ZEKARIAH 1:4 - PATHIAN LEKHABU THIANGTHO (BSI)

⁴ Jawlnei masate’n, “Sepai honte Lalpa chun, ‘La umdan phalo leh, la thil phalo bawlteu chu hun kiheisan un, a tiu a; la pu la pateu in a limsak lo uh leh bangma a la ngaisak lo gual uh khan um kiu in, Lalpa‘n a tii.

ZEKARIAH 1:4 ပူးပေါင်းရင်းမြစ်များ

2 KHANGTHU 30:6

Tichun, lengpa leh a khawnbawlte chun lekhathot chu a thotdok zung zung ziang tau a; Israel gam leh Judai gam pumpi chun lengpa thupiak in a thotdok suak tau a; zia gual hin thupiak chu a zik un: “Aw, Israel mipite haw, Abraham, Isak leh Israel Pathian, Lalpa kiang lam ah hin hung kihei kit tau in; chutileh, ama le a thibang sunte kiang lam ah hin hung kihei kit in tin, nanghaw Assuria lengte khut ah kipat suakcha sunte hi hun nai kit ding ahi ngal a;

2 KHANGTHU 30:7

la pu leh pateu leh la suanteu in la pu leh pateu Lalpa Pathian a la kilepsan ziak ua, a gam uh a la sukgam piak khawlaw gual un um kiu in la;

2 KHANGTHU 34:21

“Zia Dan Lekhabu kizikte hi I pu leh pateu in a la zui tâk lo ziak un, I chung un Lalpa lungnatna huaisia tak chu a la tung ta hen; chiau inla, zia Lekhabu kimudok thute dungzui ah, keima leh Israel leh Judai gam ah um nalai sunte chungchâng hi, Lalpa kiang ah ei vadawp piak tiam un,” ti’n a sawl tai.

EZRA 9:7

Ka pu leh pateu hun laiah kipat tu’ni tiang hin ka gitlo’nateu chu a gil ma ma ta’n; keimau, ka lengteu leh ka thiamputeu khawlo’na ziak un, gam dangte lengte khut leh chemjamte âng leh, saltânna munte leh, gâl lâk ding leh mualphona zâhuai tak, tu’ni ka tuak gual uh hin ka la tuak tau ahi.

NEHEMIAH 9:16

Himaleh, ka pu leh pateu khan, kisathei tak leh lu’lul tak in la thupiakte kha a la mang nuam ta puau a;

NEHEMIAH 9:26

Chutisapi’nle, thu a mang puau ah, a hun do nalai lai un; la dan thute chu nungngat in, nang lam ah a kihei kitna ding ua thumop la jawlneiteu chu a la that un, nasa tak in la min a gensia tau hi.

NEHEMIAH 9:30

Kum tam tak a chung un la dawthei ah, la jawlneite mang in la thagau chun la vauhil zing ah; himaleh, a ngaitha nuam diak puau hi. Ziaziakchun, a gam ah mite khut in la la pedok ta ahi.

SAM 78:8

a suanteu dungsûn ah suan lochal leh, kiphin chîngte, suan thumang lo, Pathian lak ah lungthim ginum lo pu’, a umlo’na ding un.

ISAI 31:6

Aw Israel mipite haw, nasa tak in ama a la do ta maleu chin, a kiang lam ah hung kile’kit mai tau in.

JEREMIAH 18:11

Ziaziakchun, tu’hin Judah mipite leh, Jerusalem ah chêngte kiang in, zia gual hin Lalpa‘n a gen hi, vati’n: En un, la chung ua thil phalo tunsak ding leh, nanghaw do ah thil phalo guanggal ding ah bêl vêlpa chu ka hi. Tu’hin, la leng un, la thil phalo bawl uh chu hun haisan unla, la umchan uh leh la thilbawl zosiau siamphau in, ti in.

JEREMIAH 23:22

Ka vaihawmna hung ding hileuchu, ka mipite kiang in ka thu genjak ding a hiu a; chutileh, a gitlona lampiu leh, a thil phalo bawlteu chu haisan ta ding a hiu a.

