ZEKARIAH 3:2 - PATHIAN LEKHABU THIANGTHO (BSI)

² Lalpa chun Setan kiang in, “Aw Setan, Lalpa chun nangma a hun vau hi! Jerusalem têlchuam ta Lalpa chun nangma a hun vau hi! Zia mi hi thukkhûk ah thingkhua kiladok gual chu hilo a hem?” a hun ti’n.

ZEKARIAH 3:2 ပူးပေါင်းရင်းမြစ်များ

2 KHANGTHU 6:5

‘Aigupta gam ah kipat ka mipi ka puidaw ni’ kipat in, Israel phung tin lak ah khoima tak hile ka min umna ding ah In sakna dingin ka la têl ngai pua’n; ka mi Israelte chung ah hotu dingle kuama ka la têl ngai diak puai;

2 KHANGTHU 6:6

ahi’n, ka min umna dingin Jerusalem khua hi ka la têl ta hen, ka mi Israelte chung ah vaihawm dinginle David hi ka la têl ta ahi,’ ti ah a la genpa, ama khut ma ma ah hun guitunsakpa min hi pâk in um ta hen.

SAM 109:31

Tasamte panpi vak ding leh a thi’na ding ua, thiamlo chansakte khut ah kipat a hukdaw ziakin.

ISAI 7:4

a kiang in, Chingthei tak in um inla, thip hiat hiat in; zia meisel de liak liak gual bep, Rezin leh Suria tawh Remaliah chapa lungnatna huaisia takte ziak ah hi’n lau kin la, la lung thuaisak him him kin.

DANIAL 12:1

Ziaphat chuleh, Mikael, lal thupi tak leh, la mite hukdokpa chu hung kipan ta’n a. Khawvel ah mihing a um lim ah kipat tung kha nailo, buaina hung tung in a. Himaleh, lekhabu ah min kizik a mu taphot uh, la mite zosia chu hukdaw in um ta’n au.

AMOS 4:11

Pathian in Sodom leh Gomorrah khuate a la suksiat gual khan, nang uh khenkhat ka hun susia ta’n; mei ah kipat kikaidok tawh bang la hitau in; Chutisapi’nle ka kiang in la hung kile’kit puau hi, Lalpa‘n a tii.

ZEKARIAH 1:17

Zia thu hile genjak un: Sepai honte Lalpa chun, “Ka khawpite chu hausakna’n luanglet kit intin; Lalpa‘n Zion chu thamuan kit ta’n tin, Jerusalem le têlchuam kit ta’n ah, ti’n,” ei hun tia.

ZEKARIAH 2:12

Lalpa chun gam thiangtho ah chun, Judah chu a gochan dingin lua ta’n tin, chuleh, Jerusalem chu têlchuam kit ta’n a.

MARKA 1:25

Jesu’n ama chu a hun vau a, “A la thip inla, zia pa sung ah kipat khan hung pawtdok in,” a tia.

MARKA 9:25

Jesu’n mipi hung taikhawmte chu a mu phât in, thitha buak chu a vau a, “Zia naupang hi bengngong leh pautheilo ah koipa, thu ka hun pia ahi: A sung ah kipat hin hung pawtdok inla, chuleh lut kit ta kin,” a tia.

LUKA 22:32

himaleh, la ginna a basap lona dingin ka hun pauchap piak hi; la hung kihei kit tak leh la suapite la hun suk-hat ding ahi,” a tia.

LUKA 4:35

Himaleh, Jesu’n a vau ah, “Thip inla, a sung ah kipat in hung pawt in,” a tia. Tichun, thitha chun a ma-âng un a sep pai ah, suliam lo in a sung ah kipat in a hung pawt tai.

LUKA 9:42

A hung lai un thitha buak chun, khawhelo khop in nasa tak in a hun soisa tai. Jesu’n thitha buak chu a hun vau ah, naupang chu a hi’dam ah, a pa kiang in a chiasak kit tai.

JOHAN 13:18

La leng ua thu ka gen ei puai, ka têlte chu ka hia’i; ahiziak in, ‘Ka vaithum nepa’n ka chung ah a keng khawtal a lâm tai,’ ti Pathian Lekha thu’n a gen kha a guitun theina ding ahi.

ROMTE 16:20

Tichun, chamna Pathian chun Setan chu la kengpêk nuai un chuan jawt vak ta’n a. Lalpa Khrista lungsiatna chu la kiang un um ta hen.

ROMTE 8:33

Pathian mitêlte chu kua’n hêk thei ding a hem? Thiam chansakpa chu Pathian ahi ngal a.

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.

JUDA 1:23

khenkhat chu meikuang ah kipat ladok in hukdok un; khenkhat a taksa buakkainau sil leh chênteu chu ki’dak leh lau kawm in, a chung un jangai un.

JUDA 1:9

Himaleh, vansawlchâk chungnung pen Mikael in bawn, diabol tawh Mosi luang a kichu lai ua khan, a chung thu gen piak in ama chu a gensia ngam pua’n, “Lalpa‘n hun vau ta hen!” a ti zaw tai.

THUPUAN 17:14

Amau chun Belamno chu do intiu in; himaleh, Belamno chun amau chu zo in a; lalte Lal leh hotute Hotu ahi ngal a; tichun, a ko te leh a têl te leh ginumte chu a kiang ah chun um ta’n au, a tia.