TITA 3:5 - PATHIAN LEKHABU THIANGTHO (BSI)

⁵ dikna lam ah I nasep dawteu ziak hilo in, tui ah silthianna leh Thagau Thiangtho ah siamthakna chun a jangaina dungzui in ei hukhing ta.

TITA 3:5 ပူးပေါင်းရင်းမြစ်များ

JOB LEKHABU 15:14

Mihing thitheite hi bang a hiu ah thiangtho ding, numei sung ah piangte hi, bangti’n dik thei ding a hiu em?

JOB LEKHABU 25:4

Mihingte hi Pathian âng ah, bangti’n dik suak thei ding a hiu em? Numei sung ah piang chu bang ti’n, thiangtho ding a hiu em?

JOB LEKHABU 9:20

A dik hitamawng lengle, ka kamsuak in thiamlo ei chansak ding ahi’n, demna bei hilengle, diklo ka hi’dan tâklang ding ahi.

SAM 130:7

Aw Israel, Lalpa ah kinem in! Lalpa kiang ah ngilneina a um ngal in, ama ah chun hukdam theina thahâtna a um hi.

SAM 143:2

La suak chung thu vaihawm nai kin la, la mit mu ah hin mihing thiamchang ding, a um paw’ngal un.

SAM 51:10

Aw Pathian, keima ah hin, thinlung thiangtho siam inla; ka sung hin thagau thak leh dik koi ta’n.

SAM 62:12

aw Lalpa, ngilneina hi nang â ahi. Mi tin a nasep dungzui un la din sek ngal a.

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

ISAI 57:12

La diknau leh la thil bawlteu hun tâklang ding ka hi; maleh, ziate chu phachuam pua’n a.

EZEKIEL 36:25

Tui thiangtho hun the’khum ing ka tin, la buakna zosia leh milimte ziak ah la buakna zosia lak ah kipat in hun hi’thiang ta’ng ka.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

MATTHAI 3:11

Keima’n gitlo haisanna di’n tui in ka hun baptis in, ka nung ah hungdingpa chu keima sâng in a lopi zaw’n, a kengtawdap chawi tâk le ka hi puai. Ama chun, Thagau Thiangtho leh mei in hun baptis in a.

LUKA 1:50

Ama ki’chate chung ah chun, a jangaina chu a khang, a khang inle um zing ta’n a.

LUKA 1:54

A jangaina chu a hetmil lo ziakin, a suak Israelte chu a panpi tai;

LUKA 1:72

I pu I pateu kiang ah a jangaina thutiamte leh, a thuthung thiangtho a het zing ziakin.

LUKA 1:78

I Pathian jangaina chu hung kilang in, zia kipat chun chung lam vâk in ei hung kan tha’n tin;

ROMTE 11:14

Chutichun, ka chipite chu ka mitthîpsak ah, a lak ua mi khenkhatte bêk ka hukhin theina dingin.

ROMTE 11:6

Hepina ziak ahi chun thilhi ziak a hita puai; chutilochun hepina hi hepina hita lo ding ahi.

ROMTE 12:2

Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

ROMTE 3:20

Ziaziakchun, “Dan thil hi ah kuama ama mit mu in thiamchang ding a um pua’n,” dan ziakin gitlo kihiatna um a hibep ngal a.

ROMTE 3:28

Dan dungzui ah thilhi ziak hilo in, ginna ziak zaw’n mi chu thiamchang a hiu ti I pom ui.

ROMTE 4:5

Himaleh, nasep ziak hilo ah, Pathian helote thiam chansakpa ah ginna nga mi ginna chu, a dikna ah ngai ahi.

ROMTE 9:11

A chate chu a pianmau in, sia leh pha a sepdaw mau in, thil hi’ziak hilo in, a kopa dawi ziak hi zaw’n, têlna lam thu ah chun Pathian thil guat chu a dettheina dingin a kiang in:

ROMTE 9:16

Chutichu ahileh, mihing dawi ziak leh tup ziak le a hipua’n, hepipa Pathian ziak ahi zawi.

ROMTE 9:30

Bang gen ding I hitau em? Jentelte dikna dellote chun dikna a la mu tau ah, ginna ziak ah dikna chu.

1 KORINTH 6:11

Nanghaw lak ah khenkhat zia gual mi chu la hisek un. Himaleh, Lalpa Jesu Khrista min leh, I Pathian Thagau ah chun silthian la hitau ah, hi’thiantho leh thiam chang la hitau hi.

GALATIA 2:16

himaleh, dan thilhite ziakin mi thiamchang in a um puau a, Jesu Khrista gin ziak bep in thiamchang in a um zawu hi, ti I he ngal un; ei unle dan thil hi’ziak hilo in, Khrista ginna ziak ah thiam I chan theina ding un, Khrista Jesu chu I ging uh ahi; dan thil hi’ te ziakin mihing him him thiamchang in um pua’n au.

EPHESA 2:4

Ahi’n la, Pathian chun, hepina a hau dungzui ah ei la hepi ziakin;

EPHESA 4:23

la lunggil thagau uh chun hin thak ah hung um in,

EPHESA 5:26

amau chu a sukthiantho theina dingin, a thu tui ah chun sil thiang in,

DAN LEKHABU 9:5

La dikna ziak leh la lungthim uh a dikna ziak ah zia gam hi lua ding la hi puau ah; zia gam ah chêng namte thanhuaina ziak ah hin, Lalpa‘n la suantuteu Abraham, Isak leh Jakob kiang ah a thutep namdet dingin, Lalpa la Pathian un amau chu a hun suan dawsak la hizaw ngâl un.

KOLOSSA 3:10

Mihing thak ah chun la kivan tau ah, zia mihing thak chu het bukimna nei dingin, a siampa tawh kipua ah siamthak ahi.

2 TIMOTHI 1:9

Ama chun I thilhite dungzui hilo in, ama thiltup leh a hepina dungzui in ei hukhing in, kona thiangtho in ei ko a. Zia hepina chu khawvel kisiam ma ah, Khrista Jesu ah ei piak a hita’n;

TITA 3:4

Himaleh, Pathian, I Hukhingpau in mihingte a lungsiatna leh hepina a hung latsak nung ah hin,

HEBRAITE 10:22

lungthim dik tak pu’n, ginna kihetchianna bukim chu nei in, I lunggil sia leh pha hetna chu suthiang in, I taksau le tui thiang ah sil in, ama chu nai hitiu.

HEBRAITE 4:16

Ziaziakchun, hepina chu I chan theina ding uh leh panpi I ngai hun ua panpina chu dong ah, lungsiatna I mutheina ding un, jangaina lalchutpha chu hangsan tak in nai hitiu.

HEBRAITE 6:6

ziate chun a pûksan kit ua leh vang, a lung hei kitna ding un siamthak kit ding gual a hita puau hi; Pathian chapa chu amau â ding ah khetden kit leh sukmualpho kit ahi tâk ding ziakin.

1 PETER 1:3

I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.

1 PETER 2:10

“Malai khan nam la hi puau ah, tu’hin vang Pathian namte la hitau hi; malai khan jangaina la mu puau ah, tu’hin vang jangaina la mu tau hi”.

1 PETER 3:21

Zia kibatpi baptisma chun, taksa buakna sukthianna bep hilo in, Pathian lam ah sia leh pha hetna sukthianna hizaw in, Jesu Khrista thawkitna ziakin tu’hin a hun hukhing tai.