Himaleh, ama thalpi chu khau tak in a um zing ah, a khutbânteu chu Jakob Pathian Mihat khut ah, Belam Chingpa Israel suangpi min in hi’hat in a um zing hen;
Tu’hin vang, ka Pathian un ka mitteu ei sukvak piak ah, ka saltânnau ah kipat halthakna neukhat ka neitheina ding un, tu’hin hun chomkhat sung â dingin Lalpa ka Pathian uh doisakna a hung kilang ah; tichun, a suakcha ding leh nutsia ah um nalai dingte bang ei umsak nalai hi.
Ziaziakchun, Lalpa Pathian chun: “Ngai un, Zion ah chun, a suangphûm patna dingin suang pakhat, etchianna suang–suangphûm lûl tak khat chu ka lem in, ‘Ama ging taphot chu zakcha pua’n au!
Ka kam hi chemjam hiam tak gual in a siam a, a khutpêk lîm nuai ah chun ei sêlgu tai; thalchang kinawtval tak gual in ei siam a, a thalbawm sung in ei sêlmang tai.
Tu’ni hin gam zosia chung in, Judah lengte chung leh zia tak ah vaihawmte leh, thiampute chung leh mipite zosia chung ah chun, khawpi kul nei, thik khuam leh sum-eng bâng gual in ka hun siam la hi.
Ziaphat chuleh, ka In ah vêngtu gual in chêngden ta’ng ka tin; tichun, kuama’n a suk a to in pal ta pua’n au; a nuaisia dingin kuama hung ta pua’n au; tu’hin vang, keima mit ngei in ka mu ta’ngâl a.
Ama chu ka mu’n, tu’hin chu hi nai lo; ka en ah, naicha hilo, Jakob ah kipat in Aksi khat hung pawt intin, Israel ah kipat in lal tiang hung dingdok in a; Moab chalki khen phel intin, Sheth chate zosia khên pâi in a.
Tichun, amau chu a en a, “Aleh, zia thu kizik hi a umzia la hiau em? ‘Insate doi lo suang kha, zia suang ma ma kha a kil ah suang poimaw pen ahi tai,’ ti thu kizik hi,” a tia.
Ziaziakchun, Pathian Lekhathu ah chun, “Ngai un, Zion ah a kil ah suang poimaw pen, têldaw leh man tam ka lem tai; ama gingtute chu mualpho pua’n au,” ti a um hi.
Amau chun Belamno chu do intiu in; himaleh, Belamno chun amau chu zo in a; lalte Lal leh hotute Hotu ahi ngal a; tichun, a ko te leh a têl te leh ginumte chu a kiang ah chun um ta’n au, a tia.