Maateo 21:11 - Riosia Warijio Nayewani Ahpo Tisiwa Kaaweruma Tuuyewari

¹¹ Eesusi ahjama nokisiamea chaachapakapua: —Eesusi ihjia, Riosi Apoe nayewatura, Nasare ohjoeme tijoe, Arirea weeechi.

Maateo 21:11 ပူးပေါင်းရင်းမြစ်များ

Maateo 2:23

Waikaopua Arirea weeechi enasaopua, Nasare mochiwachi yasarepua waikao ohjoekao. Wa'a iika ihjia, ehkoriami Riosi nayewatura chaachapariachitia iintorepua. Ihjia eee chaachapariaipua: “Puuu Riosie Weratiame enameria, Nasare tijoe tewapuamepua.”

Maateo 21:10

Eesusi Eerusareni pakisoopa, yooma weeru noonowikapua muuwari mochiwachio, ihjia chaachapakapua: —¿Aatana ihjia naaju?

Maateo 21:26

Aaata ti'tijoerioiopua ka'chi iika uhjurario chaachapamete teemea, pu'ka yooma ti'tijoeria Waanio, Riosi nayewaturamekoo, erakoamekopua pu'kao. Wa'a tiiachio, maapori tiamepua taamowichioo, tamochi nenekamiopa puuua.

Maateo 21:46

Pukaepa chapimo o'rariaipua Eesusio, nape wa'atia toakapua majawiapa ti'tijoerio, pu'ka ti'tijoeo ooweruopua tiameo, Riosi nayewatura erakoamekopa Eesusio.

Marako 6:15

Nape aaata wahjachia chaachaparepua ti'tijoerio: —Ka'i ki puuupua. Eeriakamera puuua, eenechi i'wa weeechi eenakame. Wahja wahjachia tiame, chaachaparepua: —Naatikamera puuua, aaata ehkoriami Riosi nayewaturao, i'wa weeechi eenakame.

Ruuka 13:33

Ooka taawe toitena neeeapa, no'o asiyachio wa'a Eerusareni. Wa'a asinariame neeea, aaata Riosi nayewaturao, ki ma'chi Eerusareni mukimerikopua.

Ruuka 24:19

Eesusia wa'a cheeka nehjiatiaapua, eenechi iinatukerepua: —¿Ihtana ikiretupua naaju? Waikao aapoeo, chaachaparepua: —Wa'a Eerusarenio aaata meriretiapua, Nasare tijoe Eesusi tewaniame, Riosi nayewakame enekame. Puuua, ki ookapi itapiti kii maaepori iintokameaipua, tísia peenia ihsiwa. Weruma masitari Riosichi eename enekamepua, tísia kaawe tetewitiame ki ookapi ti'tijoerieo.

Ruuka 7:16

Waikao wa'a iintokame tetewakamea, ki nu'uti iintoriame e'reparepua Eesusio. Wa'a iikapaopua, tísia kaaweruma nayewarepua Riosio, chaachapaka: —Ki nu'uti kaawerumapu Riosia, ki nu'uti taamo nayewatumeri uhjurekamepua tamochio. Ahpoopua chaachaparepua tiameo: —Riosi apoe ihjia, tamochi eenakame, ahpo ijinuwa ku'imia.

Ruuka 7:39

Waikapu pariseroa, ahpo ta'pechi paajutekamea ko'kotemiao, e'raka tetewarepua Eesusio: “Pichiwa Riosichi eename enesaa ihjia, nane'reka tetewimiipua i'ka oowitiame apochi imachukameo, suwepori nokiwamechi tekipanamekopua.”

Waani 1:21

Waikao uhjuratiamea, eenechi iinatukekao, chaachapakapua: —¿Aatanakamera muuua naaju? ¿Ki Eeriatarukosamua naaju, puuu eenechi ahjakame? —Ka'i, ki puuu neeea —cheeka nehjiaka Waania. —¿Ki muuukosapua naaju Eeriaa, Riosi naewatura te'ta uhjurapo tuutiame? —Ka'íí, piirechi neeea ki puuu —cheeka nehjiakapu Waania.

Waani 1:25

chaachapakapua Waanio: —¿Achinikai paatona muuua wa'a teeresoo, ki Riosie Weratiame enesaa, Eeriaoi ki muuu enesaa, Riosie uhjuratiameopua, aaataoi Riosi nayewaturao?

Waani 4:19

I'ka inamukapa oowitiamea, chaaneriapua: —Naatiko erapaninia aamoo, Riosie ne'neteniame.

Waani 6:14

Waikao yooma puuu ti'tijoe ooweru tiamea, i'ka ki nu'uti ki maaenari Eesusi iintoriao, ki nu'uti peenia tiiame chaachapakapua ahpoo: —¡Te'ta pichiwa Riosie tamochi ti'tijoerichi enamio tuutiamera ihjía!

Waani 7:40

Wa'a cheekame inamukamea Eesusio, chaachapakapua: —Pichiwa wa'a ikitiame ihjia, ehkoriami enamo tuutiamea Riosi nayewaturaeo.

Waani 9:17

Waikao eenchi iinatukeriapua sauteriameo: —¿Aachin chaani muuua pu'ka tijoe aamo sauteriao? Waikao sautetiamea, nehjiariapua pu'kao: —Neeea, aaata Riosichi eenamekotinia pu'kao.

Nokitiame 7:37

Moise wa'api enerepua, isaeri ti'tijoerio chaanekamea: “Riosi aamochi machenatemapua piiripi, noochitia Riosi nayewatura.”