ZEKARIAH 13:4 - PATHIAN LEKHABU THIANGTHO (BSI)

⁴ Zia ni chun, jawlnei zosia’n a thil muteu a gen daw lai un, kisathei tak in um pua’n tiu in, mithepna dingin a jawlnei puan chualteu chule âk diak ta pua’n au;

ZEKARIAH 13:4 ပူးပေါင်းရင်းမြစ်များ

2 LENGTE 1:8

Amau chun a dawnhuu a, “Mi mul hau tak, a kawng ah savun kawnggâk kigâk ahi,” a tiu a. Ama chun, “Tishbi mi Elijah ahi chu,” a tia.

ISAI 20:2

Amoz chapa Isai kiang in Lalpa‘n zia gual hin a hun gen a: “Chia in la, la kawng ah saidip puan chu liptha’n la, la kengtawdap khale sût in,” a hun ti’n. Tichun, a ti gual ah chun ama’nle a bawl ah, ngawnchang leh kengtawdap bei in a chia a.

JEREMIAH 2:26

Gucha matdaw ahi’phat leh, a jachâk gual in, zia gual chun Israel Inkuante chule zakcha’n au. A mipiteu, a leng leh lalteu, a thiamputeu, a jawlneiteu leh,

JEREMIAH 6:15

Zachat um tak in a um un, thil ki’dak um tak tak a bawl ui; maleh, zachatna’n a ngai puau a, zachat danle a hepuau hi. Ziaziakchun, thâlup ah umte lak in pang in au; amau ka gawt phat leh, paithâk hita’n au, Lalpa‘n a tii.

JEREMIAH 8:9

Lalpa thu gen a pom lo ziak un, mipil chu mualpho intin, buaisia’n, puimang in um ta’n au; amau ah bang pilna um ahi tam?

MATTHAI 3:4

Zia Johan chun sangawngsau mul puan a sil ah, a kawng chu savun kawnggâk in a gâk ah; a an chu gam bepi leh gam khuaizu ahi.

MARKA 1:6

Johan kivanna chu sangawngsau mul leh savun kawnggâk ah kigâk in, gam bepi leh gam khuaizu a an ahi.

HEBRAITE 11:37

Suang ah se’ in a um un, thing-ât ah âttan in a um un, chemjam ah satlup in a um un, belam vun leh kêl vunte silsak in a um un; chaga leh gimthuak leh genthei tak in a um ui;

THUPUAN 11:3

Ka thu ei hetpi panite kiang in thu pia’ng ka tin, amau chun saidippuan sil in ni sang khat za ni leh sawmguk sung thu gen in au,” a tia.