ZEKARIAH 3:1 - PATHIAN LEKHABU THIANGTHO (BSI)

¹ Chuleh, thiampu lianpen Joshua, Lalpa vansawlchâk âng ah ding leh, ama dodâl ding Setan chule a changlam ah ding chu ei etsak a.

ZEKARIAH 3:1 ပူးပေါင်းရင်းမြစ်များ

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

THILSIAM THU 48:16

siat theina zosia lak ah ei humbitpa vansawlchâk chun, naupangte hi maljawl ta hen; keima min tawh, ei suante Abraham tawh, Isak min chu amau ah kipat in het zing in um ta hen; lei chung ah hin nasa tak ah hung khang in, hung pung tau hen,” a tia.

1 KHANGTHU 21:1

Israelte kilanpi dingin Setan a hung kipan ah, Israel mipi bulu dingin David a hun chokphûl ta’n.

2 KHANGTHU 29:11

Ka chate haw, tu’hin thil mawk ngaidau mai mai ziang kiu in, Lalpa‘n a ma-âng ah ding ah, nasem leh a kiang ah thillat lân dingin a hun têldaw la hi’ngal un,” ti in.

EZRA 10:18

Thiampute lak ah le nam dang numeite a la kichenpi mudaw in a um un, ziate chu: Jozadak leh a unaute chapate suan leh pâk lakah mite chu: Maaseiah, Eliezer, Jarib leh Gedaliah.

EZRA 2:2

Amau chu Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum, Baanah tawh hung kitondok a hiu a. Israel mipite tam dan chu:

EZRA 5:2

Tichun, Shealteal chapa Zerubbabel tawh Jozadok chapa Jeshua in Jerusalem khua Pathian In a hun sa pan kit tau ah; amau chu Pathian mite chun hung umpi in a panpiu a.

SAM 106:23

A mi têlchuam Mosi, a thasâng un a la ding lo vang leh, a lungnat ziakin a leng un, a la hi’mangthai mai dingin, a la gen a.

SAM 109:6

“Amau kãl dingin migilo guat inla, a changlam in hêktu dinsak zing in.

JEREMIAH 15:19

Ziaziakchun, Lalpa‘n zia gual hin a gen hi: La hung kit leh hun la kit ing ka tin, ka âng ah ding di la hi. La kam ah thu manthei lo gen lo ah, thugun tak tak la gendaw chun, ka sik ah thugen in pang inla. Amau chun la kiang hun zuan intiu in, nang in vang amau kiang zuan pua’n la.

EZEKIEL 44:11

Amau chun ka mun thiangtho ah ka nasêm intiu in, Tempul lûtna kotkhak enkol in, Tempul sung ah nasêm in au; mipite hâlmang thillat leh kithoina ganchate chu that in, a sep piak diu ahi.

EZEKIEL 44:15

Himaleh, Levi dan ah thiampu, Zadok chate chu Israel mipite’n ei jamsan lai ua le, ka mun thiangtho enkol in a la pang tau ah; amau chun ka nasêm dingin ei hun nai diu ahi; sathau leh thisan ei pia ding in a pan diu ahi, Lalpa Pathian in a ti ahi;

HAGGAI 1:1

Lengpa Darius a lal kum ni’na, tha gukna, ni masa pen ah chun; jawlnei Haggai mang in Shealtiel chapa, Judai gam awppa Zerubbabel leh Jehozadak chapa Joshua thiampu lianpen kiang in, Lalpa‘n thu a hun gen a:

HAGGAI 1:12

Ziaphatchun, Shealtiel chapa Zerubbabel, Jehozadak chapa thiampu lianpen Joshua tawh nutsia ah um sunte chu tawh, a Pathian awu leh Lalpa a Pathian un a sawl gual in, jawlnei Haggai thu chu a zawm tau a; tichun, mipite chun Lalpa chu a lau tau hi.

HAGGAI 2:4

Himaleh, aw Zerubbabel, kisuhangsan in, Lalpa‘n a tii; aw Jehozadak chapa thiampu lianpen Joshua, lungthuai him him kin; gam sung ah mipi zosiate haw, lungthuai kiu in, Lalpa‘n a tii. Sêm jel un, ka umpi zing ngal ah, sepai honte Lalpa‘n a tii.

ZEKARIAH 1:13

Lalpa vansawlchâk ei kihopi’pa chu, aw nem tak leh thamuan um tak in a hun dawnhu ta’n.

ZEKARIAH 1:19

Vansawlchak ei kihopi kiang ah chun, “Ziate hi bang a hem?” ti’n ka dong a. Ama chun, “Ziate hi Judah, Israel leh Jerusalem thejaktu kîte kha a hiu,” ti’n ei dawnhu a.

ZEKARIAH 1:9

Ziaphatchun, keima’n, “He pu, ziate hi bang a hem?” ka ti’n. Vansawlchâk ei hopa chun, “Ziate hi bang a hiu hun hil ing ka,” a ti’n.

ZEKARIAH 2:3

Chuleh, vansawlchâk ei hopi chun ei hun zuan ah, ama kituakpi dingin vansawlchâk dang khat inle a hun zuan a;

ZEKARIAH 3:8

Tu’hin, thiampu lianpen Joshua tawh la kithuapi la âng ah chu zingte chun, pha tak in ngai tau in! Amau chu thil hung tung ziang dingte hetlawkna ahi ngal a. Ka suak a Bâk chu hun puidawk ngal ding ka hi tai.

ZEKARIAH 4:14

Ziaphatchun, ama’n, “Zia te ni hi khawvel pumpi Lalpa ma-âng ah tawi leh chan ding ah sathaunu’ ah umte chu a hiu,” ti’n ei hun dawnhu tai.

ZEKARIAH 6:11

Sana leh dangka la lak khawmte chun lallukhuk khat siam inla, Jehozadak chapa thiampu lianpen Joshua chu khuksak inla,

MALAKI 3:1

Ngai un, ka thangko hun sawl ing ka tin, ka hungna ding lampi guanggal in a; tichun, la hawl uh Lalpa chu a tempul ah hung tung phut in a. Thuthung sawlchâk la kipakna ma mau chu a hung hi, sepai honte Lalpa chun a ti ahi.

LUKA 21:36

Kiging zing unla, zia haw zosia chu la pumpel ua, Mihing Chapa âng ah la din theina ding un pauchap zing un, a tia.

LUKA 22:31

Lalpa chun, “Simon, Simon, ngaitia, Setan in bungel ah a hun ngel theina ding a hawl hi,

DAN LEKHABU 10:8

Zia hun lai ah kipat tuchan in, Lalpa thuthung thingkuang jawn ah, Lalpa ma-âng ah ding ah, a nasêm ding leh a min ah maljawlna gen dingin Levi phungte chu a guat chuam tai.

DAN LEKHABU 18:15

Lalpa la Pathian un la lak ua kipat in keima gual jawlnei khat hun tungdok ding ahi; zia gual ah jawlnei chu a thu la mat ding uh ahi.

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

1 SAMUEL 6:20

Ziaphatchun, Beth-shemesh khua mite chun, “Zia Pathian thiangtho, Lalpa âng ah hin kua a hem ding thei ding? ei nutsia theina dingin kua kiang ah sawlmang ta ding I hiu em?” a tiu a.