Maateo 20:30 - Riosia Warijio Nayewani Ahpo Tisiwa Kaaweruma Tuuyewari

³⁰ Pooechi nokisinioio, ooka ki mamachiriame tetewitiapua pooesuwe mochikame. Puuua wa'ami taamo u'matopoio, Eesusi sisinamukapua, wa'ami ihtoame inamukapa. Puuua chaachapakapua: —¡Muuu ehkoriami Raawitaruchi eenameee! ¡Taamo tesiwe e'resa pahchuu, tísia tesiwa erakoka chaachapame teemeaaa!

Maateo 20:30 ပူးပေါင်းရင်းမြစ်များ

Maateo 13:4

Nape echimiaiopua, poowechi ruhjiteriataipua ookapi iimorio. Pu'kao tuchikia wa'a e'enakao, yooma pepeka ko'kariatapua pu'kao.

Maateo 15:22

Wa'ao piiripi oowitiame Kaanani weeechi ohjoemea, Eesusi sisinamukapua: —¡Paamira, ehkoriami Raawitaru oochiwaraa, no'o tesiwa e'remitia muuuaaa! ¡Reemoikamekapu no'o kuteweee!

Maateo 20:31

Waikao ookapi wa'a nokisiamea taamo ahjamao, ihchi mochinuriaipua pu'kao ta'omaka. Nape aapoeo ohsotia epeche weeru sisinamukapua Eesusio, chaachapaka: —¡Paamíraaa, Raawítaru ehkoriamichi eenámeee, Taamo tesiwa e'resa pahchúuu!

Maateo 21:14

Wa'a i'isaeri tiopachio, ookapi ti'tijoe ooweru tiame Eesusi naaeparepua, ki mamachiriame, chookopari kokoriame tiamé, puuua Eesusie ahpo sautemichio e'enariapua wa'ao. Waikao Eesusia, yooma sautekapua pu'kao.

Maateo 21:9

Waikao pahcha nokisiamea, pukamina nokisiamea tiamea, weeru chaachapasiapua siinasikao: —¡Nee tetewísaaa, ehkoriami Raawi yawichichi o'inia enamériii! ¡Te'ta kaaweruma Yawichi Riosichi eenámeee! —chaachapaka siinakosiapua simipakao.

Maateo 22:42

—¿Ihtana erakoame eemea, Riosie Weratiameo? ¿Aatana ojochiwarachi eenameko maaena eemea pu'kao? Waikao pa'pariseroa nehjiakapua: —Raawitaru —chaachapakapua.

Marako 10:46

Eesusi Eriko mochiwachiami u'matoi ahpo ajawaria ahjamao, muuwaeme nokisiame tiame Eesusi ahjamao, pooesuwe yasariaipua aaata ki ma'chiriame, puuua ihkorewa itaka yasariaipua wa'ao. Puuu ki ma'chiriamea, Watimeo tewaniame enerepua, Tiimeo tewaniame taanara.

Ruuka 4:18

Riosia, ahpo Riosiwarie no'o weerakamepua, tesiwa te'tiameopua Riosie cheriwepuao, tuuyemichiopua i'kao, ahpo ka'karuma tuuyewariopua. Neeea tatakorie chapitiameo, puhjewa naewamichio, uhjuratiamenia. Yooma pu'ka ki ma'chiame tetewaopua, Riosi iintonariaopua pu'kawichioo, ma'chitamia eenakamenia. Ka'chi ikime erakoameopua ahpo iintoriawichioo, cheriwemia eenakamenia, ta'iria mochiwamia.

Ruuka 7:21

Pu'ka uhjuratiamea ajasioio, Eesusia, ti'tijoeri yachapateka ihsire puuua, muuwaeme na'arari yahchame sauteriaipua, yooma ihta ko'koame iinueme, ki mamachiriame tiame.

Nokitiame 2:30

Ihji Raawitarua Riosie naewaniamekapa, ma'chiame tiiame enerepua, i'ka Riosi ahpo chaaneretiao, pichiwa ahpo tetejimarisiwachi machenamerikopua piiripi aaata yawichi, ahpo tetejimariwachi yawichitumeri.