ZEKARIAH 4:9 - PATHIAN LEKHABU THIANGTHO (BSI)

⁹ Zerubbabel khut in zia In suangphûm hi a la lem ta’n; ama khut ma ma chun hun sa zo ding ahi. Ziaphat chuleh, sepai honte Lalpa‘n ei sawl ka hi ti hechian ta’n lau.

ZEKARIAH 4:9 ပူးပေါင်းရင်းမြစ်များ

EZRA 5:16

Tichun, zia Sheshbazar chule hung in Jerusalem ah Pathian In suangphûm haw a hung lem pan a; zia hun ah kipat khan tu’ni tiang hin zia In chu kisa zo nai lo ahi,” a tiu a.

ISAI 48:16

Ei hun nai unla, zia hi he tau in! A tîl ah kipat khan a gûk in ka gen pua’n, a hung um ah kipat in ka la um tai. Chuleh, tu’hin Lalpa Pathian in, a thagau ei pia’n, ei sawl tai.

HAGGAI 2:18

Tu’hi a tha kuana, ni sawmni leh li tin ni a hita’n, tu’ni kipat hin ngaituau in. LALPA tempul suangphûm pat ni kipat in ngaituau in.

ZEKARIAH 1:16

Ziaziakchun, Lalpa‘n zia gual hin a gen hi: Ja’ngaina tawh Jerusalem lam ka hun nga kit tai; zia sung ah chun ka In sak hi’ntin, Jerusalem chung ah chun te’na kithungdok kit ta’n a,” sepai honte Lalpa chun a tii.

ZEKARIAH 2:11

Zia ni chuleh, nam tam tak in Lalpa zawm ta’n tiu in, ka mite hita’n au; chun, la lak un chêng ta’ng ka. Chuleh, sepai honte Lalpa chun ei sawl ka hi ti hun he ta’n lau.

ZEKARIAH 2:13

Mizosiate haw, Lalpa âng ah chun thip chil chel tau in, ama chu a mun thiangtho ah kipat in a hung thodok ta ahi.

ZEKARIAH 4:8

Zia lo chun le, Lalpa chun ka kiang in thu a hun gen kit a;

ZEKARIAH 6:15

Gamla tak ah umte chu Lalpa tempul sakpi dingin hung in au; zia phat chuleh, sepai honte Lalpa chun la kiang un ei sawl ahi ti hechian ta’n lau. Lalpa la Pathian uh aw pha tak ah la ngaithâk uh chun, zia gual ah chun hung guitung ngei ngei ding ahi, a tii, ti’n gen in, a ti tai.

MATTHAI 16:18

Nang Peter la hi, ti ka hun hil belap hi; ahi’n, zia suangpi chung ah hin ka kochuam chu lem ing ka tin; mithi kul kotkhak chun lang zo pua’n a.

JOHAN 17:21

amau hawle pumkhat ah a um theina ding un. Nang ka Pa, keima ah la um ah, keima le nangma ah ka um gual in; amau le eimau ah a um ua, khawvel in keima hi nang ei sawl ka hi ti a ginchâk theina ding un.

JOHAN 3:17

Pathian in khawvel thiamlo chansakna dingin, a Chapa khawvel ah a hun sawl puai, ama ziak ah khawvel hukdam ah a umna dingin a hun sawl zaw ahi.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.