ZEKARIAH 7:7 - PATHIAN LEKHABU THIANGTHO (BSI)

⁷ Jerusalem leh a kîmvêl ah khawpite chu lua dim ah, a vânglai ni leh simlam Negeb leh Shephelah phâiguamte mihing in a lua dim lai ah, jawlnei masate mang ah Lalpa‘n thu a la gente kha hilo a hem? ti’n gen in,” a tia.

ZEKARIAH 7:7 ပူးပေါင်းရင်းမြစ်များ

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

JEREMIAH 13:19

Negeb ah khawpite chu, a hong ding mi umlo in, a kikhak suak tau a; Judai gam ah mi zosia, a leng un sal ah pui mang hita’n au.

JEREMIAH 17:26

Ziaphat chuleh, Judai gam ah khawpite ah kipat leh, Jerusalem kiang vêl ah mun zosia kipat, Benjamin gam ah kipat, Shephelah ah kipat, tâng gam ah kipat leh Negeb lam ah kipat in hâlmang kithoinate leh kithoinate, thâi thillat dingte leh gimtuite hun chawi in, Lalpa In ah hin kipakna thilpiakte hun chawi khawm ta’n au.

JEREMIAH 22:21

La vangphat lai ni’n la kiang in ka la gen ta’n, ahi’n, nang in, “Ngaitha pua’ng ka,” la ti’n. Zia chu la khangdawn lai ah kipat, la um dan him a la hita’n, ka thu la ngaithâk sek lo ziak ei vei.

JEREMIAH 32:44

Sumchang in loute hun chaw’n, kichawkna lekhate zik det ah châl bit in, hiatpitu dingte le siam ta’n au; Benjamin gam ah te, Jerusalem khua kiang vêl ah te, Judai khawpite, tâng gam khawpite, Shephelah ah khawpite leh Negeb ah khawpite ah chunle; mipite chu a gam un tungding kit ding ka hi tâk ziakin, Lalpa chun a ti a hi.

JEREMIAH 33:13

Tânggam khawpite, Shephelah, Negeb lam leh Benjamin gam ah te, Jerusalem khaw kîmvêl ah te leh Judai gam khawpite ah chun, gancha hon a simpa khut nuai ah chun gan hon chu kijawt duam duam kit ding a hiu, Lalpa‘n a tii.

JEREMIAH 44:4

A Chutisapi’nle, ka suakte, jawlneite chu gunchu tak ah, “Ka thil ki’dak ma ma, ka huat takte chu bawl lo dingin ka don la hiu!” ti gen dingin ka hun sawl ta’n.

JEREMIAH 7:23

Himaleh, zia hi ka thupiak chu ahi: Ka thu ngai un, tichun, la Pathian uh hi’ng ka tin, nang uh chule ka mite hi’n lau; chuleh, nang uh â ding ah thilpha a hitheina dingin ka thupiak gual bep in um un, ti in.

JEREMIAH 7:5

La umdanteu leh la thilbawl danteu la siamphat chiat ua, mimal tin kikâl ah dikna a um phat leh,

ZEKARIAH 7:12

Sepai honte Lalpa chun jawlnei masate mang ah, a thagau ah thu a vaithâk leh a dan thupiakte chu a ngaisaklo’na ding un, a lungthimteu chu a sutâk zo tau a. Ziaziakchun, sepai honte Lalpa lungnatna huaisia tak chu a hung tung tai.

ZEKARIAH 7:6

Chuleh, la nêk ua la dawn unle nangmau â ding bep ah ne leh dawn hilo la hiu em?

ZEKARIAH 7:8

Lalpa‘n Zekariah kiang in thu a hun gen a:

DAN LEKHABU 34:3

Negeb leh a Phâicham, tûm thing khawpi Jeriko leh, Zoar tiang in a etsak a.