ZEPHANIAH 1:4 - PATHIAN LEKHABU THIANGTHO (BSI)

⁴ Judai gam leh Jerusalem ah chêng zosia do in ka khut thadok ing ka tin; zia kipat hin Baal um nalaite, milim ho’na thiampute zosia leh,

ZEPHANIAH 1:4 ပူးပေါင်းရင်းမြစ်များ

2 LENGTE 21:13

Jerusalem chung ah chun Samaria khua leh Ahab Inkuan telneng khai chu kaizan ing ka tin; mi pakhat in kuang a nawt gual mai in Jerusalem chu nawt ing ka tin, nawt lumlet in lekkhup mai ding ka hi.

2 LENGTE 23:12

Judah lengpa Ahaz in a la siam pindan chungnung lam tak ah a la koi mâichâm tawh, Manasseh in a siam Lalpa In pindan pani ah koi ding ah a siam a koite chu lengpa chun a hun latha’, a hun khen nawi ah, a nawn haw chu Kidron lui lam ah chun a vasun thâksak a.

2 KHANGTHU 34:4

Ama thu’n Baal hona mâichâmte chu a susiau ah; milim hona mâichâm a chung lam ah um haw chule a hun kai chim tau hi. Dawikhuamte leh milim sunthaw leh kikhuak ah kibawlte chule a khen chim ah; ziate chu a gawtbuang ah, ziate kiang ah kithoina a la bawl sekte haw thân lak ah chun a gawtbuangte chu a the’ tai.

PAWTDAWNA THU 15:12

La chang lam khut la jak daw leh, lei in amau chu a val zo tai.

JEREMIAH 15:6

Keima lei la pom lo ziakin, la kinungle kit tai, Lalpa‘n a tii; ziaziakchun, nangma do dingin, ka khut lâmdok in ka hun hi’mang tai; kisûm zo talo ka hi.

JEREMIAH 6:12

A Inteu chu midang chang ta’n tiu in, a louteu leh a jiteu le midang chang ta’n au; zia gam ah chêng zosiate chung ah hin, ka khut hun tha ding ka hi’ngâl a, Lalpa‘n a tii.

EZEKIEL 25:7

la chung ah khut tha dingin ka lâm ta ahi; namdangte gâl lâk dingin hun matsak ding ka hi. Midangte lak ah hun sâttha’ng ka tin, la gam ua kipat hun sumangthai ing ka tin, hun susia’ng ka. Ziaphat chuleh, Keima hi Lalpa ka hi ti hun he ta’n lau, ti in.

EZEKIEL 6:14

A chung un ka khut lek ing ka tin, gam chu susia’ng ka tin, a chênnau gam zosia gamthip ah kipat Riblah tiang in susia’ng ka. Ziaphat chuleh, kei hi Lalpa ka hi ti hun he ta’n au.

HOSEA 10:5

Beth-aven ah bawngnote ziakin, Samaria ah chêngte chu lau in a kithing tau hi. A mipite chun sûn intiu in; a lopinau amau ah kipat lakdaw ah a um ziakin, a milim ho’na thiampute chun amau chu kâ in’au.

MIKAH 5:13

nangma ah kipat in la milim bawl kawmte leh, la dawi khuamte sumang ing ka tin, la khut ah la siamte ho dingin, a ma-âng un kûn kit ta pua’n la;

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.

ZEPHANIAH 2:13

Chun, mallam dona’n a khut thadok intin, Assuria chu susia ding ahi; Nineveh a hawm in siam intin, gamkeu gual in siam ta’n a.