Eureo 5:8 - Riosia Warijio Nayewani Ahpo Tisiwa Kaaweruma Tuuyewari

⁸ Apoe Eesusia, Riosi Tijoekai, ahpo Noono e'wawatere yasitorepua, tijoe aiwachitia saaeka.

Eureo 5:8 ပူးပေါင်းရင်းမြစ်များ

Maateo 3:15

Nape Eesusia chaanekapua pu'kao: —Eje'e, wa'atepua tiiao, nape wa'atioi no'o paatopuapua, ti'tijoerio nane'remichiopua Riosie no'o weraniamekopua.

Waani 10:18

No'o ahjario aaataai ki no'o u'yemepua, nooe wa'api no'o kaawe e'rachi ki'yamepua pu'kao. Neeea iinuemenia utewario noochio, no'o ahjario wahjiparichi uhjurakaio, eenechi noochi enatemia no'o ahjario. Wa'a tiiameo, no'o Noonoe yahchetiamenia pu'kao.

Waani 15:10

Wa'api teetosaa eemea no'o masiteria teetokao, wa'api amochi tetewika uupuamepua, aamo no'o nakirao.

Waani 4:34

Eesusia wa'a taamo chaachapopao, taamo chaanekapua: —Neeea itapiti kooame ko'kakamepua, aamoo, ki machiya pehji. No'o koayaa naatipua tiameo, No'nowichio tehki, kajumichio uhjuratiame.

Waani 6:38

Neeea ki no'o e'ra yoramia eenakamenia tepoonaopua tewekatepao, naati e'ra yoramia eenakamenia, Apoe puuu no'oo uhjurakame.

Eeripo 2:8

Neipao tijoetusaapa puuua, epeche nu'uti tiiame ahpo iintaparepua pehjio, ahkasi ahpo mukiwachisi tesiwatakao, tísia suwepori tiiame ahpo yorapuawichio ikitewakao.

Eureo 1:2

nape ehpe taawechiami wa'asichiopua Riosia, Apoekamera taamo nayewenariapaopua, apoe wa'api ahpo Taanachitia tijoetukamepua, i'ka wehjoarichi naawakao. Ihji Riosi Tijoetukamea, yooma Riosi wa'api tiiariwa iinuekapaopua, yooma Riosi iinuekao, ahpo Taanawichio nuuteka yasitokamepua. Ihji Riosi Taanaraa, apoe Noonorakai tiiapaopua, apoe iintokamepua yooma ihta iintuame enepateka weeechio, ahkasi yooma ihta tewekachi iintuameopua tiameo, wa'asa tiiame inatakamekapua.

Eureo 1:5

¿Aatana chaanekame Riosia ahpo tewekachi ku'iwario: Muuua no'o Taanapua? ¿Aatana pu'kao chaanekame: Ehpiamio neeea, aamo tijoetutekamepua? ¿Achinitio wa'a chaanekamepua, aaata ahpo tewekachi ku'iwario? Riosi tewekachi kahtiamea, ka'chitia taawechi cheekamekoipua, aaata ahpo tewekachi ahpo ku'iwario: Neee enema aamo Noonoraa, cheekao, muuua no'o Taanara enemapua, cheekaoi.

Eureo 1:8

Nape Riosia Ehkoriami Iyoterichio, ahpo Taana nayewekao, chiiamepua: Aa muuu te'ta Riosia, aamo ye'kari yasiraa, ki wahjiamesi teeremeri puuua; muuua aamo yawichituwachiopua, tísia kaawerumache teetomerimua.

Eureo 3:6

Eesusia Riosi Taanakapaopua, epeche te'ta iyorika tetewipuame puuua, te'ta Riosi ta'pera karitamerakapa. Teemea itapiti puuua, Eesusi ahjae karita, ki wahjiame Eesusichi paparame enesaa, ahkasi taamo ahjachisio.