Epesus 1:10 - Vato Vari Vakameka Voru Ia Batu Ne

¹⁰ Nanao dena tina lama vaogoto ze to ṉalu musaqara na ne. Iato tina teṉo lupo qira osina pataro i vazari zego.

Epesus 1:10 ပူးပေါင်းရင်းမြစ်များ

Matiu 25:32

Osina basoero na kolabana pua ne, tarina lama teṉo e tarakenaqaqu era. Gonae tuna vota va karua kena qira basoero ne, gerena valeke miasoka sipi i vota qira go sipi mana naniqoti ia.

Maka 1:15

Igo dena, “I lama doka to ṉalu Too ikoego vari miasoka ia God ilama ko garogaro to! Muna nanao ule mana vana ne vasakata pata ro ramu mana vaogote Tarama Velaka!”

Kameka Korinti 10:11

Osina pataro dena i dokae de iri koego kazigarataro ita, go mara vasadake vapadapada de iri koe kero ne basoero, mana iri karo bana gerena kameka vabanabana de qata koego ita. Tanego ita qata too ninidena, qata garogaro za to lupolupo na vudu pua.

Kameka Korinti 11:3

Do ninidena era qa soko ramu muna rove velake, Kristo i kuzuku ne qira osiqira valeke ro, mana valeke busi i kuzuku ne qole ia mana God i kuzuku nego Kristo.

Qalesia 4:4

Do ṉalu i lama doka to, ṉalu God i valame Sale ia tanuna. I lama podoe qole basoe na pua dena, mana i lulua tamana ria vano Jiu.

Epesus 1:22

God i taru ze polana makena Jesu osina pataro ne, mana i teke napu ne ia eklesia go tina kuzuku ne go, mana i Batu lavata sivala ne go osina pata ro go.

Epesus 2:15

Iva kuziki ne Tamana ro mana tabotabo ro ria vano Jiu, loborona to zuka nae i va kameka qira go karua sinaqe basoe dena, mana i vakameka ze de koe tanuna, gerena i taru qirae loborona bule ia.

Epesus 3:15

Mana de ikoego ia osina tatamana na rani mana pua dena iri pala ze vitoṉo ogoto qira.

Epesus 3:2

Era qa rove velake, ramu qamu gata bana, loborona Mana ia God, iteke nava era zazu dena sauna velaka qamu ramu.

Kolosia 1:16

Tanego loborona Kristo, God i va zaria osina pataro ikoego rani mana pua, pataro qata mazala mia na mana pataro qataki mazala go kaega mia na, gere qira batubatu ro, vano vatovato, mana vano kenakenaqa go. God iva zaria kolabana pua dena loborona Kristo mana kolabana pua de i ke ia Kristo.

Kolosia 1:20

De ikoe Tuna, God i nanao tina pala vaule ze kolabana pua loborona le ia Jesu koluse ne. God i va bule napu ze de ikoe tanuna, de iri koego basoero topu, mana iva kameka napu ne tanuna osina pata, basoe mana osina pataro na rani mana pua go.

Kolosia 3:11

Sauna to ianae, i kaega so kapata iri vari vakakavatae ne vano Jiu ba vano iriki Jiu go kaega, vano iri kosi ba vano iriki kosi go kaega, vano iri pala vari vatatana ba iri ko piru, vano iri seka ba vano iri ko talukasa go. Tanego Kristo i sapu lupo qira mana Kristo i koe loboro qira, iago osiqira iri kameka basoe lupo so.

Iburu 1:2

Do ṉalu ro dena i garogaro go vele lupo go, God i seko tabe qita e ita loborona Sale ia. God i vazaria go kolabana pua ne mana pataro ikoego. God i vine bana ṉalu kolabana pua dena tina lupo, osina pataro ikoego tina ke ia Sale ia.

Iburu 11:40

Tanego God i nanao bana pata tina velaka sivala ne qita osiqita, God i soko tarina piri ne qita mana ita tatana totoloṉo e tarakenaqana ia.

Iburu 9:10

Tamana ro dena i patana so pekapeka na basoe, zazaona pata gege, besi, mana de go va vadalo, tamana ro dena tina ko go na doka ṉalu God tina kavale osina pataro mana tina va voru lupo go.

Kameka Pita 1:20

Tarakenaqana me God iara va zaria go vudu pua, ia i vine bana Kristo go tina vakavele qamu, mana torana dena go tina za mamanava go vudu pua, Kristo i lama bana, i zazu ne go pata dena sau qamu ramu.

Revaleson 5:9

Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.