ZEPHANIAH 3:12 - PATHIAN LEKHABU THIANGTHO (BSI)

¹² Nanghaw lakah mi kingaitawm leh, mi niamte chu nutsia ah um ding a hiziak un. Amau chun Lalpa min bêl intiu in,

ZEPHANIAH 3:12 ပူးပေါင်းရင်းမြစ်များ

EZRA 9:8

Tu’hin vang, ka Pathian un ka mitteu ei sukvak piak ah, ka saltânnau ah kipat halthakna neukhat ka neitheina ding un, tu’hin hun chomkhat sung â dingin Lalpa ka Pathian uh doisakna a hung kilang ah; tichun, a suakcha ding leh nutsia ah um nalai dingte bang ei umsak nalai hi.

SAM 37:40

Lalpa‘n amau chu panpi in, a hukdok sek in, ama a bêl ziak un, mi nunsiate lak ah kipat hukdok in, a hukhing sek hi.

ISAI 14:30

Migenthei cha masa chun an ne vâ intin, mi tasamte chu thamuang tak in lum hiat hiat ta’n au; maleh, la suante chu kial in thi’sak ing ka tin; la lak ua a suakcha sunte chu hun that nalai ding ka hi.

ISAI 14:32

Nam palai ah hungte chu kua’n bangti’n a dawnhu ta diam? “Lalpa‘n Zion a tungding ah, a mipite lak ah tasamte chun, ama ah chun bitna mu ta’n au”.

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?

ISAI 6:13

Thinghi thing a hem, gangpi thing a hem, a kiphûk nung ah le a bulsum a um gual in, a lak ua mi sawm lak ah khat ziang le, nutsia a um nâk lai chun, mei ah hâl tum hi nalai in au; chi thiangtho chu a bulsum gual in, um nalai in a,” ti in.

JEREMIAH 17:7

Lalpa chung ah kinga leh, Lalpa bep suangte chu mi hampha a hiu.

JEREMIAH 50:20

Zia ni phat chuleh, Israelte thulimlo’na chu hawl intiu in; ahi’n la, mu zaw hita pua’n tin; Judah gitlona hawl maleu mu zaw hita pua’n ah, a um nalai sun ding ah ka hawite chu ngaidam ding ka hi tai, Lalpa‘n a tii.

EZEKIEL 6:8

Himaleh, la lak un khenkhat hawi ding ka hi. La lak ua khenkhat nam dangte lak ah um in chemjam ah kipat suakcha’n, gam tin ah thêchek in um ta’n lau.

MIKAH 5:6

Amau chun Assuria lenggam chu chemjam in vaihawm intiu in, Nimrod lenggam chu chemjam jukdaw sa’n vaihawm khum in au; I gamgiu a hung chot phâk uh leh le, Assuriate ah kipat chun ei hukdok ding a hiu.

NAHUM 1:7

Lalpa chu a pha’n, lungdon ni ah kul det ahi; ama bêlte chu a hukhing sek hi.

ZEKARIAH 11:11

Zia ni ma ma ah chun phel kit a hita’n; belam zuakte, ei la entha zingte chun zia thu chu Lalpa kamsuak ahi ti a hiau a.

ZEKARIAH 11:7

Chutichun, belam thalup ding ah umte zuakpa thasâng in, belamchingtu in pang ing ka. Tiangpum pani ka la’n: khat chu, Doisakna ka sak ah, a dang khat chu, Kipumkhatna ka sak ah; zia gual ah chun gan-gual chu ka ching ta ahi.

MATTHAI 11:5

Mitthûmte mit a vâk ta hen, kengbaite keng in a chia tau in; phâkte a thiangtho tau in, bengngongte’nle khua a he tau hi; mithite kaithaw in a um tau in, gentheite’nle chanchinpha kigen a he tau hi.

MATTHAI 12:21

Ama min in Jentelte kinepna um in a,” ti hi.

MATTHAI 5:3

Thagau ah tasam ahi lam kihete chu mi hampha a hiu, van-gam chu amau â ahi ngal a.

ROMTE 15:12

Zia ban ah chun, Isai inle, “Jesse zung jam ah chun mi pakhat, Jentelte vaihawm dingin hung dingdok intin; Jentelte chun, ama ah chun, kinepna hun nei ding a hiu,” a la ti kit a.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

1 PETER 1:21

Ama jal in, mithi lak ah kipat kaithopa leh a lopina petu Pathian gingte chu la hitau ah; la ginnau leh kinepnau chu Pathian ah kinga ahi.