ZEKARIAH 10:2 - PATHIAN LEKHABU THIANGTHO (BSI)

² A Inkuan pathianteu chun thu man lo mai mai a gen sek un, âisânte chunle zuau thu bep a muu in; mangsânte’nle mang diklote gen in, a thamuanna thugen uh a thawn mai ahi. Ziaziakchun, mipite chu belam gual in a vak jak zo tau a; belamching ding tâksap ziakin a thuak gim zo tau hi.

ZEKARIAH 10:2 ပူးပေါင်းရင်းမြစ်များ

THILSIAM THU 31:19

Laban chu a belam mul mêt ding ah a chia mang kâl ahi’n; Rakhel in a pa In dawi pathian limte chu a la guk mang piak a.

1 LENGTE 22:17

Ziaphatchun, Mikaiah in, “Israelte zosia chu tâng chungte ah belam a ching ding nei lo gual ah taijak in ka mu’n; chuleh, Lalpa‘n, ‘Ziate hi hotu bei a hiu hi; mi tin thamuang tak in a In lam chiat un chiasak un,’ a tii,” ti’n a dawnhu a.

JOB LEKHABU 13:4

Nanghaw vang zuau thu kigen thiang la hiu; la leng un damdawi thiam panna bei ngen la hiu hi.

JOB LEKHABU 21:34

Thu mantheilo ngen ah chun, bangti ei thamuan ding la hiu em? Lei dawnhunau ah hin zuau thu lo’ngâl, bangma dang a um puai, ti in.

ISAI 41:29

Ngai un, kithepna mai mai a hiu; a thilbawl uh le bangmalo ahi’n, a lim kibawlteu chule hui gual ah, a ngawnchang ngen a hiu.

ISAI 44:25

milepchiate subuaitu, âisân thiamte hi’ngol ah, mipilte bangmalo suaksak ah, a hetnau hi’ngolpa chu ka hi’n;

ISAI 44:9

Milim siamte chu bangmalo mai mai a hiu in, a thil ngaisân ma mateu chunle phatchuamna a nei puai; a hiatpituteu chunle bangma a mu puau ah, het le a hepuau hi. Tichun, mualphona bep tuak in au.

ISAI 46:5

Kua tawh ei te’ ding ah, ka kibatpi ding siam ding la hiu a, ei vak te’ mawng mawng tiam un? Kua ka kibatpi a um em?

JEREMIAH 10:8

Amau haw vang a ngong un, a ngol ui; milimte zilsakna chu vang, thingbong panna bei gual ahi.

JEREMIAH 14:13

Ziaphatchun keima’n, “Katei, Lalpa Pathian! Zia tak ah jawlneite hin a kiang un: Kidona chemjam chu tuak pua’n la tiu in, kialna le tuak lo in zia mun ah hin thamuang tak in um ding la hiu, a tiu a,” ka ti’n.

JEREMIAH 14:22

Nam dangte milim pathiante chun gua a zuksak thei awm? Ahiloleh, vante chunle, gawnêl a kaisak thei awm? Aw Lalpa ka Pathian uh, nangma bep hilo maw? Zia thil zosia bawlpa chu nangma la hiziak in, la chung ah kinepna ka nga tau ahi.

JEREMIAH 23:17

Lalpa thu bangma ngailote kiang in, “Thil phalo bangma tuak pua’n lau,” a tipiak zing un; chuleh, amau ngaituana bep lochal tak ah zuite kiang ah chun, “La chung un siatna hung tung pua’n a,” a ti sek ui.

JEREMIAH 23:32

En un, mang zuauthei mai maite gen ah, mite hil ah, a zuauthu teu leh, a uanna thu manthei lo ziak ua ka mipi puimang jawlneite chu ka dodâl hi, Lalpa‘n a tii. Amau chu ka sawl pua’n, ka thugen dinginle ka sawl puai; ziaziakchun, zia mipite â ding ah hin a phachuam him him puau hi, Lalpa‘n a tii.

JEREMIAH 27:10

La gam ua kipat gamla tak ah pui mang la hitheina ding ua, la kiang ua zuau thu a hun gen piak sek uh ahi ngal a; hun nawdok ing ka tin, mangthai ngei ngei ding la hiu.

JEREMIAH 27:14

La kiang un, Babulon lengpa na sêm kiu in, ti thu gen jawlneite chu ngaitha kiu in, la kiang ua zuau thu bep gen ahi ngal un.

JEREMIAH 27:9

Nanghaw’n vang, la jawlneiteu, la âisân thiamteu, la mang mat mi teu, la mi bum thiamteu leh la dawi thiamteu, la kiang ua, “Babulon lengpa suak in pang talojen in lau,” ti ah thu gente chu ngaitha kiu in.

JEREMIAH 28:15

Jawlnei Jeremiah chun jawlnei Hananiah kiang in, “Ngai tia Hananiah, Lalpa‘n nang a hun sawl lo pi’n zia mipite hi zuau thu la ginchaksak a.

