ZEKARIAH 2:9 - PATHIAN LEKHABU THIANGTHO (BSI)

⁹ Tu’hin en in, amau kãl in ka khut lâm ding ka hi, amau suakte ma ma simmaw in um in au; ziaphat chuleh, sepai honte Lalpa chun ei sawl ka hi ti hechian ta’n lau.

ZEKARIAH 2:9 ပူးပေါင်းရင်းမြစ်များ

ISAI 10:32

Tu’ni hin ama chu Nob khua’n a nichuang in, Zion chanu mual Jerusalem umna tâng ah chun, a khuttum a lûmzial hi.

ISAI 11:15

Aiguptate tuisuagiat likawi chu, Lalpa‘n susia dim dem intin; thil kânggawp thei khop ah huilum chun, Luilian chu a kât gawpsak theina dingin, a khut hun lâm ta’n a; tichun, luicha sagi ah khenjak in, keng ah pal kâi thei hun sua ta’n a.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 13:2

Tângsâng tak chung ah diallap tâkdok unla, ngai tak in uau un; miliante kotpi a bulu theina ding un la khut un jap un.

ISAI 14:2

Chuleh, namtin a mun un hun pui khawm kit intiu in; tichun, Israel Inkuante chun Lalpa gam ah chun, namtin ah mite chu suak numei leh suak pawsal in nei ta’n au; amau sal ah a la mante kha sal in man zaw ta’n tin uh, amau a la tawdente kha hun tawden ta’n au.

ISAI 19:16

Zia ni phat chuleh, Aigupta chu numei tawhbang bep hita’n tin, amau gawt ding ah sepai honte Lalpa‘n a khut a hun lap phat leh, lau in kithingse ta’n au.

ISAI 26:1

Zia ni phat chuleh, Judah gam ah zia La hi sak hunghita’n a: Khawpi det tak I nei ui; gual zaw’na chu kulbâng leh khawpi ûmna gual in a siam hi.

ISAI 33:1

Nangma’n siatna tuak lo ah, midangte susepa leh kuama’n lepchia tak ah a bawl lo uh, nang in lepchia tak ah la bawl ziakin, la chung a gik hi! Nang in midangte hisiat la haisan phat leh, nangma chu hisiat ah um ding la hi; midangte lepchia tak ah la bawl lo phat leh, nangma chu lepchia tak in hun bawl in au.

ISAI 33:21

Ziaziakchun, lopi tak ah um Lalpa chu, mêlmate pum jap thaw leh, long thupi takte’n a haw khak lo, ei uh â ding ah luipi leh, lui lian tak umna gam lian tak hung hita’n a.

ISAI 33:23

La long puanlap hênna khauhualte a kikol zo ta’n; puanlap chu a um ding gual tak in, a kaichak zo ta puai. Ziaphat chuleh, sal ah mat leh, gal lâk thilte tam tak tak in kihawm intin uh; kengbai nasan gâl lâk thil chomkhawm in pang in a.

ISAI 4:5

zia hun chuleh, Lalpa‘n Zion tâng umna mun zosia leh mipite kikhopna mun taphot chu, sûn ah sûmpi leh jan ah meikuang vâk hun siam piak in a. Lopina zosia bân ah chun vênbitna um ta’n a.

ISAI 48:16

Ei hun nai unla, zia hi he tau in! A tîl ah kipat khan a gûk in ka gen pua’n, a hung um ah kipat in ka la um tai. Chuleh, tu’hin Lalpa Pathian in, a thagau ei pia’n, ei sawl tai.

ISAI 60:18

La gam sung un thagum sua’na hetphâk hita pua’n tin, kisuksiatna leh siat kibawlna him him, la gamgi sung un hetphâk hita pua’n a; la kulbâng uh chu Hukdamna, la kul kotkhakteu chu Pakchatna hun ti ta’n lau.

ISAI 60:19

Sûn ah la meivak ding chu, nisa hita pua’n tin, jan ah a hun salvâk dingle, thapi hi diak ta pua’n a; maleh, Lalpa chu la kumtuang meivak ding hita’n tin; chuleh, la Pathian chu, la lopina ding uh hung hita’n a.

JEREMIAH 27:7

Ama lenggam a pûk hun a tun masang sia, nam zosia’n ama leh a chapa leh a tupa na sep piak in au; ziazaw chuleh vang, nam tam tak leh leng lopi takte chun suak in mang ta’n au.

