Maateo 21:16 - Riosia Warijio Nayewani Ahpo Tisiwa Kaaweruma Tuuyewari

¹⁶ Wa'a ijikikaopua, chaanekapua Eesusio: —¿Ki inamuame muuua kukuchioi ihtana aamo chaachapachanio? —Eje'e, inamuamenia —nehjiaka Eesusia—. ¿Naakona ki iyonamekosa eemea, Ehkoriami Iyoterichi chiiao, i'ka kukuchichitia teereniame, nayewaka chanitiameo, eee chiiachio?: Ahkasi kukuchiai, nu'nunti chiiameai pehji, aamo kaawe chaachapamapua.

Maateo 21:16 ပူးပေါင်းရင်းမြစ်များ

Maateo 11:25

Eesusia yooma ti'tijoeri inamuachio, ahpo Noonoo nayewekaopua, cheekapua: —No'no, aamoo tewekachi yomatiame ye'kameopua i'ka weeechiopua tiame, aamo cheriwema ki'yame neeea, aamoo, i'ka ti'tijoeri weeechi mochikameo, kihtawichio aamo nakimia erakoamechiopua, ki aamo te'ta ma'chiame tetewitiamekopapua pu'kao, aapoeo aapoeche, ahpo ahsepari tiiame maayameopua, kaawe te'teriameopua; ohso kaawe muuua, tesiwa te'tiamerakachi aamo tetewitiame muuua, te'ta aamo machika mochitonariamechiopua.

Maateo 12:3

Eesusia wa'a chaanetiapao nehjiakapua pu'kao: —¿Ki iyonakame eemea Ehkoriami Iyoterichio ihtana iintorio Raawitaruo ki anachapasaopua toore?

Maateo 19:4

Eesusia nehjiakapua: —¿Ki iyoname eemea Ehkoriami Iyoterichio, pukeri Riosi tijoe neterioio, eee chiiachio, “piiripi tijoe neterepua, piiripi oowitiame tiame”, chiiachi?

Maateo 22:31

Nape pu'ka eenechi ahjaniamechi naewaniachio, ¿ki iyonakamekosa eemea pu'ka Ehkoriami Iyoteri chiiao? Riosia eee cheeriaipua:

Marako 13:17

Pu'ka taawechi peteteka mochikame oowerua, ahpo tatana chiiteka mochikameaipua pehjio, ¡tísia tesiwa te'teremeripua!

Marako 2:25

Nape Eesusia nehjiarepua pu'kao: —¿Ki nane'riame eemea aamo ehkoriami Raawitaru iintoriao, ahpo ahjama nokisiame cho'chorowapasoopua piie taawechio?

Ruuka 21:23

¡Ai, puuu ooweru peteterepakame mochikameapua pu'ka taawechiamio, kukuchi chiiteka mochikameapua pehjio! Ki teesa tesiwa te'teremeri puuua, ki teesa iinyatiame ikiniopa weeechio, ti'tijoerio. Weeeai kokosa aiwameripua tiameo, wa'a tiiame ikiyopa.