JEREMIAH 29:8

Sepai honte Lalpa, Israelte Pathian in zia gual hin a gen ngal a: La lak ua jawlneite leh âisân thiamte chu kithepsak kiu inla, a mang matteu chule limsak kiu in;

JEREMIAH 37:19

Babulon lengpa chu nang do ding leh, zia gam hi do dingin hung talojen in a, ti sek, la jawlneite chu khoi ah um zo a hitau em?

JEREMIAH 50:17

Israelte chu sakeibaknei in a delzui zing belam tawhbang a hiu hi. Assuria Lengpa’n a nêk zaw nung in, tu’hin Babulon Lengpa Nebukadrezar in a gu leh chângte chu a chêp tai.

JEREMIAH 51:23

belampu leh a belam hon, khetjakna’n ka hun mang a; lou kaipa leh a lou kaina ganchate, khetjakna’n ka hun mang a; gam awppa leh a sia’mângte, khetjakna’n ka hun mang hi.

JEREMIAH 6:14

Ka mipite beliam chu thulim lo tak in a kaituau in, thamuanna ding a umlo lai inle, “Muanna, Muanna,” a tiu hi.

JEREMIAH 8:11

Ka mite beliamna chu a kaitua dukdak puau in, thamuanna ding a umlo inle, “Muanna, Muanna,” a ti sek ui.

KÂ LATE 2:14

La jawlneiteu in la chung ua, thil tung ding a diklo leh, kithepnate bep a mulawk un; khawnung ah tundin kit, la hitheina ding un, la mantheilonau mulo in, nanghaw puimang thei thu diklo bep, a mu zawu tau a.

EZEKIEL 21:21

Babulon lengpa chu âisân in, lamlian pani kisuktuana lampi kidaidanna mun in a um ta’ngalah; a thalpi a thing ah, a milimte chu a dong ah, sathin a endik tai.

EZEKIEL 21:29

Nang â ding ah kilâkna lêm etsak, nang thêm ding ah âisânna zuau thu leh, nunsiate ngâwng ah chemjam, a chung thu vaihawmna nunung ding chu, a hung tung hi.

EZEKIEL 34:5

Tichun, belampu a umlo ziakin belamte a chekjak zo tau in; a chekjak tâk ziak un gamsate an a suak tau hi.

EZEKIEL 34:8

Lalpa Pathian in kihaksial in thu a gen ah: Belampu a umlo ziak in, ka belamte chu a hingsan ah nêk ding bep ahi tâk ziak un, gamsate an ding bep a hung hitau hi; chuleh, ka belampute’n ka belamte a ching puau ah, zia malak ah chun, ka belamte kinêk in, a vâk puau hi;

HOSEA 3:4

Israelte chu hun sawt tak leng leh lal chapa neilo in, kithoina leh dawikhuam bei ah, thiampu awmphaw leh milim pathian le nei lo ah hung um ding a hiziak un.

MIKAH 2:12

Aw Jakob, la leng un hun pui khawm ngei ngei ing ka tin, Israel um nalai sunte chu hun pui khawm ding ka hi; belam hon a kul ah um khawm gual in, bawng hon hampa mun ah tâ gual in, hun pui khawm ngei ngei ding ka hi; zia ni chuleh, mipi husa chiak veng vung ta’n a.

HABAKKUK 2:18

Milim kisung, zuau thu zilsakte bep lo ngâl, a siampa’n bang ding ah a siam a hem? Milim mai mai leh pautheilo, a siampa’n a khutsuak a taksan mai chu aw!

ZEKARIAH 11:17

Aw ka belampu dukdak lo, gan-gual jamsan ziangte haw! Chemjam in a khutbân leh a changlam mit sât kha hen la, a khut chu tantha kêi hen la, a changlam mitle thûm den ta hen! a ti tai.

KISIMNA LEKHABU 27:17

a ma âng ua chia ding leh lût dingin; amau puidok ah, pui lût dingin; tichun, Lalpa mipite chu chingtu nei lo belam hon gual ah a um ziang lona ding un,” a ti’n.

MATTHAI 9:36

Mipite chu a mu phât in, a ching ding umlo belam gual ah genthei leh chavai ah um chu a mu in a lainat ma ma a.

MARKA 6:34

Kuang ah kipat a hung pawt daw leh, mipi tam tak chu a hun mu ta’n, a lungsiat ma ma ah, amau haw chu a ching ding umlo belam gual in a mu’n; tichun, thil tam tak a hil tai.

DAN LEKHABU 13:2

zia a thil kidang leh tepte’na mu sak ding a guat chu a hung guitun tak tak ah, la kiang ah: “Pathian dang khat (la het ngailo uh chu) zui hitiu in, ama na chu sêm hitiu,” a hun ti phat ua leh;

VAIHAWMTE 18:14

Ziaphatchun, gam (zia chu, Laish gam ahi) entha ding ah chia mi pangate khan, a lawiteu kiang in, “Zia In ah hin Ephod leh teraphim leh thik ah kisiam milim a um hi ti la he’nau em? Tu’hin bang I bawl ua pha a hem ti la ngaituau em?” ti’n a dong tau hi.