TITA 3:1 - PATHIAN LEKHABU THIANGTHO (BSI)

¹ Kuale a chung ua vaihawmte leh thuneite nuai ah kitulut ding leh, thumang ding leh, napha taphot sêm ding ah kisazo ding leh,

TITA 3:1 ပူးပေါင်းရင်းမြစ်များ

THUPILTE 24:21

Ka cha, Lalpa leh lengpa chu lau inla, a kua zawk thu chule nial kin;

THUGENTU 10:4

Vaihawmtu la chung ah a lungnat pêt in, la umna mun chu nusia ziang kin; thipbek ah la umtheina ziakin, sukkhialna nasa tak le a hi’dam thei hi.

ISAI 43:26

Ei hun hêk inla, thutanna mun ah chia hi ti; la dikna hi’lang dingin, la thiamchanna thu hun gen in.

JEREMIAH 27:17

A thugen uh chu ngai kiu inla, Babulon lengpa na sêm un la khawsa tau in. Bang ding ah zia khawpi hi a hawm ah nutsia hi mai ding a hem?

MATTHAI 22:21

Amau chun, Kaisar, a tiu a. Ziaphatchun, a kiang un, “Kaisar thilte chu Kaisar kiang in piau inla, Pathian thilte chu Pathian kiang in pia tau in,” a tia.

1 KORINTH 15:58

Ziaziakchun, ka doitakte haw, suklîng zaw lo ding ah det tak in um unla, Lalpa nasepna chun theitawp sua zing un; la sepgimnau chu Lalpa ah chun a thawn puai, ti la he ngal un.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.

DAN LEKHABU 17:12

Chuleh, Lalpa la Pathian un nasem ding ah a guat chuam thiampu leh vaihawmte thu mang nuam lo taphot chu, la tha ngei ngei ding uh ahi. Israelte lak ah kipat thil phalo chu zia gual chun la zen thiang sek ding uh ahi.

PHILIPPI 1:11

Pathian lopina leh choihoina ding ah, Jesu Khrista vang ah hung um, dikna gate chu la sua theina ding un.

KOLOSSA 1:10

Chuleh, nasep pha zosia ah ga sua ah, Pathian hetna hung khang ah, ama kipakna lam ah Lalpa â ding ah kilawm him ah la hin theina ding un.

1 TIMOTHI 2:2

lengte leh thuneina sâng tak neite â dingin tawh: Tichun, Pathian ngaisak leh za tak ah, thamuang tak leh kicham dial ah vai a hawm theina ding un.

1 TIMOTHI 4:6

Ziate chu unaute la hiatsak ahi chun, Khrista Jesu ah nasêm pha, ginna thute leh thuhilna pha la zuite ngei ah chu kivâk thahât hiding la hi.

1 TIMOTHI 5:10

a nasep phate hetpi hita, chate vâk lian ta, zin leh lêng bawldan thiam, mithiangthote keng sil piak ta, liangvaite a la somdawl ta leh nasep pha zosia ah kipe zo mi ahi ding ahi.

2 TIMOTHI 1:6

Ziaziakchun, ka khut ngak ziak ah Pathian thilpiak nangma ah um kha, sêmkuang kit dingin ka hun hiatsak hi;

2 TIMOTHI 2:14

Zia hi hiatsak kit inla, Pathian âng in hil in: Thu mai maite chung in kinial kiu hen, ziate chu bangma a phachuam pua’n, a ngaithate â ding in siatna ahi zawi.

2 TIMOTHI 2:21

Kuale zia thil phalo ka gente lak ah kipat a kihi’thiantho chun, bêl manpha, In neipa â ding ah a thiangthosa leh mat tâk, nasep pha zosia ah matthei ngal chu hi’n a.

TITA 1:16

Pathian he a kitiu in, himaleh a nasep ua chun ama a kihetlosak ui. Ki’dak um tak leh thu awilo tak in, thilpha hi’na ding lam taphot in a ting zo ta puau hi.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

TITA 3:14

Chuleh, I mipiteu khan ga sua lo ah a um lona ding un, thil mamawte sêmdok dingin nasep pha sep dan zilsak in.

TITA 3:8

Pathian gingtate chun nasep pha chu sêm ah a pilvâng diu ahi, ti hi thu ginum tak ahi: Zia thu chu hangsan tak ah gen dingin ka dawi la hi. Zia thilte chu mihingte â dingin a pha’n, a phachuam ma ma hi.

HEBRAITE 13:21

a mit mu ah a kipakna gual ah Jesu Khrista jal ah nangmau ah sêm in, ama lung lam sêmdok dingin thilpha lam zosia’n hun subukim ta hen; ama kiang ah chun, lopina kumtuang kumtuang in um zing ta hen. Amen.

2 PETER 1:12

Ziaziakchun, zia thilte chu hia’n, la kiang ua um thutak ah chu la detna ding un, zia thilte chu hetpi dingin ka kisa zo zing ahi.

JUDA 1:5

Bangkim chu khatvei hesuak maleu chun, Aigupta gam ah kipat Lalpa‘n a mite a hukdaw ah, zia nung ah chun a gingchalote a sukmanthai dan kha hun hiatsak kit ka nuam hi.