LINJIILA MATTA 5:3 - Version Pular Fuuta-Jallon

³ «Yondiniiɓe ka ɓernde ɓen ko malaaɓe, ɓay laamu kammu ngun ko kamɓe wonani.

LINJIILA MATTA 5:3 ပူးပေါင်းရင်းမြစ်များ

LINJIILA LUUKA 18:14

«Mi andinii on, ko on ƴantoowo sagalle ɗon-le yiltitinoo ka galle mun e hoore ko o jogoraaɗo wa feewuɗo edii Fariisiyaajo on. Ko fii kala mawnintiniiɗo jippinoyte, awa kadi kala jippinɗo hoore mun mawninoyte.»

YAAQUUBA 2:5

Heɗitee, yo musiɓɓe an yiɗaaɓe! E hara hinaa miskinɓe ɓen ka aduna ɗoo Alla suɓii fii no ɓe wonira alɗuɓe e nder gomɗinal ngal, e heɓooɓe geɓal e laamu ngu o fodi yiɗuɓe mo ɓen ngun?

LINJIILA LUUKA 11:28

Kono Iisaa jaabii, wi'i: «Maloore wonanii kan ɓen heɗotooɓe daaluyee Alla on, ɗoftoo mo!»

LINJIILA MATTA 11:25

E on saa'i ɗon, Iisaa ƴetti haala kan, o wi'i: «Mi yettii ma yo Baaba, Jom leydi e kammu, fii koo ko wirnanɗaa ɗun ɓen faamuɓe e ɓee gandiɗuɓe, feɲɲinanɗaa ɗun ɓee fayɓe.

LINJIILA LUUKA 4:18

«Ruuhu Joomiraaɗo on no e hoore an, sabu ko min woni Suɓaaɗo on fii feɲɲinangol miskinɓe ɓen Kibaaru Moƴƴo on. O nelii lan fii hollitugol nangaaɓe ɓen hettugol hoore mun, hollita bumɓe ɓen hettugol giiɗe mun ɗen, hollita njaggaaɓe ɓen kadi hettugol hoore mun,

LINJIILA MARKUUSA 10:14

Ɓay wonii Iisaa yi'ii ɗun, o tikki, o wi'i: «Accee paykoy koy ara e an, wota on haɗu koy, ko fii *laamu Alla ngun ko sifa makkoy wonani.

LINJIILA MATTA 13:16

«Onon non, gite mon ɗen malii ko fii hiɗe yi'ude, noppi mon ɗin malii ko fii hiɗi nanude.

YAAQUUBA 1:12

Maloore wonanii on neɗɗo ŋaɲɲiiɗo ndarndanɗe ɗen, ko fii si o dartike ndarndanɗe ɗen, o hendoto *meetelol ngurndan, ngol Joomiraaɗo on fodi yiɗuɓe mo ɓen.

LINJIILA YUUHANNA 20:29

Iisaa wi'i mo kadi: «Ko ɓay a yi'ii lan si hooliɗaa. Kono maloore wonanii ɓen hooliiɓe ɓe yi'aali!»

LINJIILA MATTA 24:46

Maloore wonanii on jiyaaɗo, mo jom mun ari tawi no jokkiri non.

YAAQUUBA 1:10

alɗuɗo on kadi weltora ko Alla tippini mo kon, ɓay fii makko on feƴƴiray wa piindi ngesa.

FEƝƝINANNDE 22:14

«Maloore wonanii ɓen laɓɓinɓe conci mun fii heɓugol geɓal ka leggal ngurndan, e no ɓe naatira ka saare, hara ko ka dambuɗe ɓe rewi.

FEƝƝINANNDE 19:9

Malaa'ikaajo on wi'immi kadi yo mi windu wonde: «Maloore wonanii ɓen noddaaɓe ka nafakka peera *Baalun kun.» O wi'i kadi: «Ɗii ko daaluyeeji Alla goongaaji.»

LINJIILA MATTA 25:34

«Onsay Lanɗo on wi'ay wonirɓe ka sengo mun ɲaamo ɓen: ‹Aree, yo ɓe Ben an barkini! Hendoɗon ndondi laamateeri eɓɓananoondi on ndin gila ka fuɗɗoode aduna on.

LINJIILA MATTA 11:6

Kala mo feggaaki e an ko malaaɗo.»

LINJIILA MATTA 8:11

Mi andinii on, ɗuuɗuɓe iwroyay funnaange e hirnaange, ɓe nafodoya e Ibraahiima e Issaaqa e Yaaquuba ka laamateeri kammu.

LINJIILA MATTA 3:2

himo wi'a: «Tuubee, ko fii laamu kammu ngun ɓadike!»

LINJIILA MATTA 19:14

Iisaa wi'i: «Tertee paykoy koy, wota on haɗu koy arugol e an, ko fii laamu kammu ngun ko sifa makkoy wonani.»

LINJIILA LUUKA 22:29

Ko ɗun waɗi si mi lamminiray on wano Baaba an lamminirimmi non,

LINJIILA LUUKA 22:30

fii no ɲaamiroyon yaron ka ndaɗɗudi an, ɗun ko ka nder laamateeri an, jooɗoɗon kadi ka julle laamu fii laamoyagol *bolondaaji Isra'iila ɗin sappoo e ɗiɗi.»

FEƝƝINANNDE 3:17

Hiɗa wi'itii galo, alɗuɗo, mo ŋakkiraaka hay huunde, hara-le a andaa ko a tampuɗo, yurmuɗo, baaso, bunɗo, holɗo.