ZEKARIAH 12:3 - PATHIAN LEKHABU THIANGTHO (BSI)

³ Ziaphat chuleh, Jerusalem chu mizosia â dingin suangtum puakgik in siam ing ka tin; zia suang dom kâng taphot chu huaisia tak in kisuliam in au. Khawvel ah nam zosia a do dingin hung khawm ta’n au.

ZEKARIAH 12:3 ပူးပေါင်းရင်းမြစ်များ

ISAI 60:12

Kua’ nam leh lenggamle nangma nasem nuam lo taphot chu, zâhuai tak ah sukmanthai in hung um in au.

OBADIAH 1:18

Jakob Inkuan chu mei hi’n tin, Joseph Inkuan chu meikuang hi’n tin, Esau Inkuan chu pawl tawhbang hi’n a; ama chu kâng intin, kâng tum intin, Esau Inkuan ah a suakcha um pua’n a; Lalpa’n a ti’ngal a.

MIKAH 5:15

Chuleh, ka thu mang lo namte chung ah lungnatna leh, thangtawmna phuba lâkna supiting tâng ka, a ti’n.

MIKAH 5:8

Chuleh, Jakob mi um nalai sunte chu, nam tam tak in hualvêl ziang maleu, gammâng ah gamsate lak ah sakeibaknei gual leh, belam hon lak ah sakeibaknei vanglai gual in um in au; a pawt daw phat leh chuanchil pek in, bottel malam pek intin, ama ah kipat hukdok ding kuama a um puai.

HABAKKUK 2:17

Lebanon ah thagum sua’na chun, nangma hun chup khum intin; lei chung leh a sung ah chêng zosiate thisan sua’na leh, thagum sua’na ziakin, gamsate sukchimitna’n nangma hun hi’thidup ding ahi.

ZEPHANIAH 3:19

Ziaphat chuleh, nangma hun tawdente zosia chu sawisa’ng ka. Kengbai chu hukdok ing ka tin, pâmpai ah umte chu pui khawm ing ka tin, a jachâknau chu pakchatna’n then piak ing ka tin; chuleh, lei chung zosia ah minthanna pia’ng ka.

HAGGAI 2:22

lenggamte lalchutpha paitha’ng ka; namte lenggam hatna susia’ng ka tin, sakol kângtalai leh a chung ah chuangte le paitha’ng ka; sakolte leh a chung ah chuangte chu kipûk in, mi tin chu a lawipa chemjam ah chun kipûk in au.

ZEKARIAH 12:11

Ziaphat chuleh, Jerusalem ah sûnna chu Megiddo phâizawl ah Hadad-rimmon mun ah lusûnna huaisia gual chu hita’n a.

ZEKARIAH 12:4

Ziaphat chuleh, sakol zosia chu lauthawnsak ing ka tin; chuleh, a chung ah chuang mite chule hi’ngol ing ka, Lalpa‘n a tii. Chuleh, nam tinte sakol mitthûmna ka hun gawt phat leh, Judah Inkuante chu vang vêng bit zing ding ka hi.

ZEKARIAH 12:6

Ziaphat chuleh, Judah Inkuante chu thing siakhawm lak ah beltaw’ meikuang gual in siam ing ka tin; buvui lak ah meisel gual hi’n au; tichun, a kîmvêl ua, a vei leh chang ua um namtinte chu kâng tum ta’n tin, Jerusalem chun ama mun, Jerusalem khawmun chu lua kit ta’n a.

ZEKARIAH 13:1

Ziaphat chuleh, David Inkuante leh Jerusalem ah chêngte zosia sualna leh, buakkaina zosia sil thiang dingin tuinâk hung pawt ta’n a.

ZEKARIAH 14:13

Ziaphat chuleh, Lalpa kiang ah kipat in buaina huaisia tak a lak un hung um intin, mitin in ama nai pen pen chu man intin, kimuda tua chiat intiu in,

ZEKARIAH 14:6

Zia ni chu a hung tun phat leh, votna ahiloleh vûk ah khalna him him um ta pua’n a.

MATTHAI 21:44

Kuale zia suang chung ah kipûk chu kitat jak ding ahi; a del den khâkte vâng vâng chu del pen mai ding ahi, a tia.

LUKA 20:18

“Kuale, zia suang chung ah kipûk chu kitat liam in tin; a del den khâkte vâng vâng chu gawtpen ding ahi,” a tia.

THUPUAN 16:14

Ziate chu thithate thagau thilmak hi’sekte kha a hiu a; amau chu Bangkim Hi’thei Pathian tawh a kidopinau ni ah gâldo ding ah lei ah lalte leh, khawvel pumpi mite kaikhawm ding ah hung kuandok a hiu hi.