ZEKARIAH 3:4 - PATHIAN LEKHABU THIANGTHO (BSI)

⁴ Vansawlchak chun a âng ah dingte kiang in, “A kithuamna puan nîn tak chu lîpthâk piak un,” a ti’n. Chuleh, a kiang in, “Ngaitia, la mawnate ka lâk mang piak ta hen, kithuamna ding puan thak hun pia ding ka hi,” a ti tai.

ZEKARIAH 3:4 ပူးပေါင်းရင်းမြစ်များ

2 SAMUEL 12:13

David in Nathan kiang ah chun, “Lalpa chung in ka la gilo ta a hi,” a tia. Nathan chun David kiang in, “Tu’hin la gitlona chu Lalpa‘n a lamang tai; thi lo ding la hi.

1 LENGTE 22:19

Ziaphatchun, Mikaiah in, “Ziaziakchun, Lalpa thu a la ngai in: Lalpa chu a lalchutpha chung ah kichu’n ka mu’n, a kiang in van sepai zosia chu a vei leh chang in a ding un.

SAM 51:9

Ka gitlona lak ah kipat la mai sêl inla, ka khawlona zosia thaimang ta’n.

ISAI 43:25

Kei, Keima ngei hin, ka min ziakin la bawlkhialnate ka thai mang ah, la gitlonate chu hezing talo ding ka hi.

ISAI 44:22

La hi’khelnateu chu sûmpi gual in ka mût mang ta’n, la gitlona chu phâisûm gual in ka mûtthial tai; ka kiang lam ah hung kit unla, ka hun hukdok ta’ngal a.

ISAI 52:1

Aw Zion, hung tho inla, hung thodok in, la hatna chun hung kithuam in! La puan hoi takte khan hung kithuam inla, aw Jerusalem khawpi thiangtho; zektanlote leh mi buakte chu, hung lut talo ding ahi ngâl un.

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

ISAI 61:3

Zion ah lusûnte â ding ah, leivui thasâng ah pakchavui pia ding leh, lusûn ah nguina thasâng ah, kipakna sathau pia ding leh, lungthim ngaituana sawlsam thasâng a, pakchatna puan pia ding in ei sawl ka hi. Tichun, a lopina etsak ding ah dikna gangpi thing, Lalpa thingkung phute ti hung hita’n au.

JEREMIAH 52:33

Tichun, Jehoiakim chun a suangkul ngâkna puan chu theng in, a dam sung sia chu nisi’n in Lengpa dawkan ah chun a kiang in an a ne den tai.

EZEKIEL 36:25

Tui thiangtho hun the’khum ing ka tin, la buakna zosia leh milimte ziak ah la buakna zosia lak ah kipat in hun hi’thiang ta’ng ka.

EZEKIEL 42:14

Zia mun thiangtho ah nasem thiampute chu, a huang pawlam ah a pawtnop phat uh leh, a nasepnau sil leh chênte chu zia mun ah chun koitha’n tiu in, ziate chu a zek thiangtho ahi ngal ah; mipite umna lam ah a pawt daw mau in sil leh chên dang in a kithuam diu ahi,” a ti’n.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

MIKAH 7:19

Ama chun ei hun hepi kit intin; I thulim lonau zosia a keng in tawden ta’n a. Ka gitlo’nau zosia chu tuisuagiat li thûk tak ah pai lut ta’n la.

ZEKARIAH 3:1

Chuleh, thiampu lianpen Joshua, Lalpa vansawlchâk âng ah ding leh, ama dodâl ding Setan chule a changlam ah ding chu ei etsak a.

ZEKARIAH 3:7

“Sepai honte Lalpa chun zia gual hin a gen hi: Ka lampite la haw zing ah, ka thupiak dungzui ah la um zing chun, ka In sung vaihawm in pang in la ti’n, ka In huang sung ah thuneina chang inla; tichun, zia tak ah la ma-âng ah dingte lak ah hin, chiatua lumlet theina le hun pia’ng ka.

ZEKARIAH 3:9

Joshua ma-âng ah suang pakhat ka koi chun, mai sagi a nei in; zia chung ah chun lekha zik ing ka tin; tichun, zia gam pumpi khawlo’na hi ni khat sung in la mang ding ka hi’ngal a, ti’n sepai honte Lalpa chun a gen ta’ngal a.

MATTHAI 22:11

Himaleh, lengpa chu a mi chialte en ding ah a hung lut leh, mi pakhat kichenna puan sil lo a hung mu ta’n;

LUKA 1:19

Vansawlchâk chun a dawnhu ah, a kiang in, “Keima hi Pathian ma ah ding sek Gabriel chu ka hi; la kiang ah, zia chanchin kipak um tak hi hung gen ding ah sawl ka hi.

LUKA 15:22

Ahi’n, a pa chun a suakte kiang ah, kin tak in, “Puan phapen kha hun la’n silsak un; chuleh, khutsebi busak unla, kengtawdap le hun busak un.

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

ROMTE 3:22

Zia chu Pathian dikna, Jesu Khrista ginna ziak ah ama taksang tapote kiang ah suklat ah um chu ahi; kuama khenchuamna a um pawngal a;

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

1 KORINTH 6:11

Nanghaw lak ah khenkhat zia gual mi chu la hisek un. Himaleh, Lalpa Jesu Khrista min leh, I Pathian Thagau ah chun silthian la hitau ah, hi’thiantho leh thiam chang la hitau hi.

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

KOLOSSA 3:10

Mihing thak ah chun la kivan tau ah, zia mihing thak chu het bukimna nei dingin, a siampa tawh kipua ah siamthak ahi.

HEBRAITE 8:12

A diklonau chung in jangai ing ka tin, a gitlonau leh bawsiatnau chu hezing ta pua’ng ka,’ a tia”.

THUPUAN 5:11

Chun, ka et leh, lalchutpha leh thilhingte leh upate kîmvêl ah chun, vansawlchâk tamtakte aw ka he; a tam dan uh chu a sîng ah sîng mun sâng tam tak leh, a sâng a sâng mun sâng tam tak a hiu a.

THUPUAN 7:14

Kei chun, “He pu, nang bep inla hia’i,” ka tia. Ama’n ka kiang in, “Ziate hi gimna huaisia tak thuak zo ah hung pawt ah, a puanteu Belamno thisan ah sawp vâmte kha a hiu.