa iago God go i mazala go va kavele qira go osiqira basoero iri vaogote go. Vano Jiu iri gata kenaqa mego, mana taramuzina iri ara gata go vano iri ki Jiu go kaega.

Leta Ia Pol I Karo Ne Qira Basoero Na Rom 4:11

Taramuzina to ia iri ara kosia go Abra-am, kosi dena i lalana to God i toqe ne Abra-am i totoloṉo vaogoto ia tarakenaqana iara kaeba go kosi. Iago Abra-am i tamaqira basoero iri vaogote go God, gerena God i toqe ne qira iri totoloṉo go. Patavolomo iara kaebo go kosi.

Leta Ia Pol I Karo Ne Qira Basoero Na Rom 6:17

Iago mata seka velaka ne God, tanego de i lupo bana mego ramu qamu seka ia vasakata pata. Do ramu qamu vaogoto ze puṉuqamu vatovato ogoto qamu pala ze go vari vatatana iri teke bana ne qamu go.

Karua Korinti 1:22

i taru ze lala ia i tonovo qita, mana ia i teke ne qita, Spirit tabo loborona puṉuqita, ianae i va nanao taru qitae ita, topu na pataro iara ko napu, i babana ne qita go.

Karua Korinti 6:7

Loborona tarama ogoto qi tarama nego, mana karaputa ia God go, remu qi pala totoloṉo gerena bako i koe karisi gede mana peqi varitara i koe karisi matau qemu, go timuna varitara ne mana midiki ne ze too sakata ro.

Qalesia 3:14

Zuka nae to Kristo i voli qitae go, go basoero iriki Jiu go kaega tarina pala tavise go, pata i pui ne go God tina teke go Abra-am. Mana zuka nae to, ita qata vaogoto go qata mazala pala na Spirit tabo i pui bana ne go God.

Epesus 4:21

Ramu qamu gata bana to sauna Jesu Kristo, mana qamu lulua ia, ṉalu iri vatatana qamue go sauna ogoto ikoego ia.

Epesus 4:30

Mana kasi vamaqate na Spirit tabo ia God. Tanego Spirit tabo i vasadake, iato i lala ia God, go itonovo qamu go, mana iato go tina lukasa qamu go musaqara muzimuzi.

Kameka Tesalonika 2:13

Mana kakia napu pata, remu qimu seko velaka ne za qe God osina ṉalu. Ṉalu qimu garetu sine vasadaka ne qamu go seko ia God. Mana pata ogoto sivala, God izazue loboro qamu ramu qamu vaogote go ia.

Karua Timoti 2:15

Ono pada ne lete zazu vavelaka, go God tina soko go zazu aro, ono vari vatatana velaka ne seko ia God loborona zazu totoloṉo, go toniki agava e kaega tarakenaqana God.

Karua Timoti 2:19

Do kutama ogotona eklesia ni tarua go God, tiniki mazala kaega vizu na, mana i karoe seko dena, “Batu ne i rove velake basoero ia,” kaki seko igo napu de, “Basoero iri go, iri basoero ia Batu ne, iri na vana ne vatovato sakata ria.”

Karua Timoti 3:15

Pasi ara sale qo vaego, aro qo rove velake Buka tabo ne. Mana vari vatatana ikoego i mazala tavisi nigoe pala na nanao velaka, mana de go rove velake na Jesu Kristo, go God tina vakaveli go.

Taetusi 2:11

Tanego God ivasadaka bana Mana ia, go tina vakavele qira basoero na kolabana pua ne.

Iburu 2:3

Iago avigo? Mata paqa ne, tanego qatiki mia rove kaega vari vakavele lavata ne? Tanuna Batu ne i sine vasadaka kenaqe go vari vakavele dena, mana ria iri gata bana go, iri vasadake go i pataogoto bana.

Jemisi 1:18

Vatovato ia tanuna i valame ne qita ita seko ogotona too, mana go ita tatana ko kenaqa ne qira osina pataro i vazaria go.

Jemisi 1:21

Iago muna vanane too sakataro, mana too memelaka ro ramu. Do muna vaqoqore tanuqamu mana toqe ne seko ia God ileba ze qo puṉu qamu. Ia tonae tina vakavele qamu go.

Kameka Pita 2:10

Ṉalu bana ne ramu qamuki basoe ia kaega God, do ninidena ramu qamu basoero ia, ṉalu bana me ramu qamuki pala kaega manava ia God, do ninidena ramu qamu pala to manava ia.

Revaleson 7:2

Mana qa mia napua kakia aqelo i za popoka me tepa keba na saṉa ne, aqelo nae i pala me lala ria basoero ia God ni teke ne qira go too. Aqelo ne i koru valavata qira qe ria kavasi aqelo ni teke ne qira go God karaputa go tarina vasakate go vudu pua mana masi lavata go.