ZEKARIAH 7:6 - PATHIAN LEKHABU THIANGTHO (BSI)

⁶ Chuleh, la nêk ua la dawn unle nangmau â ding bep ah ne leh dawn hilo la hiu em?

ZEKARIAH 7:6 ပူးပေါင်းရင်းမြစ်များ

1 KHANGTHU 29:22

tichun, zia ni chun nasa takah kipak kawm in, Lalpa kiang ah chun ne leh dawn in a um tau hi. David chapa Solomon chu leng dingin a siam kit ua; ama chu Lalpa â ding ah milian hiding leh, Zadok chule thiampu hiding in, sathau a nu’ tau hi.

ISAI 43:23

Hâlmang thillat dingin la belam lei pia ngai pua’n, la thil latte ah chunle jana lei pia puai. Thil latte ah puakgik ka hun guan pua’n, gimtui hâlna’nle ka hun hi’gim puai.

ISAI 58:3

“Bang ding ah la mulo ding ah anngawl sek ka hiu em? La ngaisak lo ding ah bang a tia, kikoi niam sek ka hiu em?” la tiu a. Ngai tiam u, la anngawl niu ah chun, nang uh lunglutna dungzui bep ah bawl la hiu a, la nasêmteu chu, la êngbawl nalai ui.

HOSEA 8:13

Amau in doichuam thillatte pemaleu, sate chu ne maleu, Lalpa‘n ziate chu a pom puai. Tu’hin, a khawlonateu chu hezing intin, a gitlo’nau chu gawt in a; amau chu Aigupta lam in kile’kit in au.

HOSEA 9:4

Lalpa kiang ah dawn thilpiakte uain sungtha ta pua’n tiu in; a thillatteu chun ama kipaksak pua’n a. Zia gual thillatte chu lusûnte vaithum gual hi’ntin, a ne taphot chu buak ngâl in au; a vaithum uh chu a gilkialnau â ding bep ahi ngâl a; zia chu Lalpa In ah hung lut pua’n a.

ZEKARIAH 7:5

Gam sung ah mizosia leh thiampute kiang in: “Zia kum sawm sagi zet sung ah tha nga’na leh tha sagi’na ah an la ngawl ua, sûnna la bawl sek uh kha, keima â ding mawng ah anngawl la hiu ah a hem?

ZEKARIAH 7:7

Jerusalem leh a kîmvêl ah khawpite chu lua dim ah, a vânglai ni leh simlam Negeb leh Shephelah phâiguamte mihing in a lua dim lai ah, jawlnei masate mang ah Lalpa‘n thu a la gente kha hilo a hem? ti’n gen in,” a tia.

1 KORINTH 10:31

Chutichun, la nêk unle, la dawn unle, la thil hi’ taphot uh chu, Pathian lopina ding bep in hiu in.

DAN LEKHABU 12:7

Chuleh, Lalpa la Pathian un la khut nasep gimnau zosia a hun maljawlna ziak ah lim leh kipak tak in, nang leh la Inkuan un Lalpa la Pathian uh ma-âng ah, zia tak mun ngei ah chun la nêk sek ding uh ahi.

DAN LEKHABU 14:26

Zia mun chun la duthusam pen pen: bawngchal hileh, belam hileh, uain leh dawn thei chi dang chawkna’n mang in. Lalpa la Pathian kiang un ne leh dawn in, nang leh la Insung mite chu lim leh kipak tak in la um ding uh ahi.

KOLOSSA 3:17

la hi tapo uh thugen a hem, thil hi’ a hem, ama ziakin Pa Pathian kiang in kipak thu gen kawm in, Lalpa Jesu min in hiu in.

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.