ZEPHANIAH 3:8 - PATHIAN LEKHABU THIANGTHO (BSI)

⁸ Ziaziakchun, hiatpitu ah, ka hung din hun chu ei la ngâk un, a tii. Namte pui khawm ding leh lenggamte suktua ah, a chung ua ka lungnatna leh, lei chung zosia kât tum ding hi, ka thupukna ahi ta’ngal a.

ZEPHANIAH 3:8 ပူးပေါင်းရင်းမြစ်များ

SAM 12:5

“Chagate chom gam ziak leh, tasamte a thûm ziak un, tu’hin kipan ing ka tin, a duthusam gual un bit tak in umsak ing ka,” Lalpa‘n a tii.

SAM 123:2

Suakte mit in a pu khut a et zing gual leh, suaknu mit in a pi khut a et zing gual in, zia gual chun, I Pathian ja’ngaina, I chung ua a hung tun masangsia, I mit un Lalpa chu I en zing uh ahi.

SAM 27:14

Lalpa chu ngâk zing in; kisuhat inla, la lungthim chu kihânsak ta hen; ahi, Lalpa chu ngâk zing in!

SAM 37:34

Lalpa ngâk inla, a lampi haw zing in; gam chu lua dingin hun chawihoi in a; tichun, mi nunsiate siatna chu a la mu’n la.

SAM 37:7

Lalpa âng ah thipbek in um inla, ama ngâk ham ham in; thil phalo a matchâk ziak ah, vangphatna changte ziakin, nang leh nang kisulungngai kin.

SAM 62:1

Ka hinna hin thipbek in Pathian bep a ngâk a; ama ah kipat in ka hukdamna, hung pawt ding ahi ngal a.

SAM 62:5

Ka hinna’n thip bek in Pathian bep a ngâk ah; ka kinepna chu ama ah kipat ahi ngal a.

SAM 79:5

Aw Lalpa, bang chan a hem la lungnat nâk lai ding? La itthîk siatsona chu mei gual ah kuang ding a hem?

SAM 79:6

Nangma helo namtin chung ah la lungnatna sungtha’n la, la min lam lo lenggamte chung inle.

THUPILTE 20:22

“Thil phalo chu keima’n thuk kit na’ng ka,” ti kin; Lalpa ngâk lechin, ama’n hun panpi in a.

SOLOMON LÂ 8:6

La bânpuam ah tepte’na um gual ah khan, la lungchang ah tepte’na’n ei koi in; thi’na gual tuk in hepina hile a hat in, ûtna hile mithi khua gual khop in a hat hi. Meikuang gual in a diang jak in, gamkâng mei gual in a jam jak hi.

ISAI 14:26

Zia hi lei chung pumpi hung tung ding ah, kiguanggal chu ahi; namtin chung in zia gual ah chun, ka khut thadok ding ka hi tai.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 34:2

Lalpa chu namtin chung in a lungna ta’n, a sepai hon zosia chung in a thangtawmna a kuangjak tai; siatna tuak dingin a tiam ta’n, thâgam dingin a pedok ta’ngal a.

ISAI 63:6

Lungna ma ma in mipite chu ka chil ta’n, ka hachangthakna ka gawtnawi in; chuleh, a thisan uh lei tual in ka sungtha tai.

JEREMIAH 10:25

La lungnatna chu nangma he’phalo, gam dang mite chung ah sungtha’n la, la min lam ngai lo mite chung in sungtha’n; amau chun Jakob ne zo in, a nêk ua a val zaw nung unle, a chênnau a hisia dim dem nalai sêt ui.

HOSEA 12:6

Nang uh vang la Pathian lam un kile’kit unla, hepina leh vaihawmna dik tuchak unla, la Pathian uh chu ngak zing un.

JOEL 3:2

nam zosia Jehoshaphat phâijawl ah pui khawm ing ka tin; ka go leh ka mipi Israelte, namtin lakah a la the’chek ziak un a chung un vaihawm ding ka hi. Ka gam chu a la kihawm jak tau in,

MIKAH 7:7

Ke’n vang, Lalpa lam en zing ing ka tin, ka hukdamna Pathian chu ngâk zing ing ka; ka Pathian in ei ngaitha ding ahi.

HABAKKUK 2:3

Huntiam bîk â ding ah kilâkna bîk a um nalai in; tawpna ding thu a gen chu thawn pua’n a; vaigei ding ah a kilat chun ngâk ham ham inla, hung tung tho tho ding ahi’n, hung vaigei ta pua’n a.

ZEPHANIAH 1:18

Lalpa lungnatna ni ah chun a dangkau leh, a sanau in amau chu hukdok thei pua’n tin; a lungnatna mei chun gam pumpi hi kâng tum ta’n a. Lei chung lua zosiate tawpna ni, huaisia tak chu tunsak ding ahi ngal a.

HAGGAI 2:22

lenggamte lalchutpha paitha’ng ka; namte lenggam hatna susia’ng ka tin, sakol kângtalai leh a chung ah chuangte le paitha’ng ka; sakolte leh a chung ah chuangte chu kipûk in, mi tin chu a lawipa chemjam ah chun kipûk in au.

MATTHAI 25:32

nam zosia chu a ma-âng ah kikhawm intiu in; amau chu belampu’n, kêlchate lak ah belamte a khendaw sek gual in hun khendan in a.

2 PETER 3:10

Himaleh, Lalpa ni chu gucha gual in hung in a; ziaphat chuleh, vante chu git ngai tak ah mangthai in, thilbulte le mei ah haltui hita’n a; lei leh a sung ah thil kibawlte zosia chu kâng tum ta’n a.

THUPUAN 16:1

Tempul ah kipat aw ngai tak hin, vansawlchâk pasagite kiang ah chun, “Chiau inla, Pathian lungnatna belbu pasagite chu lei ah vabuntha tau in,” a ti ka he.

THUPUAN 16:14

Ziate chu thithate thagau thilmak hi’sekte kha a hiu a; amau chu Bangkim Hi’thei Pathian tawh a kidopinau ni ah gâldo ding ah lei ah lalte leh, khawvel pumpi mite kaikhawm ding ah hung kuandok a hiu hi.