Epesus 1:11 - Vato Vari Vakameka Voru Ia Batu Ne

¹¹ Osina pata izazu ne go God i va lulu ze so nanao na mana vivine ia. God i vine qita qata basoero ia, loborona vari vakameka ita de ikoego Kristo. Tanego saunaa nanao lavata ia idegere so pata i vine bana mego kokosona bana me.

Epesus 1:11 ပူးပေါင်းရင်းမြစ်များ

Zazu Ria Apostoloro 13:48

Ṉalu vano iriki Jiu go kaega iri gata go sekoro dena, iri lete kula, mana iri seko velake God sauna Tarama Velaka dena. Mana ria iri tavine bana ego pala go too gado kutona i kaega, iri vaogote toiago.

Zazu Ria Apostoloro 2:23

Loborona vato ia God i valulu ze tarove ia tanuna go i vine bana go Jesu i valame ze de qamu koego ramu, mana ramu napu so qamu vaevale go ia, qamu vamao ne qira vano sakata ro iri paqipaqi ze go ia koluse ne.

Zazu Ria Apostoloro 20:27

Tanego era ikaega kaki pata qa pala vaule go, sine qa vae ne qamu go zazu ro ba, pataro i nanao go God tinara zazu nego.

Zazu Ria Apostoloro 20:32

Mana ninidena era qa taru qamue to vari miasoka ia God, tarama na de igogo velaka na God, go tina vazaza popoka qamu mana vakaraputa qamu, go tamuna pala vatabo i vanama bana go God, tina tekene qira go basoero ia.

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Zazu Ria Apostoloro 4:28

Vatovato ro dena iri zazu ne ze so pataro qo soko go aro, go loborona karaputa aro qo sine bana mego tinara lama sadaka.

Leta Ia Pol I Karo Ne Qira Basoero Na Rom 11:34

Gerena i sine go Buka tabo ne, “Akena i rove go nanao na God? Akena i mazala go teke ne na ia nanao rove go?

Leta Ia Pol I Karo Ne Qira Basoero Na Rom 8:17

Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Leta Ia Pol I Karo Ne Qira Basoero Na Rom 8:28

Ita qata rove God izazu ne go osina pata sauna velaka ia de iri koe go ria iri mamaligara ne go. Ria to nae i koru bana qira go tarina vasadaka mego pata velaka ikoego nanao ia.

Leta Ia Pol I Karo Ne Qira Basoero Na Rom 8:29

Tanego ria i vine bana qira go dena God, ria to tarina lama gere go sale ia ne, mana sale kenaqa iadena iato i toga qira go osiqira ne.

Leta Ia Pol I Karo Ne Qira Basoero Na Rom 8:30

Iago ria i vine bana me qira go God, ia i koru napu me qira go i vatotoloṉo napu me qirae de ikoego tanuna, mana i teke napu ne qira too menomeno ia.

Leta Ia Pol I Karo Ne Qira Basoero Na Rom 9:11

Do God i soko valulu zena nanao ia. Iago, i vine so kameka riru karua sale dena. God i sine ne Ribeka, “Sale kenaqa ne tina zazu ne go ke suka ne.” I sine bana pata dena tarakenaqana iru ara kaebo go zazu ne na pata velaka ba i sakata. Iago vivine ia God i degere ṉalu ni korua go basoe, do iki reqe kaega pata i zazu ne go.

Qalesia 3:18

Avigo luluna tamana tina teke ne qita pataro i pui nego God? Kaega! Ṉalu qata pala ze pataro igogo ne tanego qata lulua Tamana, ianae ne iki reqe me kaega pui ia God go. God i teke ne pataro Abra-am lulua so pata i pui nego.

Epesus 1:14

Spirit tabo iteke qita karaputana mazala, go ita tatana pala go pataro i piu bana ne qita go God. Mana ia i varove ogoto qita ita, God tina lukasa ogoto qira basoero iri ke iago. Iago ita mata vazaka God ni lete menomeno sivala go.

Epesus 1:18

Qa pene God go mara papaqa nanao qamu go ramu muna mia tatavata ia, go ramu tamuna rove go ruruqe ikoru qamue tamuna pala go taramuzi na. Go tamuna mia rove go pata velaka sivala ro i pui ne qamu go ramu basoero ia ne.

Epesus 1:5

God ivine bana ze de ikoego Jesu Kristo, iato tina lulu qita go tatana salero iago. Iato dena to ikutamana go pata ilete soko go God.

Epesus 1:8

go i vasadaka va velaka ne qita go osina tarove ia mana mimia rove iago.

Epesus 1:9

Tanego iva voto pata inanao bana mego mana i vasadaka ne qita nanao pipika ro ia itaru bana mego, mana i valupo ze de ikoego Kristo.

Epesus 3:11

God i valulu ze nanao ia iko bana mego ikaega go ka valupolupona. Mana i vasadaka ze loborona zazu ia Jesu Kristo Batu ita ne.

Kolosia 1:12

Mana loborona kula ramu, muna seko velaka zage Tamaqita, ia i mia va tora qamu e ramu pala tavisi na todo qamu pata i sotia go God i taru bana ne qira go basoero ia loborona de ikoego tatavata ia God.

Kolosia 3:24

Nanao tarua, Batu ne tina teke ne qamu voli, i soti ne qira go basoero ia, tanego Kristo i Batu ramu, mana ramu qamu vano zazu ia.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Taetusi 3:7

go ita tatana toṉove go too iki rove go kaega lupo. Too qata vaogote go tatana za pala go ne God i manava ne qita, mana i taru vatotoloṉo qitae tarakenaqana tanuna go. Seko dena i pata ogoto, qa soko sine vamoqere nigo, ono sine vasadake vari vatatana dena, go basoero iri vaogote go God, mara teke ne ṉalu ro ria zazu na pataro ni velaka go. Pataro i velaka go ne, iato i mazala go tavisi ne qira go basoero ne.

Iburu 6:17

God i soko vatatavata ne qira basoero tarina pala go pata i pui ne go, ia tiniki ara kavale kaega nanao na, iato go i odo odo ne go pata i pui ne go.

Jemisi 2:5

Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Kameka Pita 1:4

Ianae go ita qata vatarakenaqa ne za qe palana vavagado na makaolo ia God i soti ne qira go basoero ia. Vavagado nae i soti ne qamue rani ne, de iki mazala kaega za sakata ena mana za kaega ena go.

Kameka Pita 3:9

Kasi vari sokasoka ne na pata i sakata go, ba vari soka nena seko sakata go, do muna pene ne basoe igogo nae, tanego makaolo to pata i pui bana ne go God tina tekene qamu, ṉalu i koru bana qamu go.