ZEKARIAH 4:5 - PATHIAN LEKHABU THIANGTHO (BSI)

⁵ Ziaphatchun, vansawlchâk ei hopa chun, “Ziate hi bang a hiu helo maw?” ti’n ei dong a. Ke’nle, “He pu, ka hepuai,” ti’n ka dawnhu a.

ZEKARIAH 4:5 ပူးပေါင်းရင်းမြစ်များ

THILSIAM THU 41:16

Joseph in Pharaoh a dawnhu ah, “Zia chu keima theina ahi puai; Pathian in Pharaoh chu a duthusam gual tak in dawnhu zaw’n a,” ti’n a dawnhu a.

SAM 139:6

Zia gual lawm ah hetna chu, kei â dingin a mak talua hen; a sâng talua’n, ka bat phâk lo ahi.

DANIAL 2:30

Keima ka hileh, midangte sâng ah ka pil zawk ziak a hem ah zia thugûk hi ka kiang ah tâklat a hipua’n; himaleh, lengpa kiang ah a hilchetna hiatsak a hitheina ding leh, nang in la lungthim ah la ngaituate chu la hettheina dingin hiatsak ka hizawi.

ZEKARIAH 1:9

Ziaphatchun, keima’n, “He pu, ziate hi bang a hem?” ka ti’n. Vansawlchâk ei hopa chun, “Ziate hi bang a hiu hun hil ing ka,” a ti’n.

ZEKARIAH 4:1

Vansawlchak ei hopa chu a hung kit ah, mi ipmu lai kikaitho gual in ei hung kaitho a.

ZEKARIAH 4:13

Ama chun, “Ziate hi bang ahi he nailo maw?” a hun ti’n. Ke’nle, “Ka Lalpa, ka hepuai,” ti’n ka dawnhu a.

ZEKARIAH 4:4

Vansawlchâk ei hopa kiang ah chun, “Ka Lalpa, ziate hi bang a hem?” ti’n ka dong a.

MARKA 4:13

Chun, a kiang un, “Nang unle zia tekhinthu kha hechian theilo la hiu em? Zia kha la het lo ua leh bangti’n tekhinthu dang zosia he thei ding la hiu em?