JEREMIAH 25:8

Ziaziakchun, sepai honte Lalpa chun zia gual hin a gen hi: Ka thu la ngai lo ziak un,

JEREMIAH 26:5

la kiang ua thu gen ding ah kin tak ah ka hun sawl, ka suak jawlneite thugen haw la ngai lo ua leh vang, a la ngaisak lo hi maleu chinle,

JEREMIAH 3:12

Chia inla, mallam in zia gual hin vapuang jak in a tii: Ginumlo Israel hung kile’kit in, Lalpa‘n a tii. Ka lungnatna mêl in hun en pua’ng ka, lainatna dim ka hi’ngal a, Lalpa‘n a tii; kumkhua’n lungna ta pua’ng ka.

JEREMIAH 3:14

Aw, mi ginum lo chate haw, hung kihei kit un, Lalpa‘n a tii; nang uh hun neipa ka hi’ngal a. Khawpi khat ah mi pakhat, Inkuan khat ah mi pani a hem, hun lakhawm ing ka tin, Zion ah hun pui tung ding ka hi, ti in.

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 4:1

Lalpa‘n a gen a: Aw Israel, la hung kile’kit ah, keima lam ah la hung kit ua, la ki’dak umnau ka mu’na kipat la lîpthâk ua, la mawk vak tâk lo ua,

JEREMIAH 44:16

“Lalpa min ah ka kiang ua la thu gen chu, ngaisak naisai pua’ng kau.

EZEKIEL 14:6

Ziaziakchun, Israel Inkuante kiang in, Lalpa Pathian in zia gual hin a gen hi: Kisik unla, la milimteu kiheisan tau in; chun, la ki’dak umnau zosia kiheimangsan tau in.

EZEKIEL 20:18

Gamthip ah khan a chateu kiang ah, la nu leh pateu dan zui kiu inla, a thuguat uh le mang kiu inla, a milimteu inle kisubuak kiu in, ti’n ka la gen ta ahi.

EZEKIEL 33:11

A kiang un, Lalpa Pathian in kihaksial hial in, Migilo thi’na chun ka kipak puai; himaleh, migilote chun a umdan uh kiheisan uh hen la, hing leh dam in um leu ka ti ahi; hung kihei kit un, la umdan phaloteu nusia in hung kihei kit tau in; aw Israelte haw, bang ding ah thi mai ding la hiu em?

EZEKIEL 33:4

a pengkul mût git he ngâl in, a la kisalo khat um taleh, mêlma’n hun sim in hun chom gam taleh, a maw chu amau in a kipuak ding uh ahi.

DANIAL 9:6

Ka lengteu leh ka milian milalteu, ka pu leh pateu leh ka gam ua mipi zosia kiang ah la min ah thugente, la suak jawlneite thugen ka la ngaisak ta puau hi.

HOSEA 14:1

Aw Israel, Lalpa la Pathian lam ah hung kile’kit ta’n; la thulimlo’na ziakin la kipal pûk ta ahi.

AMOS 5:24

Ahi’n, vaihawmna dik tui gual in luansak unla; diktatna chu lui tui luang let gual in.

MIKAH 2:6

Mipite chun, “Ka chungthuu ah hin thu gen kin, zia gual thilte chu gen him him kin. Pathian in ei mualphosak lo ding ahi.

ZEKARIAH 1:3

Ziaziakchun, a kiang un: Sepai honte Lalpa chun zia gual hin a gen hi: Sepai honte Lalpa‘n ka kiang lam ah hung kihei kit un, keile nang uh lam in hung kihei kit ing ka, sepai honte Lalpa‘n a tii.

ZEKARIAH 7:7

Jerusalem leh a kîmvêl ah khawpite chu lua dim ah, a vânglai ni leh simlam Negeb leh Shephelah phâiguamte mihing in a lua dim lai ah, jawlnei masate mang ah Lalpa‘n thu a la gente kha hilo a hem? ti’n gen in,” a tia.

NASEPTE 26:20

a lim ah Damaska khua umte kiang ah; zia nung ah chun, Jerusalem khua umte kiang ah leh Jentelte kiang tiang inle, gitlo haisan tak tak ah, thilpha a bawl ua, Pathian lam ah a hung kiheina ding un ka hil zaw sek ta ahi.

NASEPTE 3:19

Ziaziakchun, la gitloteu thaimang ah a umtheina dingin la lung uh hei unla, Pathian kiang lam ah hung kinung hei kit un;

1 PETER 1:18

La pu leh pateu hun piaksawn, umdan phachuamlote ah kipat thil sethei, dangka leh sana ah tat la hi puau a,