ZEKARIAH 13:9 - PATHIAN LEKHABU THIANGTHO (BSI)

⁹ Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

ZEKARIAH 13:9 ပူးပေါင်းရင်းမြစ်များ

2 SAMUEL 7:24

Chun, la mipi Israelte hi kumtuang ah nang â a hi’theina ding un nang in la sudet ta’n; tichun, aw Lalpa, nangma chu a Pathian uh la hung hi tai.

JOB LEKHABU 23:10

Himaleh, ama’n ka lampi zui chu a henai; ei patep zaw phat leh sana gual in, hung pawtdok kit ding ka hi.

JOB LEKHABU 28:1

Dangka chawdawna khûk a um ngei ah, sana hâlthianna mun le a um hi.

SAM 144:15

Zia gual vangphatna dong namte chu mi nuamsa a hiu; Lalpa, Pathian ah nei mite chu mi nuamsa a hiu.

SAM 43:4

Tichun, Pathian mâichâm ah chia ing ka tin, ka limna pen Pathian kiang ah chun. Aw Pathian, ka Pathian, tingtang in hun chawihoi ing ka.

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

SAM 91:15

Ei hun ko phat uh leh dawnhu ing ka; a lungjin lai un umpi ing ka tin, hukdok in chawisâng ding ka hi.

THUPILTE 17:3

Dangka thik chu bêl ah awmtui ah sukthian ahi’n, sana chu meipi ah hâl thiantho a hisek in; lungthim ngaituana chu vang Lalpa‘n a patep sek hi.

SOLOMON LÂ 2:16

Ka hepi chu kei â ahi’n, keile ama â ka hi; lili lak in a gan honte a tatsak hi.

ISAI 43:2

Tuili thûk la hawthen tak leh le, hun umpi ing ka tin; luiliante hawtheng lechinle, hun chup pua’n tin; meikuang paltheng ma lechinle, hun kâng diak pua’n tin; meikuang in hun kângtum lo ding ahi.

ISAI 48:10

En in, ka hun hâl thian la hi tai, dangka thîk hâl thian gual chu hilo in; sukgentheina meikuang lak in ka hun patep la hi tai.

ISAI 58:9

Ziaphat chuleh, hun ko in la tin, tichun, Lalpa‘n hun dawnhu ta’n a. Panpi’na don in kiko in la tin, ziaphat chuleh, ama’n, “Zia hin ka um hi,” hun ti’n a. La lak ua kipat ngawngkol lâkmang ahi’phat leh, khutzung ah kikawktuana tawh, thu phalo genna le la lâkman ua,

JEREMIAH 24:5

Lalpa, Israelte Pathian in zia gual hin a gen hi: Zia theichang ga pha takte gual hin, Judai gam ah kipat Kaldaite gam ah saltâng ding ah ka sawlmangte chu pha tak in ngaitua ding ka hi.

JEREMIAH 30:22

Tichun, ka mite hita’n la tiu in, keile la Pathian uh hita’ng ka.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

JEREMIAH 32:38

Amau chu ka mite hung hi’n, keile a Pathian uh hung hita’ng ka.

JEREMIAH 9:6

Kinuaisiana’n chintawk a nei pua’n, kithepna’nle chintawk a nei puai! Keima ei het ding uh le a nuam puau hi, Lalpa‘n a tii.

EZEKIEL 11:20

tichun, ka dan thuguatte leh ka thuthungte chu zui in mang ta’n au. Ziaphat chuleh, ka mite hita’n tiu in, keile a Pathian uh hita’ng ka.

EZEKIEL 14:11

tichun, Israel Inkuante’n ei jamsan lo ah, a thil bawlkhialnau lampi zui ah a kisubuak kit tâklo’na ding un. Ziaphat chuleh, ka mite hita’n tiu in, keile amau Pathian hita’ng ka, Lalpa Pathian in a ti ahi.

EZEKIEL 20:38

La lak ua kipat mi thukhelte leh ka chung ah thil bawlkhialte chu zendok ing ka tin; malzin gual in a chênnau gam ah kipat puidok ing ka tin, Israelte gam in vang lut pua’n au. Ziaphat chuleh, Lalpa ka hi’dan hun he ta’n lau.

EZEKIEL 36:28

Ziaphat chuleh, la pu leh pateu kiang ah ka la piakna gam ah hin chêngden ta’n lau; tichun, ka mite hi’n la tiu in, keile la Pathian uh hita’ng ka.

EZEKIEL 37:27

A lak un chêngden ing ka tin; chuleh, a Pathian uh hita’ng ka tin, amau chu ka mite hita’n au.

