Maateo 12:10 - Riosia Warijio Nayewani Ahpo Tisiwa Kaaweruma Tuuyewari

¹⁰ Wa'a tiopachiopua, wa'a tewitiapua piiripi tijoe sekachi chookopakame. Wa'aoi parisero ti'tijoea, itapiti wenejipuame tewinariapua Eesusio, chaachapaka pu'kao: —¿Reesisewa ohjoarepua, aaata resipuniame taawechi yachapatepuao?

Maateo 12:10 ပူးပေါင်းရင်းမြစ်များ

Maateo 12:2

Nape parisero ti'tijoea wa'a nokisiopua pu'kao, chaanekapua Eesusio: —Ne'neo aamo masiterao, resipuniachi taawechioipua, itapiti yooraka nokisinapua, ki reesisewa nokiwameopua.

Maateo 19:3

Wa'a ohjonioio ookapi pariseroa, iinatukekapua Eesusio, itapitichi wichipatenariapapua, eee chaachapaka: —¿Reesiseri ohjoarepua ahpo uupichi poanatuniamea, ihta itapitiwichiooi?

Marako 3:2

Nape wa'aoi ihpueniame enere Eesusia, aaata resipuniame taawechi sautesoopua, wenejinaria.

Ruuka 11:54

ki kaawe chaachasoopua pu'kao, chapisa wenejimiipua te'ta isaeri pa'pamirachiopua.

Ruuka 13:14

Nape wa'a napawikarichi paamiratuamea, tísia nekarepua, Eesusi iintoriawichioopua resipuniachi taawechio, pu'ka oowitiame sautekao. Wa'a iikapa puuua, chaanerepua wa'ao yooma ti'tijoerio: —Tekipananiamea, puhsani taawechepua, pu'kache taawechiami e'enamete eemea, aamo sautemiawichioo, ki resipuniame taawechi.

Ruuka 20:22

Pukaepa aamo iinatukena teemea: —¿Kaawe ohjoarepu Seresa yawichi kopariari nateteniao, ka'ikosa?

Ruuka 23:14

Napawisoopua, Piiratoa chaanerepua: —Ki nu'unti wenejika no'o u'yepariai eemea i'ka Eesusio, ti'tijoeri weeru nokitio chaachapaka, nape i'kao neeea, aamo tetewachi te'ta iinatukekamenia, eeme wa'api tetewakamepua pu'kao, no'oo kihta na'ara iintokame tewakamekopua pukachio.

Ruuka 23:2

Wa'a upasopua, Piiratochi wenejirepua waikao, chaachapaka: —¡Yawichi! I'wa aamo u'yepaka teeme i'ka tijoeo, weeru chaachapatiapu taamo mochiwachio ki natetepo tuuyekaopua, te'ta Seresa yawichiwichio koparoaniameopua, rooma yawichi kahtiameopua. Apoeopua tiameo, Riosie Weratiame yawichiko tuuyapu puuua.

Waani 5:10

yoorewa inatewa i'isaeria, chaachapariapua sautetiameo: —Resipuniachi taawechikoi ehpeo; ¿achinikai mooketonamua aamo ipetao, ki reesiseniachikoi itapiti tehki yoraniameo?

Waani 5:3

Wa'ao, ki ookapi mochikame tetewitiapua kokoriame, puuua: ki mamachiriame, rojomi, chookopakame, tu'ikame, petika puuyamekapua wa'ao, neeroi maaniame noonoachisi.

Waani 7:23

Waikao aamoo resipuniame taawechioi, aamo tijoe kohjakoi siichitepuameaipua, Moisetaru nuurari iyorikao, ¿achini iikai nekakona eemea no'oo aaata sautesoo resipuniame taawechio?

Waani 8:6

Oowera wa'a chaachapakame puuua, Eesusio ki kaawe chaachasoo, chapinariapa. Nape pu'kao wa'a chaachapoio, Eesusia chukipaka wehchi iyotekapua.

Waani 9:16

Wa'a chiiopua, ookapi pariseroa ahpo chaachapariapua: —Puuu tijoe wa'a iintokamea, kiisi Riosichi eenamepua wa'a teesoo, kiisi iyoriamepua resipuniame taawechio. Nape wahjachi puuua chaachapariapua: —Nape, ki Riosichi eenamea, ¿iintotariarepua wa'a tiiameo, itapiti ki maaepori tiiameo? Wa'a chaachapaapua ki napati wa'achitia inatame eneriapua, pa'pamuratuamea.