Ruuka 22:57 - Riosia Warijio Nayewani Ahpo Tisiwa Kaaweruma Tuuyewari

⁵⁷ Peeroa chaanerepua: —Ka'i, ki maachinia pu'kao.

Ruuka 22:57 ပူးပေါင်းရင်းမြစ်များ

Maateo 10:33

Nape aaata ti'tijoechio ki no'o ahjama tiio tuukameo, neeea no'o Noochio te'pa kahtiamechio, kiisi machiyo tuumania pu'kao.

Maateo 26:70

Peeroa nehjiakapua: —Ka'i, neeea. Kiisi machiyamenia pu'kao, aamo chaachapao.

Ruuka 12:9

Nape ahpo wa'iname ti'tijoerio, ki noomina te'terio tuukao, wa'achitia neeeai, no'o wa'inemapua pukachio no'o ahjama teerewao, yooma no'o Noono tewekachi ku'iwari tetewachio.

Ruuka 22:56

Wa'a tekipaname piiripi oowitiamea, na'i tajayachio, kaawe ne'nepaka pu'kao, cheerepua: —¿Ki pu'ka ahjama oiyame ihji?

Ruuka 22:58

Neipatakiriopua, piirechia cheerepua: —Puuuchi muuuai, ahjama oiriamea. Nape Peeroa nehjiarepu: —Ka'i, seenunia pu'kao.

Waani 18:25

Kaija ta'perachio Peeroo tatapoiopua wahjachi ahjamao, aaataa iinatukekapua pu'kao: —¿Ki muuupu tiame puuu tijoe chapitiame masiterawa? Peeroa ahpo noriwitakao, cheekapua: —Ka'iii.

Waani 18:27

Peeroa, eenchi ka'itakapua ahpoo. I'ka ahpo ka'itoiopua, pu'ka wa'apichi kusuchacha totori oowiraai.

Nokitiame 3:19

Wa'a teesoo pu'ka aamo noonowiriawichioo, Riosichi e'enamitia eemea, apoe aamo noonowiriawichioo, aamo cheriwemichiopua, pu'ka aamo noonowiria Eesusichio, ki peteremichiopua wa'asio.

1 Waani 1:9

Nape teemea Riosio taamo tatakoririo tuusaa, tísia kaawe erakometepua taamo tatakoritiao taamo cheriwemerikopua, pu'kao tamochio, te'ta kaawerumache ihsiamekopapua, yomatiame taamo kiisi kaawe nokariaopua, piipáteka.