Ruuka 2:32 - Riosia Warijio Nayewani Ahpo Tisiwa Kaaweruma Tuuyewari

³² Ihji aamo weeechi enateriaa, yomachi weeechi mochikamewichio, tahjewaripua, yoomahka aamo inatariao, yoomahka pahtepuawichio, yooma isaeri ti'tijoeriopua, pu'kao te'ta kaawe tetewipuawichiopua.

Ruuka 2:32 ပူးပေါင်းရင်းမြစ်များ

Maateo 4:16

Wa'a mochikamea tísia tukapachi mochikme eneriaipua, ki nu'uti tukapachi ahpo te'teriame: nape aaata wa'a eenakaopua taajenachi te'terepaterepua, kaaweruma uutapachi iintaparepua iikachio. Puuua wa'a te'terekao wahjiparichi mochikame eneriaipua ahjaio. Nape aaata apochi eenakopaopua, ma'chireparepua ahpochi iikachio. Ihji aaataa, Eesusi wa'a iintoriaa nayewamepua, Isaia ehkoriami cheeria ahpo iyoterichi.

Ruuka 2:10

Nape wa'a tiiopao Riosi ku'iwaria, chaanerepua: —Ka'te majako eemea. Kaaweruma aamo tuuyemia eenakamenia, yomatiame wehjoarichio ti'tijoeo ooweruopua tiameo, tisiwa peenia erakopuame.

Ruuka 2:31

Ihjia aamo iintoriaapua, aamo tetewachi iintotiamepua, yooma mochiwari tetewachi.

Nokitiame 26:23

Ihji Meesia Riosie Uutiamea, pu'ka ehkoriami chaachaparia ikirepua mukukao. Ihji Eesusiai apoe cheekamepua tiameo, apoekopua tuuka ehkoriami nayewatiameo, eenechi ahjamio tuutiameopua mukukaio, paika taawe simiyachiopua. Ehkoriamio chaachapariaipua tiameo, ihji Eesusia itapiti tajayameka teeremerikopua, yooma ihta ti'tijoechiopua, yooma aaata tukapachi mochitoamewichioopua, yoomahka tatakoriria cheriweka newipatepuaichiopua Riosieo, ihta ti'tijoerioipua, i'isaeri ti'tijoerio, ki i'isaeri ti'tijoerioipua tiame.

Nokitiame 28:28

Neeea aamo tuuyenarenia, i'ka Riosi kaaweruma tuuyewario, seesenu ti'tijoeri tuuyepuamekopua tiameo, ki i'isaeri ti'tijoerichi. Puuuape no'o keepumapua, i'ka Eesusichi simiyame ka'karuma tuuyewariopua, puuua wa'a ikisaapua Eesusichi paparamapua.

1 Koorintio 1:31

Pukaepa: “Aaata ahpo oijeranariamea, Riosichikamera aamo oijerapuapua, pu'ka Riosi iintoriawichioopua aamowichioo”, wa'a chiiame Ehkoriami Iyoterichio.

Tetewiteri 21:23

Wa'a muuwari mochiwaria, ki nakiyachikapua taaa tajenariopua, meechaoipua, Apoe Riosi tisiwarira taajenamerikapua wa'ao; Po'wa teewataniamea, ahjachi tahjeraapua ahjae tahjeniame.