ZEKARIAH 9:9 - PATHIAN LEKHABU THIANGTHO (BSI)

⁹ Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

ZEKARIAH 9:9 ပူးပေါင်းရင်းမြစ်များ

1 LENGTE 1:38

Tichun, thiampu Zadok, jawlnei Nathan, Jehoiada chapa Benaiah leh Kherith mite leh Peleth mite chu a chia suk ua, Lengpa David sabiltung chung in Solomon a chutsak ua, Gihon lam ah chun a pui tau a.

SAM 149:2

Israelte chu amau Siampa chung in kipak uh hen la; Zion chate chu a Lal pen chung un kipak tau hen!

SAM 2:6

“Keima ngei in ka tâng thiangtho Zion ah, ka lal chu ka chutsak ta ahi,” ti in.

SAM 45:1

Ka thinlung hi pau mêlpha’na dimlêt hen; lengpa chu la’n ka chawi ta’n; ka lei hi lekhazik thiam tak kawlom gual ahi.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 30:6

Negeb ah ganchate chung thu ah chunggikna hung tung ding chu: Lungkhamna leh lungjinna gam, sakeibakneipi leh sakeibakneichal hâm laite, gûlsia leh gûl lengtheite lak haw theng in, a nei leh lamteu sabiltungte puaksak in, a go thilteu chu sangawngsaute puaksak in, amau â ding ah phatchuamna bei mite kiang in vachia in au.

ISAI 33:22

Lalpa chu I chung ua thutanpa ahi’n, Lalpa chu I vaihawmpau ahi’n, Lalpa chu I lengpau ahi’n, ei hukhing ding ahi ngal a.

ISAI 40:9

Aw Zion, chanchinpha hun tuntu, mual sâng chung ah kal to in. Aw Jerusalem ah chanchinpha hun tuntu, a ngai thei pen in kiko inla, kikodok inla, lau kin; Judai gam ah khawpite kiang in: “La Pathian uh zia hin a um hi,” ti’n hil un.

ISAI 43:11

Kei, Keima hi Lalpa chu ka hi, Keima tilo ngal hukdampa dang a um puai.

ISAI 43:3

Lalpa la Pathian, Israel Mi Thiangthopa, a hun hukdokpa chu ka hi’ngal a. Nangma kitatdawna dingin, Aigupta gam chu ka pedok ta’n, nangma thatheng dingin, Ethiopia leh Sheba gamte hi ka pedok tai.

ISAI 45:21

La thuu chu tâklang unla, kidongtua sau sau tau hen! Hun sawt tak masang ah kua’n a hil tam? Ma lai ah khan kua’n a tâklang tam? Keima Lalpa hi hilo ka hem? Keima tilo pathian dang a um pua’n, Pathian dik tak leh Hukdampa, Keima tilo ngâl a dang a um puai.

ISAI 52:7

Zion kiang ah, “La Pathian in vai a hawm hi,” ti ah kichamna chanchinpha gen ding ah, thangko ding ah mual leh tângte chung ah, hung kalsuante chu a mêl uh a pha na e!

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 62:11

Ngai un, Lalpa‘n kawl kîmvêl tiang ah mite kiang in, zia thu hi a puang jak tai: Zion chanu kiang in zia gual hin gen un: “Ngai in, la hukdamna a hung tung tai; ngai in, a kipakman chu a chawi in, nasep man ah a piak ding chule, a ma-âng in a um hi,” ti in.

JEREMIAH 30:9

Lalpa a Pathian uh leh a lal ding ua ka hun tundin ding David na bep chu sêm zaw ta’n au.

EZEKIEL 21:32

Mei kuangchaw in pang in la tin, la thisan lei khikêk ah lût intin; hetmil in um ta’n la; Keima Lalpa hin ka ti ta’ngal ah, ti in.

HOSEA 1:7

Judah Inkuante chung ah vang lainatna nei ing ka tin, thalpi a hem, chemjam a hem, kidona a hem, sakol leh sakol chungchuang mi a hem in amau hukdam lo in, Lalpa a Pathian uh chun hukdam ing ka,” a ti’n.

MIKAH 4:8

Aw nang, gan-gual chinna Insâng, Zion chanu mualvum ngei chu, la kiang hung tung intin, lenggam masa kha hung tung in a, Jerusalem chanu lalna ngai kha hung tung in a.

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

ZEKARIAH 2:10

Aw Zion chanu, lim in La sa’n! Ngai in, la kiang ah chêng ding ah hung ding ka hi’ngal a, Lalpa‘n a tii.

MATTHAI 1:21

Chapa hing intin, a min in Jesu la sak ding ahi; ama chun a mite a gitlonau ah kipat hukdok ding ahi ngal in,” a ti’n.

MATTHAI 11:29

Ka ngawngkol hung puau in la, ka kiang in zil un: Lungthim ah nunnem leh kingaitawm ka hi; tichun, la thagau â ding un chawldamna mu’n lau.

MATTHAI 2:2

“Khoi ah a hem Judate lengpa hung piang chu? Sualam ah a aksi chu ka muu ah, ama chibai bûk ding ah hung ka hiu,” a tiu a.

MARKA 11:7

Sabiltungno chu Jesu kiang a hun kai tung phat un, a chung ah a puanteu phâ in, Jesu chu a chuang ta’n.

LUKA 24:27

Tichun, Mosi leh jawlneite lekhabu’n a pan a; Pathian Lekha ama chanchin kizik tapo chu a hilchian piak tai.

JOHAN 1:49

Ziaphatchun, Nathanael in a kiang in, “Rabbi, Pathian Chapa, Israelte Lengpa chu la hi!” a tia.

JOHAN 19:15

Amau haw chu a hung kiko ua, “Hi’mangthai in! Hi’mangthai in! Kros ah khenden in!” a hun tiu a. Pilat chun a kiang un, “La Lengpau hi kros ah khenden ziang ding ka hem?” a ti kit a. Thiampu lalte chun, “Kaisar longal leng dang ka nei puau hi,” a tiu a.

VAIHAWMTE 10:4

Ama’n chapa sawmthum a nei in, amau chun sabiltung a nei chiat un; amau chun Gilead gam ah khawpi sawmthum le a nei ua, ziate chu tu’ni tiang hin Havvoth-jair a kiti den tai.