DANIAL 11:35

A lak ua mipil khenkhatte chu hi’thiantho a hiu ah, thiangtho ah, buak kâi lo ah a umtheina ding un, hun tawpni a tun masang sia’n pûk ta’n au; a hunbî guat ah umsa a tun ma’n zalenna um ding ahi ngal a.

DANIAL 12:10

Mi tam tak chu hi’thian ah um in thiangtho in, buak kâi lo in um in au; himaleh, migilo chu gilo tak in umden mai tau hen. Migilote lakah khat cha’nle he’thiam pua’n tiu in, mipilte’n vang he’thiam na’n au.

JOEL 2:32

Tichun, Lalpa min lam taphot chu hukhin in um in au; Lalpa‘n a gen gual khan, Zion tâng leh Jerusalem ah chun a suakcha sunte um intiu in; zia a suakchate lakah chun Lalpa‘n a kote chu um in au.

THIAMPUTE LEKHABU 26:12

La lak un chêng ing ka tin, la Pathian uh hita’ng ka ti’n, nang uh le ka mite hita’n lau.

ZEKARIAH 10:6

Judah Inkuan mite suhat ing ka tin, Joseph Inkuan ah mite chu hukdok ing ka. Amau chu ka lainat ma ma ziakin, ka paithâk khâk ngai lo gual in puidok kit ing ka; kei Lalpa a Pathian uh ka hia, amau dawnhu ta ding ka hi’ngâl a.

ZEKARIAH 12:10

Chun, David Inkuan ah mite leh Jerusalem ah chêngte chung in, lainatna leh thûm piakna thagau buntha’ng ka tin; tichun, a la sut uh a mu phât ua leh, min a chapa neisun a sûn gual leh, a chatil a kâ khum gual un sûn ta’n au.

ZEKARIAH 8:8

Jerusalem ah chêng dingin hun pui khawm ing ka. Ginumna leh dikna ziakin amau chu ka mite hita’n tin uh, keima le a Pathian uh hi ta’ng ka.

NASEPTE 2:21

Ziaphat chuleh, kuale Lalpa min lam tapo chu, hukdam in um in au, ti kha.

HEBRAITE 8:10

‘Zia nite zaw chuleh, Israel Insung mite tawh kikâl ah ka thuthun ding chu, zia hi hi’n a,’ Lalpa‘n a ti’n: ‘A lungthim un ka dan chu koi ing ka tin, a lung sung un zik ing ka; chuleh, a Pathian uh hi’ng ka tin, amau chu ka mite hita’n au.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

1 PETER 4:12

Doitakte haw, la lak ua patepna nasa tak, nangmau patepna ding ah hung tung chu, thil lamdang la chung ua tung gual in maksa kiu in.

THUPUAN 21:7

A zo te chun zia zosia chu lua intiu in, kei a Pathian uh hi’ng ting, amau chu ka cha hi’n au.

THUPUAN 8:10

Chun, vansawlchâk pathumna chun a pengkul a hun mût leh, van ah kipat aksi lian tak, meisel gual ah kuang chu lei lam in a hung ketha’n; zia chun tuinâkte leh luite mun thum ah khen ah mun khat a delkhum tai.

THUPUAN 8:11

Zia aksi min chu Gamsai a kitii. Tichun, tui chu mun thum ah khen mun khat chu Gamsai suak in a hung khât tâk ziakin, mi tam tak a thi tau a.

THUPUAN 8:12

Chun, vansawlchâk palina chun a pengkul chu a mût leh, nisa mun thum ah khen mun khat leh, thapi mun thum ah khen mun khat leh, aksite mun thum ah khen mun khat chu suksiat in a um tau ah; ziate chu mun thum ah khen mun khat a hung thim tâk ziakin, sûn le mun thum ah khen mun khat a thim ta’n, jan le zia gual ma chun a hung um tai.

THUPUAN 8:7

Vansawlchâk pakhatna chun a hun mût leh, gial leh mei thisan tawh kihel a hung pawtdok a; ziate chu lei ah a hun paitha tau a. Lei chung mun thum ah khen mun khat, thing mun thum ah khen mun khat, chuleh, hampa hing zosia chule a kâng tum tai.

THUPUAN 8:8

Chun, vansawlchâk panina chun pengkul chu a hun mût leh, tâng lianpi tawhbang pakhat mei ah kâng lut lut chu tuisuagiat sung in a hung kiseptha ta’n; ziaphatchun, tuisuagiat mun thum ah khen mun khat chu thisan a suak tai.

THUPUAN 8:9

Tichun, tuisuagiat ah hinna nei zosia mun thum ah khen mun khat chu a thi tau ah; Longte mun thum ah khen mun khat chule suksiat in a um tau hi.