JEREMIAH 28:9

Himaleh, muanna thu gen jawlneite thu gen chu a hung guitun chun, ziaphat chuleh, zia jawlnei chu Lalpa hun sawl ahi ti kihechian ta’n a,” a la ti tai.

JEREMIAH 8:19

Gam tin kiltin ah kipat ka mipi, gentheite kâ thawm chu ngai un: “Zion ah Lalpa um talo maw? A lengpa a sung ah um talo maw? Bang ding ah ei sulungna ding ah milimte kisiam ah, gam dang pathiante bia a hiu em?

EZEKIEL 39:10

tichun, gamlak ah thing a puak uh ngai ta pua’n tin, gammâng thing a phûk uh le ngai diak pua’n a; gâlvante chu thing ah tik ta ding a hiziak un; amau sim ah hungte chu amau in sim zaw ta’n tiu in; chuleh, amau suam ah hung kuante chu amau in a la suam zaw ta’n au, Lalpa Pathian in a tii.

JOEL 2:27

Keima chu Israelte lak in, ka um ngei nai ti leh, keima, Lalpa la Pathian uh ka hi’n, kei tawhbang kuama dang umlo ahi ti hun he ta’n lau. Chun, ka mite chu sukmualpho kit hita pua’n au.

HABAKKUK 2:17

Lebanon ah thagum sua’na chun, nangma hun chup khum intin; lei chung leh a sung ah chêng zosiate thisan sua’na leh, thagum sua’na ziakin, gamsate sukchimitna’n nangma hun hi’thidup ding ahi.

HABAKKUK 2:8

Nam tam tak la suam gam tâk ziakin, nam dang a la um nalaite chun, hun suam thuk ding a hiu; mite thisan leh gam chung ah te, khawpi leh a sung ah chêngte, la pawngbawlna ziak ah khan.

ZEPHANIAH 2:9

Ziaziakchun, Israelte Pathian, sepai honte Lalpa chun: Moab chu Sodom gual in, Ammon chu Gomorrah gual in bawl ing ka tin, ham lingnei ke’na leh chi khûk, kumtuang ah mat tâk lo gam suak ta’n a. Ka mipite lak ah a umsun te’n suam intiu in, ka mi a um nalaite chun lua ta’n au.

ZEPHANIAH 3:15

Lalpa‘n la chung ah demna zosia a lamang ta’n, la mêlmate a del mang zo tai. Israelte lal, Lalpa chu la lak un a um hi; thil phalo hung tung ding lau nei ta pua’n la.

ZEKARIAH 2:11

Zia ni chuleh, nam tam tak in Lalpa zawm ta’n tiu in, ka mite hita’n au; chun, la lak un chêng ta’ng ka. Chuleh, sepai honte Lalpa chun ei sawl ka hi ti hun he ta’n lau.

ZEKARIAH 2:8

(A lopina’n ei sawldaw zaw phatin,) Nangma hun suamte chung châng, sepai honte Lalpa chun zia gual hin a gen ta’ngal a: Nangma hun khawi kha taphot chun, ka mit naucha ei khawi piak a hiu.

ZEKARIAH 4:9

Zerubbabel khut in zia In suangphûm hi a la lem ta’n; ama khut ma ma chun hun sa zo ding ahi. Ziaphat chuleh, sepai honte Lalpa‘n ei sawl ka hi ti hechian ta’n lau.

ZEKARIAH 6:15

Gamla tak ah umte chu Lalpa tempul sakpi dingin hung in au; zia phat chuleh, sepai honte Lalpa chun la kiang un ei sawl ahi ti hechian ta’n lau. Lalpa la Pathian uh aw pha tak ah la ngaithâk uh chun, zia gual ah chun hung guitung ngei ngei ding ahi, a tii, ti’n gen in, a ti tai.

ZEKARIAH 9:15

Sepai honte Lalpa chun, amau humbit ta’n tin, amau in vaisuangse septe chu, tawden in val zo ngâl ding a hiu; a thisan uh belbu ah dim zu gual ah dawn in, mâichâm bul ah kileibua gual chu hi’n a.

JOHAN 13:19

Tu’hin, a hun tun ma ka hil la hiu, zia chu a hung tun tak leh keima ka hi, ti hun hechian ta’n lau.

JOHAN 16:4

Himaleh, zia thute hi ka gen masak la hiu, a hun a hung tun tak leh ka thugente hi la hun hetdaw theina ding un. A lim lai khan la kiang ua ka um zing ziakin, zia thute hi a ka hun hil lo ahi.