Ruuka 23:2 - Riosia Warijio Nayewani Ahpo Tisiwa Kaaweruma Tuuyewari

² Wa'a upasopua, Piiratochi wenejirepua waikao, chaachapaka: —¡Yawichi! I'wa aamo u'yepaka teeme i'ka tijoeo, weeru chaachapatiapu taamo mochiwachio ki natetepo tuuyekaopua, te'ta Seresa yawichiwichio koparoaniameopua, rooma yawichi kahtiameopua. Apoeopua tiameo, Riosie Weratiame yawichiko tuuyapu puuua.

Ruuka 23:2 ပူးပေါင်းရင်းမြစ်များ

Maateo 17:27

Nape ki seesenukai natetenia kaawepua, ki aaata ki kaawe eramichiopua. Wa'a teesoo, wiitu siinka weruma neerochi, so'chi po'wachupuapua. Pahcha so'chi aamo ma'chipariachi, ne'nepuapua chu'wachio wahjoneka, wa'a tewimamua piiripi toomi. Pu'kaeche ahsepameripua, yawichi koparowa natetepuameo, taamo na'pawichio koparowaniameo.

Maateo 22:21

Aapoeo chaachapakapua: —Seresa yawichi —chaachapakapua. Waikao Eesusia chaanekapua pu'kao: —Wa'a teesoo pu'ka yawichio, ahpo kiajerakamera kiapuapua, toomikamera; Riosio ahpo kiajerakamera kiapuapua, iyoriwakamera.

Maateo 27:11

Eesusia Piirato yawichichi upasao, eee cheeka iinatuketiapua: —¿Pichiwa uurio ti'tijoeri yawichiwara muuua? —Eje'e, aamo chiiachite puuua —nehjiaka Eesusia.

Marako 12:17

Waikao wa'a chaachapakopa pu'kao, chaanere Eesusia: —Wa'a teesoo te'ta yawichi iinuwarao, te'ta yawichikamera kiapuapua; nape Riosikamera iinuwarao, Riosikamera kiapuapua. Wa'a cheeka nehjiatiapao puuu Eesusieo: —¡Naakonakosa wa'a tiiaitepua, tísia inatamekaite puuua? —ahpo chaachapaka itipirepua.

Marako 15:2

Waikao Piiratoai wa'ao, iinatukerepua Eesusio: —¿Muuukosapu i'isaeri yawichia? —Wa'atepua, amoe wa'api wa'a chiiamepua —cheeka nehjiare Eesusia.

Ruuka 23:14

Napawisoopua, Piiratoa chaanerepua: —Ki nu'unti wenejika no'o u'yepariai eemea i'ka Eesusio, ti'tijoeri weeru nokitio chaachapaka, nape i'kao neeea, aamo tetewachi te'ta iinatukekamenia, eeme wa'api tetewakamepua pu'kao, no'oo kihta na'ara iintokame tewakamekopua pukachio.

Ruuka 23:5

Nape aapoeo, epeche utewaeme chaachaparepua Piiratoo: —Ahpo masitiaeopu ti'tijoerio, weeru chaachapatiapua, yomachi taamo mochikachiopua. Ihjia, Arirea weeechi o'inesao wa'a tiame masitekao, wa'achi ihsinapua ahkasi i'wa Eerusarenioi.

Waani 18:29

I'isaerio ki muikopao, Piiratoa machenaka chaanekapua pu'ka Eesusi u'pakameo: —Ti'tijoeee, ¿ihtana wenejina eeme i'ka tijoeo?

Waani 18:30

Aapoeo chaachakapua: —Kihta iintokame enesoo, ¿aamo u'yepatariamare teeme?

Waani 19:12

Wa'a tiame inamukapa Piiratoa, achini teeka toipuaichio i'yakao, Eesusi pejanao ta'omamo o'raipua ti'tijoerio. Nape i'isaeri ti'tijoeria, simitekapua sisinakao, chaachapakapua: —Pu'ka tijoe toisaamua, ki kaawe teeka itipimamua aamo te'ta yawichichiopua Seresa. Aaataai yawichi enepakamea, Seresa seepurawarapua.

Nokitiame 24:13

Ihji no'o wenejiamea, ka'chi iika pichiwatamapua ahpo wenejiao, kiisi pichiwakopa chaachapao.

Nokitiame 24:5

Ihji tijoea, tísia kichiwa ihsiamekapu, ahkaoi ahpo pakiyachiamio i'isaeri ti'tijoerichio. Yooma weeechi i'isaeri ti'tijoerichio, tísia nasiwatiapu puuua. Ihjikamerakapu te'ta masitaria, Nasare pirenaturichi masitiamea.

Rooma 13:7

Yooma ihtawichio yawichi koparoawaa, natetepuamepua, te'ta ya'yawichiwichio, ki te'ta yawichiwichooi, nu'nunti teesa ya'yawichiopua tiame. Wa'achitia weruma yooreka tetewipuamepua tiameo, yooma pipiripi pu'kao.