ZEKARIAH 4:2 - PATHIAN LEKHABU THIANGTHO (BSI)

² Ka kiang in, “Bang la mu em?” ei hun ti’n. Keima’n, “Sana thaumei tunna a chung ah belbuneu khat um; chuleh, a chung ah thaumei pasagi leh a phita sagi chiat kitua ka mu’n.

ZEKARIAH 4:2 ပူးပေါင်းရင်းမြစ်များ

1 KHANGTHU 28:15

sana thaumei tunna gik ding dante, sana thaumei um ding dante, a tunna ding siam ding dante, thaumei tunna pakhat leh a thaumei pakhat gik ding dante, dangka ah kisiam thaumei leh a tunnate leh a kimatna ding dan haw zosia tawh;

2 KHANGTHU 13:11

Amau haw chun jing leh nitâk si’n ah, Lalpa kiang ah kithoina, hâlmang thillat leh gimtuite chu hâl in, sana thiangtho dawkan ah chunle vaithum haw chu tiang in, nitâk si’n leh sana thaumeite chu a vak zingna dingin a chingtup zing ui; kei haw hin Lalpa ka Pathian thupiak uh chu ka vop zing un, nanghaw’n vang la nusia tau ahi kha.

2 KHANGTHU 4:7

A siam ding dan tawh kituak tak in, thaumei tunna ding sawmkhatle, sana thiang ngen in a siam ah; ziate chu tempul sung, mallam kâi ah panga leh, simlam kâi ah panga a koi hi.

THUGENTU 12:6

dangka khaidiat a kitan ah, sana bêl a kêk ah, tuikhuk ah tuibêl le a kêk gawp a;

JEREMIAH 24:3

Chun, Lalpa‘n ka kiang in, “Jeremiah, bang la mu em?” ti’n ei hun dong a. Keima’nle, “Theichang ga, pha ma ma ziang leh, theichang ga phalo ma ma ziang, nêk tâk le hilo ka mui,” ti’n ka dawnhu a.

JEREMIAH 52:19

Gâlvêngte lak ah hotu lianpen chun, belbute, vutluate, kuangdalte, bêlte, thaumei tunnate, thîk-haikhawte, tui dawp vêlna kuangte pum in, sana leh dangka thîk ah kisiam zosia chu a kipuak mang tai.

AMOS 7:8

Lalpa‘n ka kiang in, “Amos, bang la mu em?” ei hun ti’n. Keima’n, “Ettuakna,” ka ti’n. Ziaphatchun, Lalpa‘n: “Ngai in, ka mi Israelte lak in ettuakna koi ding ka hi; a chung ua gawtna tung ding chu lamang kit ta pua’ng ka tin;

ZEKARIAH 5:2

Ama chun, “Bang la mu em?” ei hun tia. Ke’nle, “Lekhabu zial lêng tawl tawl pakhat ka mu’n; a dunglam chu tong sawmni ahi’n, a vailam chu tong sawm ahi,” ti’n ka dawnhu a.

THUPUAN 1:12

Ziaphatchun, ka kiang ah thu hun genpa chu mu gua’n ka vak kihei leh, sana thaumei koina pasagi ka vak mu’n;

THUPUAN 1:20

Ka khut changlam ah aksi pasagi la mute leh, sana thaumei koina pasagi la mute umzia thugûk chu: Aksi pasagite chun kochuam pasagite vansawlchâkte chu a etsak un; chuleh, thaumei pasagite chun kochuam pasagite chu a etsak ui,” a hun ti tai.

THUPUAN 4:5

Chun, zia lalchutpha ah kipat chun, kawlphete, van-gite leh awte a gi zung zung ah; chuleh, zia lalchutpha ma-âng ah chun thaumei pasagi a kuangsa’n a um zing in; zia chu Pathian Thagau pasagite chu a hiu.