Maateo 12:25 - Riosia Warijio Nayewani Ahpo Tisiwa Kaaweruma Tuuyewari

²⁵ Wa'a ahpo chaachapopa ihchio, Eesusia chaanekapua pu'kao: —Nape piiripi yawichiwachio, ka'chi iika ahpo wa'apichi nasiwametepua. Ahpo wa'apichi nasiwasaapua ooka pirenaturi enepakao, ahpo wa'api soopameripua. Ahkaoi mochiwachioi, ahkaoi ta'pechioi, ahpo wa'api nasiwasaapua, ahpo wa'api soopameripua tiameo.

Maateo 12:25 ပူးပေါင်းရင်းမြစ်များ

Maateo 9:4

Nape Eesusia nane'riapa i'ka erakoao, chaanekapua: —¿Achinikai no'o na'ara cheerio erakoame eemea Riosio?

Marako 2:8

Nape Eesusia nane'riapa pu'kaopua apochi erakoao, chaanerepua: —¿Achini iikai wa'a tiiame no'o erakoame eemea, kiisi no'o kaawe ihsio erakowao?

Waani 21:17

Eesusia Peeroo, paisa simiyachi iinatukekao chaanekapua: —Siimoni Waani taanara, ¿tiiisiwá no'o nakiyamemua? Peeroa, paisa simiyachi ahpo iinatukioio Eesusio, tísia yuuwesipakao, chaanekapua: —Yomatiame nane'riamemua no'oo; nane'riame muuua no'oo, káaatisia aamo nakiyamekoo. Eesusia waikao chaanekapua pu'kao: —Kaawe neesetomitia naaju, no'o ijinuwaopua po'wa, noochi paparakameo.

1 Koorintio 2:11

¿Aatanakamera taamo nane'retapu inatao, ki teemeche wa'api? Wa'achi tiame Riosiai apochio, apoeche nane'riamepua apochio, apoeche ahpo Riosiwarira.

Karata 5:15

Pukaepa kaawe aamo inateka mochitopuapua, aamoe wa'api aamo na'ara nokaka mochitosaa eemea, aamoe wa'api aamo soopameripua.

Eureo 4:13

Kihta ki'tiame Riosiwichioo, itapiti ki tetewipua tiamea. Yooma teemea Riosi tetewachi te'teriamekaitepua, kihta ichipume tiame teemea, Riosi tetewachio, yooma kawiyame ma'chiamepua. Pukaepa ka'chi iika wihtume tiiame teemea, Riosi te'ta katewiachi taawechio kajuyachiopua wa'asi.

Tetewiteri 16:19

Waikao, puuu te'ta ki kaaweruma mochiwaria, paikana ta'pakapua. Waikaopua tiameo, yomachi muuwari mochiwari ka'kariwaraa, wehchi e'enakapua ru'mika. Wa'asa iintoka Riosia. Riosia yooma weeechi mochikame ki ka'karuma Wawironiao, kiisi kaawe nokaya inatepakaopua, ahpo tahpitika ihsiwa nekarewa saaetekapua.

Tetewiteri 2:23

yooma ko'imania. Waikao yooma ti'tiopachio, nane'remapua no'oo, ahkasi kai waapisi no'o nane'riamekopua aaata inataopua, ti'tijoe ooweruoiopua tiameo. Pukaepa neeea, yooma pipiripi pu'kaonia, ahkasi nokaria kiamania pu'kao, no'o teewiaopua kiapuameo.