ZEKARIAH 8:9 - PATHIAN LEKHABU THIANGTHO (BSI)

⁹ Sepai honte Lalpa‘n zia gual hin a gen hi: Sepai honte Lalpa In, tempul ngei chu sakdaw kit a hitheina ding ah, In suangphûm lopi, a jawlneite thugen ma ma nanghaw tu’ni ngaithate hin, la khut uh hi’hat tau in.

ZEKARIAH 8:9 ပူးပေါင်းရင်းမြစ်များ

1 KHANGTHU 22:13

Israelte â ding ah, Mosi kiang ah Lalpa thuguat leh dan leh mual a la piakte zosia phatakcha la vop chun, hung hampha ding la hi. Hat tak leh hangsan tak in um in. Lau kin la, lungthuai diak kin.

1 KHANGTHU 28:20

Zia ban ah chun, David in a chapa Solomon kiang ah chun zia gual hin a gen a: “Hat tak leh hangsan tak in um in, zia haw chu bawldok sik sek in. Lauthawng kin la, lungthuai diak kin; Lalpa Pathian, ka Pathian chun a hun umpi la hi.

2 KHANGTHU 15:7

Himaleh, nang vang kihihat in! La khut nasep zosia lamzang ding a hiziak in, la khut chu thâtdasak kin!” ti in.

EZRA 6:14

Tichun, Judate lak ah upate chun, jawlnei Haggai leh Iddo chapa Zekariah te ni thugen pansan in, In chu a sau ah, a masawn ma mau hi. Israelte Pathian thupiak leh Persia Lengte, Kuras, Darius leh Ahasueras thupiak dungzui in In chu a sa zo tau a;

ISAI 35:3

Khutbân zawngkhâlte chu hi’hat unla, khup zawite chule hihât tau in.

ISAI 35:4

Lungthim dawilokte kiang ah chun: “Kihatsak inla, lau kin! Ngai in, la Pathian chu phuba la ding ah, hung kuan ding ahi’n, tizat um tak ah dit kit ding ah hung intin, nangma hun hukdok ding ahi,” tiu in.

HAGGAI 1:1

Lengpa Darius a lal kum ni’na, tha gukna, ni masa pen ah chun; jawlnei Haggai mang in Shealtiel chapa, Judai gam awppa Zerubbabel leh Jehozadak chapa Joshua thiampu lianpen kiang in, Lalpa‘n thu a hun gen a:

HAGGAI 1:12

Ziaphatchun, Shealtiel chapa Zerubbabel, Jehozadak chapa thiampu lianpen Joshua tawh nutsia ah um sunte chu tawh, a Pathian awu leh Lalpa a Pathian un a sawl gual in, jawlnei Haggai thu chu a zawm tau a; tichun, mipite chun Lalpa chu a lau tau hi.

HAGGAI 2:18

Tu’hi a tha kuana, ni sawmni leh li tin ni a hita’n, tu’ni kipat hin ngaituau in. LALPA tempul suangphûm pat ni kipat in ngaituau in.

HAGGAI 2:21

Judah gam awptu Zerubbabel kiang in hiti hin gen in: Lei leh vante hun sulîng ding ka hi;

ZEKARIAH 8:13

Aw Judah Inkuan leh Israel Inkuante haw, nam tin lak ah hânsia dong ah la umnau ah kipat khan hun hukdok ing ka tin, maljawlna bulpi’n hun siam ding ka hi tai. Lau him him kiu inla, la khutteu chu hi’hat tau in.

ZEKARIAH 8:18

Sepai honte Lalpa‘n ka kiang ah thu a hun gen ah, zia gual hin a gen hi:

EPHESA 6:10

A tawp pen in ka suapite haw, Lalpa leh a hâtna thilhitheina ah chun hat tak in um unla.

2 TIMOTHI 2:1

Chutichun, nang ka cha, Khrista Jesu ah hepina ah chun hat tak in um inla,

JOSHUA 1:6

Hat tak leh hangsan tak in um in; a pu leh pateu kiang ah piak ding ah ka la tiamna gam hi, zia mipite gochan dingin hawm piak ding la hi’ngâl a.

JOSHUA 1:8

Zia dan lekhabu hin la kam pawtsan ki’hen la; a sung ah kizik dung zui ah chingthei tak ah la bawltheina dingin, a thute chu a sûn a jan in ngaitua sek in. Ziaphat chuleh, la lampi lamzang intin, lawting ding la hi’ngâl a.