Maateo 8:10 - Riosia Warijio Nayewani Ahpo Tisiwa Kaaweruma Tuuyewari

¹⁰ Eesusia wa'a chiiopa kapitaio, tísia peenia erapakapua pu'kao, ki nu'uti paparamekopapua. Wa'a iikapa Eesusia, ahpo pukamina nokisiame ne'nepakaopua, chaanekapua: —Pichiwa chiiamenia i'ka tijoeo, yomatiame isaeri weeechioi, ki tetewikamenia te'ta paparameo.

Maateo 8:10 ပူးပေါင်းရင်းမြစ်များ

Maateo 15:28

Wa'a chiiopa oowitiameo, chaanekapua Eesusia: —¡Ai muuua, tísia paparamemua noochio! Muuua noochi paparakapao, te'ta aamo itayachitia ikimamua. Wa'a cheesoche Eesusiopua, saukame itipiriapu puuu kuteweraa.

Maateo 8:11

Neeea chiiamepua, i'ka tijoechitia paparakamea, káátisia ki ookapi ti'tijoe ooweru tiame, Riosi ye'karichi muimeripua, yomatiame wehjoarichi mochikamea, yomatiame nenekumi weeechi e'nakame, cherayachitepa o'inia ariyachitikia o'inia tiame. Yooma puuua wa'a Riosi ye'karichi mochikao, tísia ta'iria mochimeripua, Aurani ahjama, Ihsa ahjamaopua, Aakowo ahjamaopua tiameo, yooma pirena ta'iria koaka.

Maateo 8:9

Neeeai nuureniamepua no'o epeche paamiratuameeoi. Nooeai noochi iinueme neeeai no'o nuurewa soontaroo. Puuua no'o cheesoo, “Wa'a siimitia muuua”, wa'a siimachepua; Piirechi no'o soontarooi chaanesoopua, “Eenao wa'ana”, enamachepua wa'anao; no'o ta'pechi yoratiaoi chaanesoopua, “I'ka yoramitia muuua”, yoramachepua pu'kao.

Marako 6:6

Wa'a te'tiopa Eesusia wa'ao, kiisi kaawe eratoka u'matorepua wa'ao, eee tiiame inatasika pu'kao: “¿Naakona ahkasi wa'a te'tiame ihji ti'tijoeria?” Waikao Eesusia wa'a o'inia u'matosapao, yooma wa'ami waapiami simiterepua masitekao, Riosi ye'karichi simiyame tuuyewariopua, ahkaoi ahkasi ti'tijoeekachisi, mochiwachiamio.

Ruuka 5:20

Waikao Eesusia pu'ka u'pariao, ki nu'unti apochi paparariopao, chaanerepua kokoriameo: —Saukame itipiame muuuapa, aamo tatakoriria cheriwetiame.

Ruuka 7:50

Nape Eesusia oowitiamechi ne'nepakaopua, cheerepua aampachi: —Aamo tatakoririao, aamo paparariawichio, newikame itipikame muuua Riosie kokosapuameopua. Ehpeo aamo iikachio, ta'iria teetoka no'rapuapua.

Ruuka 7:9

Eesusia, yooma i'ka kapitai ahpo chaania inamusaapa: “Aa, naakona wa'a e'ramemua”, eraparepua kapitaio. Wa'a iikapa Eesusia, yooma ne'nepakaopua ahpo na'naritokameo, chaanerepua: —Aaatachioi ki tewakamenia te'ta i'ka kapitaichitiao, te'ta noochi paparameopua, ahkaoi isaeri ti'tijoechiopua. Waikao Eesusia ki pakika wa'a ta'pechio, yachapaterepua kapitai weripateriaopua kokoriame.

Nokitiame 2:7

Waikao ahpo nayewa nayewachaniopao, tahpitika erakokao, chaachaparepua ahpoo: —¿Ihtana ijikikame ohjoare naaju ihji ti'tijoea? Naakona, ¿ki Arirea ohjoemekosapu ihji ti'tijoe?