ZEKARIAH 5:9 - PATHIAN LEKHABU THIANGTHO (BSI)

⁹ Ziaphatchun, ka et to kit leh, numei pani ei hun zuan ka mu’n. A tha’teu ah chun hui a um a; tuivakang tha gual a nei un, chuleh, lei leh van kikâl in bawm chu a dom to tau a.

ZEKARIAH 5:9 ပူးပေါင်းရင်းမြစ်များ

SAM 104:17

Zia tak ah chun vachate’n bu a siau ah; châk thing lêkte ah chun vakawl in, chênna a siam hi.

JEREMIAH 8:7

Vanlaijawl ah tuivakang in bawn, a hun ding a kihiat ah; vapâlte, pialpîmte leh tuiva te’nle, a hung hun ding chiat uh a kihiat thei un; himaleh, ka mipite’n vang, kei a Lalpau dan thuguatte hi a hepuau hi.

HOSEA 8:1

Pengkul chu la mukteu tawh sutuau in! Lalpa Inkuan chung ah mulukol gual khat a um hi; ka thuthung a botsiau ah, ka dante a bawsiat tâk ziak un.

THIAMPUTE LEKHABU 11:13

Vachate lak ah ziate hi nêk thianglo ah la ngai ding uh ahi; ziate hi thianglo hi’ntin uh, la nêk him him lo ding uh ahi: Mupi, Muvânlâi, Musane,

THIAMPUTE LEKHABU 11:19

Tuivapi, Tuivakengsang leh Vatuthaw leh Bâk haw hi.

ZEKARIAH 5:10

Ei kihopi vansawlchâk kiang ah chun, “Bawm chu khoilam ah puakmang a guat uh a hem?” ti’n ka dong ta’n.

MATTHAI 24:28

Sapul umna taphot ah mulukolle um khawm in au, a tia.

DAN LEKHABU 28:49

Nangmau hun do ah, mupi’n a lâk gual ah hun ladok dingin, gamla tak, kawlkawdong lam pek ah mite, a pau uh la het ngai loteu Lalpa‘n hun sawl intin,