EFEESI 2:1 - Version Pular Fuuta-Jallon

¹ Onon non hari on maayii sabu bonnereeji mon ɗin e junuubaaji mon ɗin,

EFEESI 2:1 ပူးပေါင်းရင်းမြစ်များ

LINJIILA MATTA 8:22

Kono Iisaa jaabii mo, wi'i: «Jokkan, accaa mayɓe ɓen wattina mayɓe mun ɓen.»

LINJIILA LUUKA 15:24

Ko fii hari oo ɓiɗɗo an ɗoo ko mayɗo, kono jooni o wuuritii, hari kadi o majjii, kono jooni o yiitaama!› Onsay ɓe woni e fijugol weltoda.

LINJIILA LUUKA 15:32

Kono mi taw bee mi weltoo, mi waɗa welo-welo, ɓay hari oo miɲɲiraawo maa ɗoo ko mayɗo, kono jooni o wuuritii, hari kadi o majjii, kono jooni o yiitaama.› »

LINJIILA YUUHANNA 10:10

Ngujjo on kan ko aranta ko fii wujjugol, wara, hayrina. Min non ko mi arani ko fii yo baali ɗin heɓu ngurndan, hara ko ngurndan heewuɗan.

LINJIILA YUUHANNA 14:6

Iisaa jaabii mo, wi'i: «Ko min woni Laawol ngol e Goonga on e Ngurndan ɗan. Hay gooto waawataa yahude ka Baabaajo on si wonaa e an o rewri.

LINJIILA YUUHANNA 5:21

Ko ɗun waɗi, wano Baabaajo on immintinirta mayɓe ɓen non, o wurnita ɓe, ko wano non kadi Ɓiɗɗo on wurnitirta on mo o faalaa wurnitude.

LINJIILA YUUHANNA 5:25

Ka haqiiqa haqiiqa mi andinii on, saa'i araynooɗo on ko fewndo ɗoo, nde mayɓe ɓen nani hawa *Ɓiɗɗo Alla on, ɓen nanuɓe wuura.

ROOMU 8:2

Ko fii sariya Ruuhu ngurndan wonɗo e Iisaa Almasiihu on jattinii lan sariya junuubu e mayde on.

KORENTI 1 15:45

Ko ɗun waɗi si no windii: «Aaden arano on, ɗun ko Aadama, heɓi ngurndan, o wuuri.» Kono Aadama sakkitoro on ko ruuhuyankeejo yeɗoowo ngurndan.

KORENTI 2 5:14

Ko fii giggol Almasiihu on no laamii men, menen ɓee fellituɓe ɗunɗoo: aaden gooto maayanii fow, awa fow maayii.

EFEESI 4:18

Miijooji maɓɓe ɗin ko niɓɓituɗi, ko ɓe jananɓe e ngurndan Alla ɗan, sabu majjere maɓɓe nden e yoorere maɓɓe ɓernde nden.

EFEESI 5:14

ko fii ndaygu ngun hentinay fow. Ko ɗun waɗi si no wi'aa: «Finu, yo an ɗaaniiɗo, immo e hakkunde mayɓe ɓen, Almasiihu on ndaygay e hoore maa.»

KOLOOSI 2:13

Onon, ɓe tawata maayiino sabu bonnereeji mon e sabu angal sunninegol mon, kanko Alla o wurnitidii on e Almasiihu on. O yaafanike en bonnereeji men ɗin fow.

TIMOTEE 1 5:6

Kono keynguujo jokkuɗo mbeleeɗe ko mayɗo, fii kala himo wuuri.

YUUHANNA 1 3:14

Ko fii hiɗen andi ko e mayde iwuɗen, aruɗen e ngurndan, ɓay hiɗen yiɗi musiɓɓe men ɓen. On mo alaa giggol, haray ko ka mayde woni.

FEƝƝINANNDE 3:1

«Windan kadi malaa'ikaajo moftal wongal Sardiisa ngal, wi'aa: ‹E hino ko Jogiiɗo ruuhuuji Alla ɗin jeeɗiɗi e koode ɗen jeeɗiɗi wi'i moftal ngal kon: ‹Miɗo andi kuuɗe maa ɗen, miɗo andi kadi no wi'aa ko a wuuruɗo, kono ko a mayɗo.