ZEPHANIAH 1:11 - PATHIAN LEKHABU THIANGTHO (BSI)

¹¹ Sumkawlveite zosia a manthai tâk ziak un, nanghaw sum mun ah umte haw, thûm tau in; dangka te’dok mite zosia pai thâk a hitau hi.

ZEPHANIAH 1:11 ပူးပေါင်းရင်းမြစ်များ

JAKOB 5:1

Tu’hin, mi hausate haw, la chung ua thokgimna hung tung dingte ziakin kap in mau un.

EZEKIEL 21:12

Aw mihing, kap inla, pengjak ta’n, ka mipite do’na ahi ngal a; Israel lal chate zosia do’na ahi, ka mipite tawh a leng un chemjam se’na’n a kinei ui. Katei! A malpiu sât un!

JEREMIAH 25:34

Nanghaw belampute haw, kap unla, kiu chuai chuai un; nanghaw gancha hon chung ah vaihawmte haw, leivui lak in kitâl puang un, nanghaw thalupna ding ni leh, thejak ah la umna ding uh nite chu, a hung tung tai; bêl doichuamte gual in um ta’n lau.

JOHAN 2:16

Vapâl zuakte kiang ah chun, “Zia thilte haw hi ladok sik sek un; ka pa In sumkawlveina’n mang kiu in,” a tia.

JOEL 1:13

Nang uh thiampute haw, saidip puan sil in sûn tau in; nanghaw mâichâm ah nasêmte haw, thûm in mau tau in. Nanghaw ka Pathian nasêmte haw, hung unla, jankhua’n saidip puan sil tau in! La Pathian In ua kipat in, thâi thillat leh dawnchi thillatte a chawl tai.

JOEL 1:5

Nanghaw zukhamte haw, hung haldok unla, kap tau in; nanghaw uain dawn ah khamte haw, la kam ua kipat uain thum tak chu, lak mang ahiziak in thûm tau in.

HOSEA 9:6

Siatna pumpel in suakcha maleu, Aiguptate’n chom khawm intiu in; Memphis in amau vui in au. A dangka golûlteu chu zakthâite’n lua intin; a puanbûkteu ah chun lingte um in a.

JEREMIAH 4:8

“Lalpa lungnatna huaisia tak chu, ei haw ah kipat heimang ahi puai, ti’n kap ah sûn in, saidip puan sil tau in”.

JOB LEKHABU 27:16

Dangka chu leivui gual in, khol khawm maleule; nîk leh puan sil sên lo, chên sên lo sia vum ziang maleu le,

JOB LEKHABU 27:17

bang jat sia khawm maleu, mi dikte’n sil leh cheng intiu in, mawna beite chun a dangkau chu kihawm in au.

ZEPHANIAH 2:5

Tuisuagiat pâm ah chêngte leh Kereth mite chung chu a gik hi! Aw Kanaan, Philistinte gam; la sung ah mihing pakhat ziang le, umlo dingin hun susia ding ka hi.

ZEKARIAH 14:21

Jerusalem khua leh Judai gam ah thil huanna bêl zosia chu, sepai honte Lalpa â ding ah sukthiantho hita’n tin; tichun, kithoina thil lân ding ah hung zosia’n a kithoinau thil latte huanna’n mang ngâl ta’n au. Ziaphat chuleh, sepai honte Lalpa In ah chun sumkawlveite him him um ta pua’n au.