Rooma 2:22 - Riosia Warijio Nayewani Ahpo Tisiwa Kaaweruma Tuuyewari

²² Aamoe wa'api ki suwepori nokipo tuuyameai, ¿eemekamera wa'a nokayamepua? Nekumiameko tuuyai eemea ri'riosi netetiameo, ¿achini iikai ichikoame eemea naaju, ki Riosichi paparame ti'tiopachi ajawatiameopua ri'riosi?

Rooma 2:22 ပူးပေါင်းရင်းမြစ်များ

Maateo 12:39

Nape Eesusia chaanekapua pu'kao: —Ehpiami ehpe taawechiami mochikame ti'tijoe ooweru tiamea, no'o peenia ihsiwache tetewinariamepua, nape ihji ti'tijoeria, ki tetewitepuamepua wa'asi itapiti Riosi peenia ihsiwaeopua, naatiche tetewitepuame puuua, Riosi iintoriachiche, ehkoriami Oonasichi.

Maateo 16:4

Ehpe taawechiami ki ka'karuma ti'tijoeri ki Riosi yooreka mochitoamea, no'o peenia ihsiwachee nane'renariamepua no'o aatanatawao; nape eemea ki tetewitepuamepua wa'asio, no'o peenia ihsiwae no'o aatanatawao, no'o ikimiaeche tetewitepuamepua no'o aatanatao, puuu enemeripua no'o naaniatiwatamea. Puuu no'o ikimiaa, ehkoriami Oonasi ikiriachitia teeremeri, pu'kao, ki nu'nuti so'chie ko'kotiaio, simiteriamechitiaopua ahjakao. Wa'a cheesoopua Eesusio, uumatotiapua wa'ao.

Marako 11:17

Wa'a yoorasaapa pu'kao, tísia te'yarepua pu'kao, chaanekao: —¿Ki Ehkoriami Iyoterichio, eee chiiame Riosia: “No'o kariwaa, ki noochi paparapuawichio netetiamepua, yomatiame weeechi mochikamewichioo”? Nape eemea no'o kariwao, ichikoame teesowara, iintaparepua.

Nokitiame 19:37

Wa'a tiiachio, kihta iintokamewicho upatiame ihji ti'tijoea, kihta ichikokamepua Atemisa tioparachio, kihtaoi a'chitiame nayewakamepua Atemisa taamo riosirewaoi.

Rooma 12:9

Pichiwaka aamo nakimitia ahpoo. Na'arario, nekuchemitiapua, kaawerumache chapitoka mochitopuapua.

Saantiao 4:4

¡Ai eeme kiisi iyoriame Riosichio! ¿Kiisi inatapame eemea, aaata ahpochewichio ihsiwa i'yamea i'wa wehjoarichi yasitoaio, Riosi seepurawa enepamekoo? Aaata ki Riosichi paparaka yasitonariamea, Riosi seepurawa puuuapa.