ZEKARIAH 11:9 - PATHIAN LEKHABU THIANGTHO (BSI)

⁹ Ziaphatchun, “Nanghaw ching in pang ta pua’ng ka, a thi thi chu thi hen la, a man leh le a man himai hen la, a hing nalai umsun te chule kinetua mai uh hen,” ka ti ta’n.

ZEKARIAH 11:9 ပူးပေါင်းရင်းမြစ်များ

JEREMIAH 19:9

Tichun, tha chimit ding ah a ûm kîmvêl ua, thi ding lau ah a kisêlna lam un, a chapateu leh a chanuteu saphe nêksak in, mitin in a Invêngteu saphe chiat kinêk tuasak ding ka hi tai.

JEREMIAH 23:33

Chuleh, zia mite hi a hem, jawlnei khat a hem leh thiampu khat a hem in la kiang ah, “Lalpa puaknat chu bang a hem?” ti ah a hun dot phat leh, a kiang in, “Nanghaw hi a puaknat chu ahi, hun pâmpai ding ka hi, Lalpa‘n a tii,” ti’n la dawnhu ding ahi.

JEREMIAH 23:39

ziaphat chuleh, nangma leh zia khawpi nang leh la pu la pate kiang ah ka la piaksa hi tawh, domkâng ing ka tin, ka umna kipat hun sepmang ziang ding ka hi.

JEREMIAH 43:11

Hung intin, Aigupta gam chu hisia’n tin: Natpi ah thidingte chu natpi’n thi’n tiu in; sal ah tâng ding ah a guatte chu, sal ah tâng intiu in; chemjam ah thi ding ah a guatte chu, chemjam in thi’n au.

EZEKIEL 5:10

La lak un nu leh pa a chateu sa ne leh, a chateu a nu leh pateu sa ne, matheilo in hung um ding la hiu; la lak un vai hun hawm ding ka hiziak in, zia lak ah suakcha sunte chule kil tin ah thejak nalai ding ka hi.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

ZEKARIAH 13:8

A gam ah um zosia lak ah, a mun thum ah khen mun ni suksiat hi’ntin, a mun thum ah mun khat chu hawi hi’n a.

MATTHAI 15:14

Amau chu ngaisak kiu in; mitthûm te puitu mitthûm a hiu a, mitthûm in mitthûm ma a pui chun, kawkhûk ah ke’lut khawm ding a hiu, a tia.

MATTHAI 21:19

Lamgei ah chun theichang kung pakhat a mu’n, a vazuan ah, a dua longal bangma a mu puai. A kiang in, kumkhua’n a la ga nawt kin! a tia. Tichun, theichang kung chu a vuaitha ngal tai.

MATTHAI 21:43

Ziaziakchun, ka hil la hiu, Pathian gam chu nangmau ah kipat lâk mang hi’ntin, nam dang a ga sua dingte kiang ah chun piak hizaw ding ahi.

JOHAN 12:35

Jesu’n, “Zia vâk hi hun chomkhat sung la lak un a um tadi hi, vâk la nei sung un chiau in, dan leh la chung un thimna hung tung intin, kuale thim lak ah tawite chun a chiana diu a he puau hi.

JOHAN 8:21

Chuleh, a kiang un Jesu’n zia thu hi a gen kit a: “Chia mang ding ka hi, ei hawl in la tiu in; himaleh, nanghaw chu la gitlonau in thi ding la hiu. Ka chiana lam ah hung theilo ding la hiu,” a tia.

JOHAN 8:24

Ziaziakchun, ‘La gitonau ah thi ding la hiu,’ ka ti la hiu; keima lei ginchâk lo ziak un, la gitlonau ah chun thi ngei ding la hiu,” a tia.

THUPUAN 22:11

Midik lo chu dik lo in um mai hen la; mibuak chu a buak in um mai hen; chuleh, mifel chu a fel in um hen la; mithiangtho chu a thiangtho in um ta hen.