ZEPHANIAH 3:11 - PATHIAN LEKHABU THIANGTHO (BSI)

¹¹ Zia ni chuleh, ka chung ah la tatlêkna leh, la thilbawl zosia ziakin zakcha pua’n la tin; ziaphat chuleh, la lakah mi kisatheite chu, ladok ding ka hi’tâk ziakin, ka tâng thiangtho ah chun kisuang tak in umzing ta pua’n la.

ZEPHANIAH 3:11 ပူးပေါင်းရင်းမြစ်များ

SAM 131:1

Aw Lalpa, ka thinlung a kisathei pua’n, ka khawdat a sâng puai; kei â ding ah thil lopi tak leh mak talua te ka suangtua puai.

SAM 49:5

Ei bawlsiate khawlona’n ei ûm kîmvêl in, buaina’n ei chup lai inle,

SAM 59:12

A kam ua a gitlo ziak leh a lei ua thu pawtte ziakin, a chapona thâng un awk tau hen. A hânsia lawnau leh a zuau thu gendokteu ziakin,

ISAI 11:9

Ka tâng thiangtho ah chun, kuama a kisusia leh kihi’na um ta pua’n a; tui in tuisuagiat a chup gual hin, lei chu Lalpa hetna’n hung dim ding ahi ta’ngal a.

ISAI 2:12

Sepai honte Lalpa chun mi chapote, kingaisângte leh mite chung ah, kichawisâng zosia chung ah, vaihawmna ding ni a tiam ta’ngâl a;

ISAI 45:17

Israelte chu kumtuang hukdamna’n, Lalpa chun a hukdam tai; kumkhua’n mualpho’na leh, buaina’n tâkbuak ta pua’n au.

ISAI 5:15

Mite chu sukniam a hitau a, mi zosia kainiam ah um in, kiletsak ah mittêt sângte chule sawt niam a hitau hi.

ISAI 54:4

Lau kin, mualpho lo ding la hi’ngal a; lungthuai kin, zakcha lo ding la hi’ngal a; la khangdawng lai ah la mualphona zosia kha, hun hemil ta’n la tin, la meithâina ziak ah la zachatna zosia kha, he’pha talo ding la hi’ngal a.

ISAI 56:7

amau chu ka tâng thiangtho ah pui tung ing ka tin, ka In pauchapna In ah chun, kipak tak ah um dingin siam ing ka. A hâlmang thillatteu leh a kithoinateu chu, ka mâichâm ah pom hita’n a. Ka In chu mi zosia â ding ah pauchapna In, hung hiding ahi ngal a.

ISAI 61:7

A zachatna thok uh a le’ni a hiziak leh, mualphona chu a chantum uh ahi, ti ah genjak a hita’n; ziaziakchun, chantum a thua ah chang ta’n tin uh, kumtuang kipakna chu chang ta’n lau.

JEREMIAH 13:9

Lalpa‘n zia gual hin a hun gen a: Zia dialchên gual ah chun Judah kisak theina leh Jerusalem kisak theina huaisia tak chu susia ding ka hi.

JEREMIAH 7:4

“Zia hi Lalpa tempul ahi, Lalpa tempul ahi, Lalpa tempul ahi! Kuama’n bangma ei law pua’n au,” ti ah kithepna thute hi taksang kiu in.

EZEKIEL 20:40

Ka tâng thiangtho, Israel tângsip ah chun Israel mipi zosia’n, zia gam ah chun ka na sêm ding ahi ngal un; zia mun ah chun amau pom ta’ng ka tin, la thawlawmteu leh la thilpiak lûl takteu chu, la thilzek thiangthoteu tawh a la dawi ta’ng ka, Lalpa Pathian in a tii.

EZEKIEL 24:21

Israel Inkuante kiang ah, Lalpa Pathian in zia gual hin a gen hi: La kisuanpi, la mu nop pen leh la lunggil ah la ngainat pen, ka mun thiangtho chu subuak ding ka hi; chuleh, la chanu chapa la nutsiate chu chemjam in thi’n au.

DANIAL 9:16

Aw Lalpa, dik tak ah thil la bawlna kineppi in, la lungnatna leh la hachangthakna chu la khawpi Jerusalem, la tâng thiangtho ah kipat ladok dingin ka ni la hi; keimau gitlo ziak leh ka pu leh pateu thulimlo’na ziakin, Jerusalem leh la mite hi ka kîmvêl ua mite zosia gensiat leh nuisan in ka um zo tau hi.

DANIAL 9:20

Pauchap ah, ka gitlo’na leh ka mipi Israelte gitlona thupha chawi ah, Lalpa ka Pathian âng ah, ka Pathian tâng thiangtho ah ding ah dotpiakna bawl a,

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

KISIMNA LEKHABU 16:3

Mosi tawh Aron kilanpi dingin a pung khawm tau ah, amau teni kiang ah chun, “La kiphatsak talua tau hi! Mipi zosia hi a thiangtho un, mi tin hile a thiangtho chiat nau hi; chuleh, Lalpa chu a lak un a um zing hi. Bang ding ah nang uh teni hi Lalpa mipite sâng ah kikoisang zaw la hiu em?” a hung tiu a.

MATTHAI 3:9

Abraham chu ei suanpa ahi ti ziang kiu in, Pathian in zia suangte hi le Abraham suante a chansak thei hi ti ka hil la hiu.

ROMTE 2:17

Himaleh, nang chu Juda mi kiti la hileh, dan ah chun la kingak ah, Pathian ah la kisakthei a,

ROMTE 9:33

“Ngai in, Zion ah kipalna suang leh, dâlna suangpi ka koi in, kuale ama ging tapo chu mualpho pua’n au,” tia kizik gual khan.

1 PETER 2:6

Ziaziakchun, Pathian Lekhathu ah chun, “Ngai un, Zion ah a kil ah suang poimaw pen, têldaw leh man tam ka lem tai; ama gingtute chu mualpho pua’n au,” ti a um hi.