ZEPHANIAH 1:3 - PATHIAN LEKHABU THIANGTHO (BSI)

³ Mihing leh ganhing zosia, sumangthai ding ka hi; chunglêng vachate leh, tuisuagiat ah sangate tawh sumangthai ding ka hi. Mi nunsiate kipalsak ing ka tin, lei chung ah kipat in mihing cha sumangthai ding ka hi, Lalpa‘n a tii.

ZEPHANIAH 1:3 ပူးပေါင်းရင်းမြစ်များ

THILSIAM THU 6:7

Tichun, Lalpa’n, “Ka mihing siamte hi lei chung ah kipat in hi’mangthai mai ing ka, mihing hileh, ganhing hileh, a bokvâkte hileh, chung leng vachate natiang in, amau ka la siam hi ka kisîk ta ahi,” a ti’n.

ISAI 27:9

Zia jal ah chun Jakob mawna zosia sukthian hung hi’ntin, zia chu a gitlona zosia noimangna hita’n a; mâichâm ah suang te, suangmuat gual ah gawtbuang a hung hi’phat leh, dawikhuam leh mâichâmte â ding um ta pua’n a. Asherim zosia leh gimtui hâlna mâichâm zosia, a dial zo um ta pua’n au.

ISAI 6:11

Ziaphatchun keima’n: “Aw Lalpa, bang chan ahi diam?” ti’n ka dong a. Ama’n ka kiang in: “Khawpite a lua ding um lo ah nutsia a hung hiu a, Inte le a chêng ding um lo ah, gam pumpi hisiat dim dem ah, a hawm ah nutsia ahi masia;

ISAI 6:12

Lalpa‘n mi tin gamla tak ah, a thotmang zaw masia gam lailung ah, bangma um talo ah, nutsia ahi masia.

JEREMIAH 12:4

Gam in bang chan sûn ah, gamlak hampa zosia bang ding ah vuaitha ding a hiu em? A sung ah chêngte nunsiat ziak leh, a gam ah mipite’n, “I um dan uh ei mu puai,” a ti ziak un, gam sate leh vachate zosia, phiatnâm a hitau hi.

JEREMIAH 50:3

Mallam ah kipat ama do ding nam khat a hung kuandok tai; a gam chu a hawm ah nutsia in hung umsak intin, a sung ah kuama chêng ta pua’n ah; mihing leh gancha zosia’n taisan sik sek ta’n au.

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

EZEKIEL 44:12

Himaleh, a milim ho’nau a bawl piak ah, a thil bawl khial ziak ua Israel Inkuante â ding ah kipalna a hung hitau. Ziaziakchun, gawt lo in koi pua’ng ka, ti’n Lalpa Pathian a kihaksial tai.

EZEKIEL 7:19

A dangka thîkteu kotzingte ah thejak intiu in, a sanateu le buaksia gual in koi ta’n au. Lalpa lungnatna nikhua chun, a dangka leh sanateu chun hukdok thei ta pua’n a. Ziate ah chun a gilkialnau nêm pua’n tin, a gil uh le vâsak diak pua’n a. Zia chu a khawlo’nau ah a kisuinau ahi tâk ziakin.

HOSEA 14:3

Assuria in ei hukdam pua’n tin, a sakol chung ah chuang pua’ng kau; ka khutsuakteu kiang in, ‘Ka Pathian uh la hiu,’ ti ta pua’ng kau. Nangma ah chun nauchagate’n, ja’ngaina a mu sek ngal un,” ti in.

HOSEA 14:8

Aw Ephraim, milimte chu ka bang ah pang ding a hem? Nangma dawnhu ah, hun vêngpa chu keima ka hi’ngal a. Châk thing hing zing gual chu ka hi’n, la ginumna chu keima ah kipat hung ahi.

HOSEA 4:3

Ziaziakchun, gam chun a sûn in, a sung ah chêng zosiate chule a thavai zo tau hi. Gamsate, chunglêng vachate leh, tuisuagiat ah sanga zosia pum in mangthai ta’n au.

ZEKARIAH 13:2

Zia ni chun, gam sung ah kipat thagau buakte leh Jawlneite paidok sik sek ing ka tin, amau hetzuina um ta pua’n a; chuleh, gam sung ah kipat in jawlneite leh thagau buakte paidok sik sek ta’ng ka, sepai honte Lalpa‘n a ti ahi.

MATTHAI 13:41

Mihing Chapa chun a vansawlchâkte sawldok intin, a gam ah kipat in migilote leh mi gitlosakte chu hun lakhawm intiu in;

MATTHAI 23:39

Ka hil la hiu, Lalpa min ah hung chu a hamphai, la ti masang siau ei mu kit ta pua’n lau, a tia.

THUPUAN 2:14

Himaleh, demna neukhat ka nei hi; la lak ua Balaam thuhilna mang ah, Balak chu Israel chate kipalpâina ding ah milim hona sate ne ding ah, chuleh, thanghuai ding ah zilsakna kha zui la um ui.