ZEPHANIAH 1:18 - PATHIAN LEKHABU THIANGTHO (BSI)

¹⁸ Lalpa lungnatna ni ah chun a dangkau leh, a sanau in amau chu hukdok thei pua’n tin; a lungnatna mei chun gam pumpi hi kâng tum ta’n a. Lei chung lua zosiate tawpna ni, huaisia tak chu tunsak ding ahi ngal a.

ZEPHANIAH 1:18 ပူးပေါင်းရင်းမြစ်များ

THILSIAM THU 6:7

Tichun, Lalpa’n, “Ka mihing siamte hi lei chung ah kipat in hi’mangthai mai ing ka, mihing hileh, ganhing hileh, a bokvâkte hileh, chung leng vachate natiang in, amau ka la siam hi ka kisîk ta ahi,” a ti’n.

1 LENGTE 14:22

Judai gam ah mite chun Lalpa mit mu in thil phalo a bawl tau ah; a pu leh pateu bawl zosia khêl in a bawl uh, a gitlonau chun Lalpa a thangtawmsak ahi.

JOB LEKHABU 21:30

Mi nunsiate chu siatna ni khoikhâk lo ah um in, lungnatna ni’ hukdaw ahi ngai awm?

JOB LEKHABU 3:15

ahiloleh, leng chapa sana tam tak nei ah, dangka thik In dim ah neite tawh.

SAM 78:58

A thoimualteu ah chun ama a choklungnau ah; a milim pathian siamteu chun, a thangsiatna a choktho ui.

SAM 79:5

Aw Lalpa, bang chan a hem la lungnat nâk lai ding? La itthîk siatsona chu mei gual ah kuang ding a hem?

THUPILTE 11:4

Lungnatna ni ah chun nei leh lam in, phatchuamna nei pua’n tin; ahi’n, dikna chun vang, thi’na kipat in hukdok in a.

THUPILTE 18:11

Mi hausate nei leh lam chu a khawpi det uh ahi hen; amau lunggêl dan ah chun a kulbâng sâng tak gual ahi.

ISAI 1:24

Ziaziakchun, Hat Chungnung, sepai honte Lalpa, Israelte lak ah Mi Hat chun: E hei! Ka mêlmate chung ah hin, ka lungnatna buntha’ng ka tin, ka gâlte chung in phuba la mai ing ka!

ISAI 10:17

Israelte Vâk chu mei gual hung hi’ntin; a Mithiangtho uh chule meikuang gual hung hi’n a; tichun, a ling leh a khauguite chu, ni khat sung in hun kâng tum ta’n a.

ISAI 10:3

Gawtna la hun tuak phat uh leh, gamla tak ah siatna chu, la chung ua a hung tun phat leh, bang la law ta diam? Pani’na hawl ah kua kiangah chia in, la hausatna kua kiangah nusia in,

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

JEREMIAH 7:34

Chun, Judai khawpi leh Jerusalem khawlai dung ah chun kipakna husate, limna husate, monu leh mopa husate suthip ing ka tin, gam chu a hawm ah um ta ding ahi ngal a.

JEREMIAH 9:11

Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

EZEKIEL 16:38

Numei ângkawm leh tualthat chung thu a ta’n gual un, la chung thu tan ing ka tin, lungna leh itsik in la chung ah thisan phuba la ding ka hi.

EZEKIEL 23:25

Thangtawm tak ah a hun soisak theina ding un, ka lung awilo’na la chung un bunkhup ing ka. La nâk leh la bilte âtthak piak intiu in, a hing sunte chu chemjam in that in au. La chanu leh chapate man intiu in, a hing sunte mei in kâng tum in a.

EZEKIEL 7:11

Kipawngbawlna chu nunsiatna mol in a piting tai. A neinungnau leh a hausaknau khat chale umden ta pua’n tin; a lopinau le um diak ta pua’n a.

EZEKIEL 7:19

A dangka thîkteu kotzingte ah thejak intiu in, a sanateu le buaksia gual in koi ta’n au. Lalpa lungnatna nikhua chun, a dangka leh sanateu chun hukdok thei ta pua’n a. Ziate ah chun a gilkialnau nêm pua’n tin, a gil uh le vâsak diak pua’n a. Zia chu a khawlo’nau ah a kisuinau ahi tâk ziakin.

EZEKIEL 7:5

Lalpa Pathian in zia gual hin a gen a: Siatna chung ah siatna! En in, a hung tung hi.

ZEPHANIAH 1:11

Sumkawlveite zosia a manthai tâk ziak un, nanghaw sum mun ah umte haw, thûm tau in; dangka te’dok mite zosia pai thâk a hitau hi.

ZEPHANIAH 1:15

Zia ni chu thangtawmna ni hi’ntin, lungjinna ni leh beidon ni, siatna leh pûksiat ni, thim ni leh lungthuai ni, sûmpi ji’n ni leh thim sâna ni,

ZEPHANIAH 2:2

busi hui in a mut mang gual ah naw mang ah la um masang un, la chung ua Lalpa lungnatna huaisia tak a hung tun ma ah, la chung ua Lalpa lungnatna lau um tak a hung tun masang hin.

ZEPHANIAH 3:8

Ziaziakchun, hiatpitu ah, ka hung din hun chu ei la ngâk un, a tii. Namte pui khawm ding leh lenggamte suktua ah, a chung ua ka lungnatna leh, lei chung zosia kât tum ding hi, ka thupukna ahi ta’ngal a.

MATTHAI 16:26

Min khawvel hi a pum in nei hen la, a hinna chân leh, ama â dingin bang a phachuam diam? Ahiloleh, min a hinna sik in bang a pia diam? a tia.

1 KORINTH 10:22

Lalpa chu thangsiat sak gua I hiu em? Ama sâng in I hat zawu ah a hem?

DAN LEKHABU 31:17

Ziaphat chuleh, a chung ua ka lungnatna kuangjak intin, amau chu kilepsan ing ka tin, ka mai sêlgu ta’ng ka; thil phalo leh tizat um tak in hun chup ta’n ah. Zia ni phat chuleh, ‘I Pathian un ei umpi lo ziak ah zia gual buainate hi tuak hi talo I hiu em leh?’ ti’n tiu in.