ZEPHANIAH 1:10 - PATHIAN LEKHABU THIANGTHO (BSI)

¹⁰ Zia ni chuleh Sanga Kotpi ah kipat in kâ thawm, In dan Sungnung ah pat mau thawm leh, tâng lam ah kipat thawmgi nasa tak chu het in um in a, Lalpa‘n a tii.

ZEPHANIAH 1:10 ပူးပေါင်းရင်းမြစ်များ

2 SAMUEL 5:7

Himaleh, David in zia kulpi det Zion chu a la ta’n, zia tak chu David khawpi a hung hiden tai.

2 SAMUEL 5:9

David in kulpi chu a lua den ta’n, a min inle David Khawpi a sak tai. Millo ah kipat in khawpi sung tiang huap in David in khawpi kul ding chu a siam tai.

2 LENGTE 22:14

Tichun, thiampu Hilkiah tawh, Ahikam tawh, Akhbor tawh, Shapham tawh, Asahiah tawh, puan koikhawmna vengpa, Harhas tupa Tikvah chapa Shallum ji jawlneinu Huldah kiang ah chun a vachiau ah; amanu chu Jerusalem ah zilna mun ah um ahi’n; tichun, amanu chu tawh a vaholim tau a.

2 KHANGTHU 3:1

Jebus mi Ornan buphual jawl ah David in a la guanggalna mun, a pa David kiang ah Lalpa a la kilâkna mun ma ma Jerusalem khua Moriah tâng ah chun Solomon in Lalpa In ding sakdaw a hun gua’n,

2 KHANGTHU 32:22

Tichun, Hezekiah leh Jerusalem khua chêngte chu Assuria Lengpa Sennakherib leh a gâlteu zosia khut ah kipat in Lalpa‘n a hukdok ta’n; kiltin ah kipat in thamuanna a pia tai.

2 KHANGTHU 33:14

Zia nungah chun, David khawpi pawlam ah Gihon tumlam phâijawl ah kipat Sanga Kotpi tiang in kulpi chu a hun siampha kit ah; Ophel mun chule sâng tak in kul in a hun ûm kîmvêl suak tai. Chuleh, Judai gam ah khawpi kul nei zosia ah chun a vêng ding sepai hotute a koi suak tai.

2 KHANGTHU 34:22

Tichun, Hilkiah tawh lengpa’n a mi sawlteu chu jawlnei Huldah kiang in a vachiau ah; ama chu Shallum ji ahi’n, a pawsal chu Hasrah chapa Tokhath chapa, tempul ah nîk leh puan enkol ah pang sek ahi’n (Jerusalem khua chênna mun Pani’na chu chêng ahi;) zia nu kiang ah chun zia thu chu a vagen tau a.

NEHEMIAH 12:39

Ephraim Kotpi chung lam ah kihei in, Kotpi Lui kiang haw ah, Sanga Kotpi kiang ah Hananel Insâng, Zakhatte Insâng haw malam in, Belam Kotpi lam ka zuan un; chuleh, gâlvêngte Kotpi bul ah chun ka chawl tau a.

NEHEMIAH 3:3

Hassenah Inkuante’n Sanga Kotpi a siam ua; a jawlpite zam zo in, a kotkhakte leh a kamnate le a bawl tau hi.

ISAI 59:11

Savom gual in ka ngîk un, vakhu gual in ka thûm lit lit ui. Vaihawmna dik ka la ngâk un, ahi’n la, a um ta puai; hukdamna ka ngâk un, ahi’n la, keimau ah kipat in a gamla ma ma hi.

JEREMIAH 39:2

Zedekiah lal kum, sawm leh khatna a tha li’na, a ni kua tin ni chun, khawpi kulbâng chu sukvan in a hung um ta’n.

JEREMIAH 4:31

Numei naunei gual ah gim aw ka hia’n, a chatil nei ding gual ah thuakgim aw gi gual ah, Zion chanu halâ tak ah a khut van ah kiko chun, “Ka chung a gik na lawm lawm e! Ei that dingte âng ah chun ka basam tai,” ti aw chu ka he ta ahi.

EZEKIEL 6:13

A milimteu ma-âng ah a gimtui hâlna munteu, gangpi thingbuk nuaite, thinghing bul tinte, tângsip tin leh mualsang tinte chung leh, a mâichâm bul tin ua a milimteu lak ah a mithi luangteu a um zeng zung phat leh, kei hi Lalpa ka hi ti hun he ta’n au.

AMOS 8:3

Zia ni ah tempul ah La te chu lusûnna La hi’n tin; mithiluang tampi hi’n tin, mun tin ah thejak hi’n au; thip chil chel tau in, Lalpa Pathian in a tii.

ZEPHANIAH 1:15

Zia ni chu thangtawmna ni hi’ntin, lungjinna ni leh beidon ni, siatna leh pûksiat ni, thim ni leh lungthuai ni, sûmpi ji’n ni leh thim sâna ni,

ZEPHANIAH 1:7

Lalpa Pathian âng ah thipbek in um tau in! Lalpa ni la a nai ta’ngal a; Lalpa‘n la kithoina bawl zo in, a mi chialte a suthiangtho zo ta’ngal a.