TITA 3:7 - PATHIAN LEKHABU THIANGTHO (BSI)

⁷ Tichun, a hepina thiamchansak ah um in, kumtuang hinna kinepna dungzui in golua ah siam I hithei tau hi.

TITA 3:7 ပူးပေါင်းရင်းမြစ်များ

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

MARKA 10:17

A kipatdok guat lai tak in, mi pakhat a hung tai ah, a ma-âng in a hung khupdin ah, a kiang in, “Hotupa pha, kumtuang hinna ka nei theina dingin bang ka hi diam?” a hung tia.

ROMTE 11:6

Hepina ziak ahi chun thilhi ziak a hita puai; chutilochun hepina hi hepina hita lo ding ahi.

ROMTE 3:24

Khrista Jesu tatna jal ah chun, a hepina ziakin a thawn ah thiamchansak I hitau hi;

ROMTE 3:28

Dan dungzui ah thilhi ziak hilo in, ginna ziak zaw’n mi chu thiamchang a hiu ti I pom ui.

ROMTE 4:16

Hepina ziak ahitheina dingin ginna chu a hung um ah, a thutiam chu a suante zosia chung ah, a tawp chan ah a um zing theina dingin, Dan nuai ah umte bep hilo in, Abraham ginna kikoppite â dinginle ahi, ama chu I leng ua pa ahi ngal a.

ROMTE 4:4

Nasemtu law kipia chu hepina ziak a hipua’n, bat ah ngai ahi zawi.

ROMTE 8:17

chuleh, chate I hiu chun, golua dingte I hiu ah, Pathian golua ding, Khrista tawh golua khawm ding I hitau hi; ama lopina I chan khawm theina ding un, ama thokna le I thokpiu a ngai hi.

1 KORINTH 6:11

Nanghaw lak ah khenkhat zia gual mi chu la hisek un. Himaleh, Lalpa Jesu Khrista min leh, I Pathian Thagau ah chun silthian la hitau ah, hi’thiantho leh thiam chang la hitau hi.

GALATIA 2:16

himaleh, dan thilhite ziakin mi thiamchang in a um puau a, Jesu Khrista gin ziak bep in thiamchang in a um zawu hi, ti I he ngal un; ei unle dan thil hi’ziak hilo in, Khrista ginna ziak ah thiam I chan theina ding un, Khrista Jesu chu I ging uh ahi; dan thil hi’ te ziakin mihing him him thiamchang in um pua’n au.

GALATIA 3:29

Chuleh, Khrista â la hiu chun, Abraham suan, thutiam dungzui ah golua dingte chu la hitau hi.

GALATIA 4:7

Tichun, suak la hita puau in, cha la hizaw tau hi; cha la hileh, Pathian zal in a golua ding la hi tai.

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

TITA 1:2

khawvel um masang ah Pathian zuau gen ngailo in a tiam, kumtuang hinna kinem ah um,

TITA 2:11

Pathian doisakna chun, mi zosia â dingin hukdamna a hun kilatsak tangal a;

TITA 2:13

kinepna kipak um, I Pathian lopi tak leh Hukdampa Jesu Khrista kilâkna chu ngâk dingin ei hil a.

HEBRAITE 1:14

Vansawlchâkte haw zosia chu, hukdamna chang dingte nasem ding ah sawldaw thagau hilo a hiu em?

HEBRAITE 11:7

Ginna’n Noah chu mu nailo thil thu ah Pathian hillawknate a pom ziakin, a Inkuante hukhinna dingin kuang a tu’n; zia chun khawvel thiamlo a chan in, ginna ziak ah dikna goluapa a hung hi tai.

HEBRAITE 11:9

Ginna ziakin a lua ding tiampiakna gam ah chun malzin gual in, puanbûk ah chun Isak leh Jakob gual in a la chêng ah; amau chule a goluapi dingte ahi ngal un.

HEBRAITE 6:17

Tichun, Pathian in kitiam hial ah a lemguatna a sukdet chu, danglam lo ding ahi dan, a thutiam changte kiang ah hin a hiatsak nop ziakin a kitiam zaw ahi.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

1 PETER 3:7

Pawsalte haw, zia gual ma chun, numei chu bêl kêk vak zaw leh, hepina hinna gochanpite a hiu hezing kawm in chawihoi un; tichun, la pauchapnateu dâl in umlo ding ahi.