ZEPHANIAH 3:18 - PATHIAN LEKHABU THIANGTHO (BSI)

¹⁸ kûtni ah La sa gual in. La chung ah siatna tung ding chu lamang ing ka tin; jachâkna chu tuak pua’n la.

ZEPHANIAH 3:18 ပူးပေါင်းရင်းမြစ်များ

SAM 43:3

Aw, la vâk leh la thutak chu hun sawldok inla; ziate chun ei pui in, la tâng thiangtho leh, la chênna munte chu ei tut uh hen.

SAM 79:4

I hianghei mite gensiat in I um tau ah, I kiang nai tuam mite musit leh nuisan in I um tau hi.

JEREMIAH 23:3

Ziaphat chuleh, ka gan-gual um sunte chu, ka nawjakna gam tin ah kipat in keima’n hawl khawm kit ing ka tin, a huang sung un hawl lut kit ing ka; tichun, hung pung in hung tam ma ma kit ta’n au.

KÂ LATE 1:4

Zion zotna lampite chun a sûn ui, kuama kût mang ding a chia tâk lo ziak un; a kul kotkhak zosiau a thawmhau ta’n, a thiamputeu le a thûm tau; a nungakteu a lungkham tau a, a vang uh a se ta luai.

KÂ LATE 1:7

Jerusalem in a lungdon tawp khawk ni hin, masang lai ah a vâkvai lai nite kha a hezing hi. A sung ah mipite a gâlteu khut ah a pûklût phat un, amau panpi ding a um ta pua’n; nuaisia ah a umnau chu a mêlmateu in, musit tak ah nuisan in a en zing ui.

EZEKIEL 34:13

Namtin lak ah kipat in puidok ing ka tin, gam tin ah kipat pui khawm in, amau gam ma ma ah pui tung ding ka hi; tichun, Israel tângte leh tui luanna mun leh, mihing chênna mun zosia’n amau vâk ta’ng ka.

EZEKIEL 36:24

Namtin lak ah kipat leh gamtin ah kipat hun pui khawm in, nangmau gam ma ma ah hun pui lût ta’ng ka.

EZEKIEL 9:4

a kiang in, “Khawpi sung hawtheng inla, Jerusalem khawpi sung ma ma hawtheng in; chuleh, khawpi sung ah ki’dak um tak ah thil a kibawl ziak ah, khawksa tak ah thûm leh mau zosia chu a chalkiu ah tepte’na bawl in,” ti’n a hun gen a.

HOSEA 1:11

Chun, Judah mipite leh Israel mipite kigawm khawm intiu in, amau â ding luchang pakhat, kiguat in au; zia gam chu lua ta’n au, Jezreel nikhua chu nasa ma ma ding ahi ngal a.

HOSEA 9:5

Kût kiguatte a hung tun phat leh, Lalpa â ding ah kût ni ah chun bang la bawl ta diam uh?

ZEPHANIAH 3:20

Ka hun lak khawm phat leh In lam ah hun pui tung ta’ng ka; lei chung ah mi zosia lakah chawihoi leh, minthang ah ka hun bawl ding ziakin la mit mu ngei un, la saltânnau ah kipat ka hun tundin kit tak leh, Lalpa‘n a tii.