ZEKARIAH 7:5 - PATHIAN LEKHABU THIANGTHO (BSI)

⁵ Gam sung ah mizosia leh thiampute kiang in: “Zia kum sawm sagi zet sung ah tha nga’na leh tha sagi’na ah an la ngawl ua, sûnna la bawl sek uh kha, keima â ding mawng ah anngawl la hiu ah a hem?

ZEKARIAH 7:5 ပူးပေါင်းရင်းမြစ်များ

2 LENGTE 25:23

Chuleh, sepai hotu zosia tawh, amau leh a sepaiteu tawh, Babulon Lengpa chun a vaihawm ding un Gedaliah a tundaw piak tai ti a hun het phat un, Mizpah ah Gedaliah kiang in a hung ua; ziate chu: Nethaniah chapa Ishmael, Kareah chapa Johanan leh Netophi mi Tishumatha chapa Jaazaniah leh, Maka mi chapa Jazaniah te hi a hiu a; ziate sia chu a sepaiteu sia tawh a kiang in a hung tau a.

2 LENGTE 25:25

Himaleh, tha sagi’na chun, Leng Inkuan ah mi Elishama chapa Nethaliah chapa, Ishmael chu a hung ah, pawsal sawm a hun puiah, Gedaliah chu a hung kidelpiu ah, a that ua, Mizpah ah Judah mi um khawmpite chu tawh, Kaldai mi a la um sunte zosia chule a that khawm sik sek tau hi.

ISAI 43:23

Hâlmang thillat dingin la belam lei pia ngai pua’n, la thil latte ah chunle jana lei pia puai. Thil latte ah puakgik ka hun guan pua’n, gimtui hâlna’nle ka hun hi’gim puai.

ISAI 58:3

“Bang ding ah la mulo ding ah anngawl sek ka hiu em? La ngaisak lo ding ah bang a tia, kikoi niam sek ka hiu em?” la tiu a. Ngai tiam u, la anngawl niu ah chun, nang uh lunglutna dungzui bep ah bawl la hiu a, la nasêmteu chu, la êngbawl nalai ui.

JEREMIAH 25:11

Zia gam pumpi hi segawp in hawm suak ta’n tin; chuleh, zia namte hin Babulon lengpa na chu kum sawmsagi sung sep piak ta’n au.

JEREMIAH 29:10

Lalpa‘n zia gual hin a gen hi: Babulon â ding ah huntiam kum sawmsagi a bei phat leh, hung kantha bep ing ka tin; zia phat chuleh, la kiang ua ka thutiam guitunsak in, zia mun ah hin hun pui tung kit ing ka.

JEREMIAH 52:12

Chun, Babulon Lengpa Nebukadrezar lal kum sawm leh kua’na, tha ngana, a ni sawm ni’ chun, Babulon lengpa vêngtute lak ah hotu lianpen Nebuzaradan chu Jerusalem khuan a lut a.

DANIAL 9:2

a lal kum khatna chun, keima Danial in Lekhabu thiangtho ah jawlnei Jeremiah kiang ah Lalpa thu ah, Jerusalem khua kum sawmsagi sung suksiat ah um ding ahi, kiti guitunna ding thu chu ka muchian ta’n.

HOSEA 7:14

A lunggil tak un ei ko puau a, a lupna chung ua thûm mai mai a hiu; a bu leh uain â ding ah amau kisuliam ahi zawu hi; ka chung in a hel zing ui.

ZEKARIAH 1:12

Lalpa vansawlchâk in, “Aw sepai honte Lalpa, zia kum sawmsagi la lungnat khum, Jerusalem leh Judah khawpite ah kipat ja’ngaina bang chan tutâng nalai ding la hi em?” ti’n a hun dong a.

ZEKARIAH 7:3

sepai honte Lalpa In ah thiampute tawh jawlnei kiangah: “Tu’ma lam, kum tam tak ah kipat ka la hi’tâk sek gual ah khan, a tha nga tin ni hin lusûnna ka bawl ah; ne lo dawn lo ah um ding ka hia hem?” ti dong dingin a sawl ui.

ZEKARIAH 7:4

Ziaphatchun, sepai honte Lalpa chun ka kiang in:

ZEKARIAH 7:6

Chuleh, la nêk ua la dawn unle nangmau â ding bep ah ne leh dawn hilo la hiu em?

ZEKARIAH 8:19

Sepai honte Lalpa‘n zia gual hin a gen hi: “Judah Inkuan ah mite â dingin, tha li’na anngawlna, tha nga’na anngawlna leh tha sagi’na anngawlna leh tha sawmna anngawlna nikhuate hi, kipakna leh limna, Judah Inkuante’n kipak tâng gual chiat ah a mat dingteu chu ahi; ziaziakchun, dikna leh kichamna chu thangai tau in”.

MATTHAI 23:5

A thil hi’ taphotteu chu mihing mit mu dingin a hi’sek un, a thilbuu leh a dialkopteu chu a hi’lian un, a puanâk mongteu chu a hi’pawm ui.

MATTHAI 6:16

An la ngawl tak ua leh le mi phalêmte gual in ngui mêl pu kiu in; amau chun mi mit mu ah anngawl a hiu kilat theina dingin, a mêl uh a hinâng chiat chuat sek ui. Titakzet in ka hil la hiu, a kipakman uh chu a mu zo tau hi.

MATTHAI 6:2

Chutichun, tasam kiang ah thil khat la piak in, miphalêmte’n mi pakchât a law theina ding ua kikhopna Inte, khawlai dungte ah a piak sek gual uh hin la malam ah pengkul mûtsak in suklat gaw kiu in. Titakzet in ka hil la hiu, a kipakman uh chu a mu zo tau hi.

MATTHAI 6:5

La pauchap phat leh, miphalêmte gual ah la hi’ding ahi puai; amau chun mi mutheina ding sunagog leh, khawlai lamka bul ah te’n a pauchap nuam diak sek ui. Titakzet in ka hil la hiu, a kipakman uh chu a mu zo tau hi.

1 KORINTH 10:31

Chutichun, la nêk unle, la dawn unle, la thil hi’ taphot uh chu, Pathian lopina ding bep in hiu in.

2 KORINTH 5:15

A hingte chu amau â ding ah a hin lo ua, a sik ua thi’ thokitpa â ding ah a hin zawkna ding un mi zosia sik in a thi tai.

KOLOSSA 3:23

Bangkim la hi’tapo uh chu mihing â gual ah sêm lo in, Lalpa â ding gual zaw’n thanuam tak in sêm un.