TITA 2:2 - PATHIAN LEKHABU THIANGTHO (BSI)

² Upate chu kisûm ding, ja’um, a hun tiang he, ginna dik tak nei, hepina leh thok-hatna nei ding in;

TITA 2:2 ပူးပေါင်းရင်းမြစ်များ

JOB LEKHABU 12:12

Têksete kiang ah pilna, damsawtte kiang ah hetthiamna a um hilo a hem?

SAM 92:14

Têknung inle ga sua zing intiu in; tuipom zing in hing dip dep in au.

THUPILTE 16:31

Samkâng hi lopina lal lukhuk ahi hen, zia chu mi lamzangte’n a chang sek ui.

ISAI 65:20

A sung ah chun nausen a ni ah sim bep dam um ta pua’n tin; chuleh, teksia a dam kum ding ting lo le um diak pua’n a; kum za khat dam chu nausen lamjul ah thi gual hi’ntin, kum za khat ting lo ah thi chu, migilo ka hânsialaw ziak ah thi hi’n a.

THIAMPUTE LEKHABU 19:32

Têksete leh la sâng ah upa zaw te la jabawl ah, la Pathian la lau ding ahi: Keima hi Lalpa chu ka hi.

MARKA 5:15

Jesu kiang in a hung ua, thithabuak voppa kha lungthim lamzang tak leh, puan pha tak ah sil ah a la kichu a vamuu ah; a lau ma mau hi.

LUKA 8:35

Chuleh, thil umdan en ding ah hung pawt in, Jesu kiang in a hung ua, zia tak ah chun Jesu kengbul ah thitha buak voppa kha thithate’n a nutsia tâk uh, puan sil leh chêng in, lungthim dik tak pu’n a la kichu a vamuu ah, a lau ma ma tau hi.

NASEPTE 24:25

Paul in dikna thute, kisûmna thute, vaihawmna hung tung ding thute pha tak ah a gen phatin, Felik chu a kithing hial a, “Chia kit phot in; hun lemchâng ka nei phat leh hun ko kit ing ka,” a tia.

ROMTE 12:3

Hepina piak ah ka umna jal in, la leng ua kiang in zia thu hi ka gen ahi, la lak un kuama ama hi’na khêl ah kingaisâng lo ding leh, Pathian in ginna a hun piak dungzui ah dik tak in kingaitua chiat zaw tau in.

1 KORINTH 15:34

Ngaituana pil leh dik tak hun nei unla, gitlo bawl ta kiu in; mi khen khat hin Pathian hetna a nei puau hi; la jachâkna ding ua ka gen ahi.

1 KORINTH 9:25

Gualsiak kidemna ah pang mi chu bangkim in a kithunun sek un; amau chun lallukhuk sethei mu dingin a bawl un, eihaw’n vang a setheilo mu dingin I pang uh ahi.

2 KORINTH 5:13

Ka ngol uh leh Pathian â ding ahi’n, ka pil uh leh nang uh â ding ahi.

GALATIA 5:23

thunuaigolna leh kisumtheina ahi; ziate tawh kikãl hi dan a um puai.

PHILIPPI 4:8

A tawp pen ah chun, suapite haw, a dik tapo, a za-um tapo, a fel tapo, a thiangtho tapo, a doi um tapo, a kithang mêlpha tapo, thil phazaw him him, pâkchâk ding him a um chun ziate chu ngaituau in.

1 THESSALONITE 5:6

Ziaziakchun, midangte gual in ipmu puai tiu, hak zing in, ngaichâng tak in um zawi tiu.

1 THESSALONITE 5:8

Himaleh, ei uh vang chu sun ah mi I hiziak un, ginna leh hepina awmphaw chun kithuam in, hukdamna kinepna chu lukhuk ah mang in, ngaichâng tak in um hitiu.

1 TIMOTHI 1:10

mithanghuaite, tawkawhûkte, mihing ah kiveite, juautheite, juau ah kihaksialte leh,

1 TIMOTHI 1:14

I Lalpau hepina chu, Khrista Jesu ah um ginna leh hepina chun keima ah nasa tak in a dimlêt tai.

1 TIMOTHI 1:2

ginna ka chapa Timothi kiang ah: I pau Pathian leh Khrista Jesu I Lalpau kiang ah kipat hepina leh jangaina leh chamna um ta hen.

1 TIMOTHI 1:5

Ei un thuhil ding I kol pen uh hi ahileh, lunggil thiangtho leh sia leh pha hetna thiang leh ginna tak tak ah kipat pawt hepina ahi zaw ngal a.

1 TIMOTHI 3:11

Zia gual ma chun a jiteu le mi titak, mi gensiat chîng lo, kisûm thei, bangkim ah ginum ahi diu ahi.

1 TIMOTHI 3:2

Chutichun, kochuam hotulian chu dem kâi lo, ji pakhat nei, kisûm thei, lungthim navak, mi ja’um, mi lop thiam, mi hil thiam;

1 TIMOTHI 3:4

Ama Insung pha tak ah pawtûp in, a chate chu kawng bangkim ah thumang leh ja’um tak ah a thunun zaw ding ahi;

1 TIMOTHI 3:8

Zia gual ma chun kochuam ah hotu dingte chu mi titak ahi diu ahi; mi kam tam, zudu, dangka huaihap hi kiu hen.

1 TIMOTHI 5:1

Upate chu vau thaw kin la, pa gual in hil zaw’n; tangval zaw te chu suapite gual in;

TITA 1:13

Zia a thugen chu a dik him hi. Ziaziakchun, ginna dik tak a neitheina ding un na tak in zilgai in.

TITA 1:8

mi lopdan thiam, a phalam dawi, ama kithuzaw mi, midik, mithiangtho leh mi kisûmthei;

TITA 2:7

Bangkim ah thilpha lam taphot ah, mi etton dingin kisiam inla; la thugen ah chun la lunglut zia leh la ti’takna a kilat a;

PHILEMON 1:9

keima Paul, Khrista Jesu palai leh tu’ ama jal ah suangkul ngâk têk hial ta hin, hepina jal ma ah chun a dot in ka hun dot thaw a hi.

1 PETER 1:13

Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.

1 PETER 4:7

Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

2 PETER 1:6

la hetnau ah chun kisûmna pansak unla, la kisûmnau ah chun thok-hatna pansak unla, la thok-hatnau ah chun Pathian ngaisakna pansak unla,